Esdras 3:8 - Toba del Oeste

⁸ Ca'li joote yenoĝonegue ga'me onolec uo'e nataq'aen dos gaa'me auoĝoyaqa da'me novideta di'me Jerusalén jogaa'me qoye'n ne'uaqa ca'li, qama'le yemta 'noĝotedapijeguem ga'me tamenaĝaiqui jo'ne loĝot joñe'me Jaliaĝanec Dios. Qama'le Zorobabel, c'oĝot di'me Salatiel, nataq'aen Josué, c'oĝot di'me Josadac, choqogaa'me laqaya' jo'ne tamenaĝaiqui lo'ol nataq'aen gaa'me levita laje', chayovida'alo yema ga'me jiyaĝadipi, niquiyayelo gaa'me levita laje' jo'ne joote veinte gaa'me ne'uoidi, qaedi yelodelegue da'me 'nonataĝanaĝac.

La'aqtaqa Ñim Lo'onatac 'Enauacna 2013

⁸ Qaq so Zorobabel, maye llalec so Salatiel, qataq so Josué, maye llalec so Josadac, soomaye huaxaigueta so maiche lalamaxa't lauo' le'ecpi maye ntaxaỹaxanaxanecpi, qataq so leviitapi, qataq 'enauac so ñe'eguelaqpi maye noxonecpi co'ollaxa, somayepi ỹoltaq no'oxoosheguem aso atamnaxaqui, co'ollaq inoxonec so 'oonolec vi'i, qataq soua dos ca'agoxoiqa co'ollaq nvita ye Jerusalén. Nache so nalamaxat nhuo' le'ecpi maye chegoxoguetpi so Leví, maye mashe ivi' naua veinte vi'iye da nachaalataxac nacheso so qaipataxalec da ilo'ogue da no'onataxanaxac da qano'oxoosheguem aso atamnaxaqui maye lalamaqte Ñim Nataxala'.

Esdras 3:8 Referans Kwoze

Esdras 4:3

Qalaĝaja Zorobabel nataq'aen Josué chayovida'alo gaa'me najoĝola'te jena'me Israel laje' 'yategueta ca'li: «Ja jaqanatetaq ta'le ami qadecochaĝa'u da'me qa'noĝotapijeguem ga'me netamenaĝaiqui joñe'me Qanedios. Mach'e qo'mi qadejamaq da'me qa'noĝojeguem, qaedi janemaĝam ñe'me Dios Jaliaĝanec jenjo' Israel, qa'a naq'aeta ca'li qo'mi yamaĝalo'te ga'me Ciro, jaliaĝanec di'me Persia.»

Esdras 3:2

Chane'eja Josué jo'ne c'oĝot ñe'me Josadac, chayovida'alo gaa'me lecochaĝa'u jo'ne tamenaĝaiqui lo'olpi, ena'am jodi'me Zorobabel, c'oĝot di'me Salatiel, nataq'aen gaa'me laqaya'olqa, naqaegaua 'uauteda'aguet da'me 'noĝodijeguem ga'me c'atonaĝala' jo'ne Dios loĝot, qaedi yitaĝa qoyauo'oe gaa'me najaqae's jo'ne qoyeguedoue, qa'a naq'aeta ca'li jenjo' Moisés lamajoĝonaĝac, jiyaĝaua jo'ne Dios liquiyac ca'li.

Esdras 5:16

Chane'eja male novi' joñe'me Sesbasar, nec'ata jena'me Jerusalén, qama'le ye'et jaga'me p'añe jena'me tamenaĝaiqui. Qama'le nach'ena chiyoqotelegue da'me qo'noĝotapijeguem, qalaĝaja maliaĝa ja yem.”

Zacarías 4:9

«Zorobabel ca'li ya'uo ga'me 'lonatac jo'ne qa' lojoche jo'ne p'añe jenjo' tamenaĝaiqui, qama'le naqaeñe qomle 'noota ta'le yomat jenjo', qaedi male yataqata qoyayaten da'me naqayem jo'ne am ñamaĝaquena, mach'e jayem Jaliaĝanec jo'ne napacalegue ena'uac.

Zacarías 6:12

Qama'le a'uaĝatem: “Joñe'me Jaliaĝanec jo'ne napacalegue ena'uac yitaĝa nenaĝategue: 'Uo joñe'me le'em lenaĝat Nolelijeguem, male najeguem, chiyaqa'alo gaa'me mach'e lepatadi', qama'le yitaĝa 'noĝojeguem qomle joga'me netamenaĝaiqui ñe'me Jaliaĝanec.

Esdras 2:2

Qodajotalo'te joga'me Zorobabel, Josué, Nehemías, Seraías, Reelaías, Mardoqueo, Bilsán, Mispar, Bigvai, Rehúm nataq'aen Baaná:

Esdras 4:24

Qama'le joga'me te'me yitaĝa qo'noĝojeguem joga'me Dios 'lemec jo'ne ue'ta di'me Jerusalén, male cha'li qoyaĝañi da'me qo'noĝojeguem, chayovida'a ga'me uo'e dalaĝaic ga'me 'uo ca'li lejaliaĝaiqui ñe'me Darío, jaliaĝanec di'me Persia.

Esdras 5:2

Qama'le ñe'me Zorobabel, c'oĝot di'me Salatiel, nataq'aen ñe'me Josué, c'oĝot di'me Josadac, male yitaĝa ye't da'me 'noĝodijeguem joga'me tamenaĝaiqui jo'ne Dios loĝot, qama'le naa'me Dios 'laqatanaĝanaĝanaqa lecochiyalo ca'li.

Esdras 10:18

Naajo' naa'me lenaqa'te gaa'me tamenaĝaiqui lo'ol jo'ne yoda'alo gaa'me loua': Gaa'me chiyoĝoteguet di'me Josué, c'oĝot di'me Josadac nataq'aen gaa'me laqaya': Maaseías, Eliézer, Jarib nataq'aen Guedalías.

Hageo 1:1

Ca'li male 'uo ga'me lejaliaĝa joñe'me Darío, joga'me uo'e laqaya ca'li, joga'me 'uaeñe nolo' joga'me auoĝoic sexto jo'ne Elul, qama'le jenjo' 'laqataĝanaĝac joñe'me Jaliaĝanec qoyaloĝona ñe'me 'laqatanaĝanaĝanec jo'ne Hageo, qaedi qoyanem joñe'me jo'ne yelolegue jodi'me aleua Judá, mach'e Zorobabel, c'oĝot di'me Salatiel, choqoñe'me tamenaĝaiqui lo'ol lejaliaĝanec, mach'e Josué, c'oĝot di'me Josadac. Enaac: