Esdras 10:18 - Toba del Oeste

¹⁸ Naajo' naa'me lenaqa'te gaa'me tamenaĝaiqui lo'ol jo'ne yoda'alo gaa'me loua': Gaa'me chiyoĝoteguet di'me Josué, c'oĝot di'me Josadac nataq'aen gaa'me laqaya': Maaseías, Eliézer, Jarib nataq'aen Guedalías.

La'aqtaqa Ñim Lo'onatac 'Enauacna 2013

¹⁸ Qaq 'ana ana lmalate so llalaqpi so ntaxaỹaxanaxanecpi maye huaroneguet co'ollaxa so 'alpi maye chegaqauec: So chegoxoguetpi so Josué, som llalec so Josadac, qataq soua lauo' lashe': Maseías, Eliezer, Jarib qataq so Gedalías,

Esdras 10:18 Referans Kwoze

Zacarías 3:1

Yitaĝa ca'li 'uo ga'me jayem yaloĝona joñe'me Jaliaĝanec, qama'le jauana joñe'me Josué, jenjo' jiyaĝaua mach'e lajoĝola't gaa'me tamenaĝaiqui lo'ol. Jenjo' yataqata nechatetañe ca'li, dajo'taguet joga'me piyem le'ec jo'ne lamaĝajec ñe'me Jaliaĝanec. Ga'me ueta'ña joga'me yayaten ñe'me Josué, 'uo joñe'me piyem le'ec laqaya jo'ne 'uauaĝaic, jo'ne male 'uaeñe da'me paja'a 'uauot.

Hageo 1:1

Ca'li male 'uo ga'me lejaliaĝa joñe'me Darío, joga'me uo'e laqaya ca'li, joga'me 'uaeñe nolo' joga'me auoĝoic sexto jo'ne Elul, qama'le jenjo' 'laqataĝanaĝac joñe'me Jaliaĝanec qoyaloĝona ñe'me 'laqatanaĝanaĝanec jo'ne Hageo, qaedi qoyanem joñe'me jo'ne yelolegue jodi'me aleua Judá, mach'e Zorobabel, c'oĝot di'me Salatiel, choqoñe'me tamenaĝaiqui lo'ol lejaliaĝanec, mach'e Josué, c'oĝot di'me Josadac. Enaac:

Esdras 5:2

Qama'le ñe'me Zorobabel, c'oĝot di'me Salatiel, nataq'aen ñe'me Josué, c'oĝot di'me Josadac, male yitaĝa ye't da'me 'noĝodijeguem joga'me tamenaĝaiqui jo'ne Dios loĝot, qama'le naa'me Dios 'laqatanaĝanaĝanaqa lecochiyalo ca'li.

Esdras 3:2

Chane'eja Josué jo'ne c'oĝot ñe'me Josadac, chayovida'alo gaa'me lecochaĝa'u jo'ne tamenaĝaiqui lo'olpi, ena'am jodi'me Zorobabel, c'oĝot di'me Salatiel, nataq'aen gaa'me laqaya'olqa, naqaegaua 'uauteda'aguet da'me 'noĝodijeguem ga'me c'atonaĝala' jo'ne Dios loĝot, qaedi yitaĝa qoyauo'oe gaa'me najaqae's jo'ne qoyeguedoue, qa'a naq'aeta ca'li jenjo' Moisés lamajoĝonaĝac, jiyaĝaua jo'ne Dios liquiyac ca'li.

Esdras 2:2

Qodajotalo'te joga'me Zorobabel, Josué, Nehemías, Seraías, Reelaías, Mardoqueo, Bilsán, Mispar, Bigvai, Rehúm nataq'aen Baaná:

Nehemías 13:28

Qama'le 'uo joga'me c'oĝot joñe'me Joiadá, nataq'aen mach'e laual joga'me tamenaĝaiqui lo'o Eliasib, nataq'aen da'me 'lonaĝanec joñe'me Sambalat jo'ne Horón le'ec; te'me ue'ta jena'me yae ca'li, qalaĝaja paja'a da'me jen ca'e jena'me joue'ta.

Nehemías 12:10

Joñe'me Josué 'uo ñe'me c'oĝot lenaĝat Joaquim, joñe'me Joaquim 'uo ñe'me c'oĝot lenaĝat Eliasib, nataq'aen ñe'me Eliasib 'uo ñe'me c'oĝot jo'ne Joiadá;

Nehemías 8:7

Yem da'me dojo', qama'le yitaĝa nechachidiñi yema jogaa'me jiyaĝadipi. Qama'le queta joda'me qodojelo'te jodaa'me Dios lamajoĝonaĝaco, uo'oe jogaa'me levita laje' jo'ne lenaqa'te da'me Josué, Baní, Serebías, Jamín, Acub, Sabtai, Hodías, Maaseías, Quelitá, Azarías, Jozabad, Hanán nataq'aen Pelaías. Naajo' 'yaĝateguelo joga'me uetalegue jaga'me nede. Qama'le jogaa'me jiyaĝadipi ja queda'e joga'me nechateteda'ña.

Nehemías 8:4

Qa'a ñe'me Esdras quije'mec ca'li joga'me lapiaĝala' jo'ne epaq, qama'le pelegue ga'me qayataje'mec qaedi yema qodomachiya ga'me 'yaĝatetac. Nataq'aen ga'me yayaten uo'oe jogaa'me lecochaĝa'u jo'ne lenaqa'te Matatías, Sema, Anías, Urías, Hilquías nataq'aen Maaseías; joga'me 'nemaq ueteda'a jogaa'me laqaya' jo'ne lenaqa'te Pedaías, Misael, Malquías, Hasum, Hasbadana, Zacarías nataq'aen Mesulam.

Esdras 9:1

Ca'li yem da'me jauoqo jena'me jenjo', qama'le 'uo ga'me nolo' da'me novi't jogaa'me najoĝola'te qama'le jayem dojedapegue', enaa'j: «Am ja'aĝataĝam jenjo' qadayi, chayovida'alo gaa'me tamenaĝaiqui lo'ol nataq'aen gaa'me levita laje', queda'me yataqata yalegouelo jogaa'me jiyaĝadipi jo'ne te'me ja qoyaje'tema ca'li, jo'ne ueteda'ña jenjo' aleua: mach'e Canaán laje'pi, nataq'aen hitita laje', ferezeo laje', gaa'me Jebús laje', amorreo laje', nataq'aen gaa'me Amón laje', gaa'me Moab laje' nataq'aen gaa'me Egipto laje', jo'ne yataqata ja no'en da'me nejiyaĝauayaĝa'j jo'ne yauote.

Esdras 9:2

Gaa'me judiopi chayovida'alo gaa'me lec'oqo'tepi, joote uo'oe naa'me loua' jo'ne chiyaqauelo naa'me naajo' noyaqa, qama'le jogaa'me Dios lec'oqo'tepi male yataqata yalegueta jena'me jenjo' jiyaĝadipi. Nataq'aen jogaa'me 'uaediñe yauote jenjo' loe'j nach'egaua gaa'me qadajoĝola'te nataq'aen gaa'me qadejaliaĝanaqa.»

Esdras 10:17

chayovida'a jo'me nolo' jo'ne 'uaeñe, auoĝoic jo'ne 'uaechiñe, uo'e ca'li dalaĝaic, qama'le maqachaĝa qoye'et da'me yema qoyayate'n gaa'me jiyaĝadipi jo'ne yoda'alo gaa'me loua'.

Hageo 1:12

Chane'eja ñe'me Zorobabel nataq'aen Josué chayovida'alo jogaa'me jiyaĝa'u laqaya' male yataqata t'oita joga'me domachita ca'li jenjo' nenaĝategue joñe'me Dios, yataqata naquiaĝata ca'li ñe'me Hageo, qa'a nach'eñe joñe'me Jaliaĝanec jo'ne yamaĝalegue ca'li qaedi nenaĝategue jenjo'.

Hageo 2:4

Qalaĝaja ¡a'nañaĝat, am Zorobabel! ¡Nataq'aen am Josué jo'ne lejaliaĝane'j jogaa'me tamenaĝaiqui lo'ol! Nataq'aen ¡a'nañaĝachi, ami jiyaĝadipi jo'ne oñita'ña jenjo' aleua! ¡A'uonataĝañi, qa'a yataqata ami jouetauelo!» Naq'aeta da'me 'laqatac joñe'me Jaliaĝanec jo'ne napacalegue ena'uac.

Zacarías 6:11

Qama'le jana'me plata nataq'aen oro jo'ne auaconeguet, aua'uo ga'me qop'a, qama'le auanaye na'me laqaic joñe'me lajoĝola't gaa'me tamenaĝaiqui lo'ol jo'ne Josué, c'oĝot di'me Josadac.

Esdras 2:36

Jogaa'me tamenaĝaiqui lo'ol jo'ne chiyoĝoteguet di'me Jedaías, jo'ne mach'e layi di'me Josué, nalo'taguet novecientos setenta y tres;

Esdras 3:8

Ca'li joote yenoĝonegue ga'me onolec uo'e nataq'aen dos gaa'me auoĝoyaqa da'me novideta di'me Jerusalén jogaa'me qoye'n ne'uaqa ca'li, qama'le yemta 'noĝotedapijeguem ga'me tamenaĝaiqui jo'ne loĝot joñe'me Jaliaĝanec Dios. Qama'le Zorobabel, c'oĝot di'me Salatiel, nataq'aen Josué, c'oĝot di'me Josadac, choqogaa'me laqaya' jo'ne tamenaĝaiqui lo'ol nataq'aen gaa'me levita laje', chayovida'alo yema ga'me jiyaĝadipi, niquiyayelo gaa'me levita laje' jo'ne joote veinte gaa'me ne'uoidi, qaedi yelodelegue da'me 'nonataĝanaĝac.