Esdras 10:11 - Toba del Oeste

¹¹ Chane'eja mach'e ami anayachiñela't da'me yataqata jalcote joga'me ja no'en jo'ne at'onataqui, joote ami yec'ate'tape joñe'me Jaliaĝanec mach'e Nedios dia'me qadamol ca'li. 'Noota qom yataqata auoqochiiya joñe'me, qama'le oquiya'ae gaa'me jiyaĝa'u jo'ne yaqa'alo da'me chiyoĝoguelo gaa'me ale'u lael, chayovida'alo jogaa'me yauo' jo'ne aueñi' adouadi'.»

La'aqtaqa Ñim Lo'onatac 'Enauacna 2013

¹¹ Qaq nagui, ỹataqta qanauattoñiitela't da huo'o da qarasouaxashichi maye hueta'asop Ñim Nataxala' maye Natamnaxala' so hua'au qarta'alpi, qataq qauo'oche' qome naua ỹaỹamaxareete' Ñimaye. Qataq qaỹa'axañeeuec qome 'enauac na chegaqauecpi maye natameetacot na ỹaqa'a atamnaxala'pi, qataq na 'alpi maye chegaqauec maye qauaroñeeguet.

Esdras 10:11 Referans Kwoze

Esdras 10:3

Jenaĝa yepaquichigui ga'me qa'uaĝatem joñe'me Qanedios, qaedi male jamaĝajoĝodegue naa'me naajo' yauo' nataq'aen jogaa'me c'oqo'te. Yataqata jauoqo qomle joga'me qo'mi auamaĝalo'te, chayovida'a joga'me laqataĝa'j jogaa'me que'teguelo gaa'me lamajoĝonaĝaco joñe'me Qanedios. ¡Yataqata joqochaĝa nayi jaga'me lediije joñe'me Jaliaĝanec!

Nehemías 13:3

Chane'eja, ca'li jogaa'me jiyaĝadipi domachita joga'me namajoĝonaĝac, qama'le yiyota'yalo yema jogaa'me jo'ne joote yalegueta jogaa'me yaqa'alo.

Esdras 9:1

Ca'li yem da'me jauoqo jena'me jenjo', qama'le 'uo ga'me nolo' da'me novi't jogaa'me najoĝola'te qama'le jayem dojedapegue', enaa'j: «Am ja'aĝataĝam jenjo' qadayi, chayovida'alo gaa'me tamenaĝaiqui lo'ol nataq'aen gaa'me levita laje', queda'me yataqata yalegouelo jogaa'me jiyaĝadipi jo'ne te'me ja qoyaje'tema ca'li, jo'ne ueteda'ña jenjo' aleua: mach'e Canaán laje'pi, nataq'aen hitita laje', ferezeo laje', gaa'me Jebús laje', amorreo laje', nataq'aen gaa'me Amón laje', gaa'me Moab laje' nataq'aen gaa'me Egipto laje', jo'ne yataqata ja no'en da'me nejiyaĝauayaĝa'j jo'ne yauote.

Esdras 10:10

Joñe'me tamenaĝaiqui lo'o Esdras male ñejeguem qama'le enaac: «Ami yataqata joote anaucheñiya joñe'me Dios ca'li aueñi' adouadi' naa'me naajo' yauo' jo'ne yaqa'alo da'me chiyoĝoguelo gaa'me ale'u lael. Qama'le aueñi nichiguegue da'me lajouaĝajet jena'me jenjo' noic mach'e Israel.

Esdras 10:12

Qama'le yema jogaa'me jiyaĝadipi ca'li ue'ta joga'me yauote 'laqata'j, yataqata nete'n: «Yataqata 'noota, jauoqo qomle joga'me auepaquetapega.

Nehemías 9:2

Qama'le jogaa'me yataqachiñe Israel laje'pi male ca'ae jogaa'me jo'ne yaqa'a da'me chiyoĝoteguet; ena'uaque nechachidiñi da'me yechoĝote'tape jogaa'me mach'e loeco, nataq'aen gaa'me loeco jogaa'me chiyoĝogueta.