Esdras 1:2 - Toba del Oeste

² «Jayem jaliaĝanec Ciro, jo'ne jelolegue jena'me jenjo' aleua jo'ne Persia, male ñenaĝategue jenjo': joñe'me Jaliaĝanec jo'ne na'ague di'me piyem jayem yanem yema ga'me nejaliaĝaiqui jena'me jenjo' aleua, qama'le jayem yamaĝalegue nayi da'me qo'noĝojeguem joga'me netamenaĝaiqui di'me Jerusalén, di'me aleua jo'ne Judá.

La'aqtaqa Ñim Lo'onatac 'Enauacna 2013

² «Qaq 'era da la'aqtac ñi nta'a Ciro, maye nta'a ye Persia, 'eeta': Ñim Lo'onatac 'Enauacna maye neto'ot na piguem, Ñimaye lalamaxat 'enauac na huetalec ana 'alhua, qaq Ñimaye aỹem ỹanem da aỹem lta'a 'enauac na nta'alpi naua 'aleu'. Ñimaye aỹem ỹamaxalec, da ño'oxoosheguem aca atamnaxaqui ye Jerusalén, maye huaigui ye 'alhua Judá.

Esdras 1:2 Referans Kwoze

Esdras 1:5

Chane'eja gaa'me lajoĝola'te gaa'me Judá laje' nataq'aen gaa'me Benjamín laje', choqogaa'me tamenaĝaiqui lo'ol nataq'aen gaa'me levita laje', nach'egaua jo'ne Dios 'yañaqate't ca'li male 'neteta'ajalo, qa'a dajotegue di'me Jerusalén qaedi male qo'noĝojeguem ñe'me netamenaĝaiqui joñe'me Jaliaĝanec.

Esdras 3:7

Male qoyanema jaga'me laicaua gaa'me onataĝanaĝayaqa nataq'aen gaa'me ye't ga'me epaq nale, nataq'aen qoyanema niqui'yaĝat, naquip nataq'aen aceite gaa'me 'lachaqa't di'me Tiro nataq'aen Sidón, qaedi qonaqat ga'me epaq jo'ne lenaĝat cedro, chiyaqa'ague di'me Líbano qama'le qoyapagaĝadegue da'me qoyedotegue jodi'me Jope, qa'a naq'aeta ca'li yaje'tema ñe'me Ciro, jaliaĝanec di'me Persia.

Esdras 4:3

Qalaĝaja Zorobabel nataq'aen Josué chayovida'alo gaa'me najoĝola'te jena'me Israel laje' 'yategueta ca'li: «Ja jaqanatetaq ta'le ami qadecochaĝa'u da'me qa'noĝotapijeguem ga'me netamenaĝaiqui joñe'me Qanedios. Mach'e qo'mi qadejamaq da'me qa'noĝojeguem, qaedi janemaĝam ñe'me Dios Jaliaĝanec jenjo' Israel, qa'a naq'aeta ca'li qo'mi yamaĝalo'te ga'me Ciro, jaliaĝanec di'me Persia.»

Jonás 1:9

Jonás 'yategueta jogaa'me jo'ne yenatetedac, qama'le enaac: «Jayem hebreo le'ec, nataq'aen da'me naqayem ja'uo nemaĝac jo'ne chiyaqayi joñe'me Jaliaĝanec, ñe'me Ñedios jo'ne na'ague di'me piyem, ñe'me jo'ne 'lonatac jena'me aleua, choqona'me noĝop; ñe'me jo'ne te'me jajo'yem.»

Esdras 5:15

Ciro dojapegue' ca'li ñe'me Sesbasar qaedi 'noota ta'le yitaĝa yedodi't yema jogaa'me ueteda'ajop jo'ne 'nonataĝanaqa'te, da'me yeda'alo joga'me tamenaĝaiqui jo'ne Dios loĝot, nataq'aen 'noota qom yitaĝa qo'noĝojeguem joga'me tamenaĝaiqui.

Esdras 6:3

«Joñe'me Ciro, joga'me 'uaeñe uo'e ga'me lejaliaĝa, male damaĝajoĝolegue da'me qo'noĝojeguem joga'me tamenaĝaiqui jo'ne Dios loĝot, na'ña di'me noic jo'ne Jerusalén, qaedi ua'a nale qoya'uo najaqaje. Joga'me tamenaĝaiqui nalo'taguet da'me veintisiete metros da'me qayaje'mec nataq'aen veintisiete metros gaa'me lael.

Esdras 6:10

Jepaquetapega gaa'me najaqae's jo'ne uo'oe yataqata yiyamaĝade'n joñe'me Dios jo'ne na'ague di'me piyem, nataq'aen qaedi jayem qodajelaĝalegue, da'me jayem nataq'aen naa'me yalaqa.

Esdras 7:12

«Jayem Artajerjes mach'e jayem jaliaĝanec, yamaic am jamaĝa, am Esdras jo'ne am tamenaĝaiqui lo'o nataq'aen paĝaguenataĝanaĝaic jo'ne yataqata auayaten jana'me lae't joga'me 'laqatac joñe'me Dios jo'ne na'ague di'me piyem.

Nehemías 1:4

Ca'li male jomachiya da'me dojo', male joñiiñe qama'le ñoyen, qama'le qayoĝode' jogaa'me noloqo'ote da'me 'uo da'me nayaliaĝac jo'ne jayem ue'tajop; ñoqouaqatela't, qama'le ñetamenot joñe'me Dios jo'ne na'ague di'me piyem.

Nehemías 1:5

Qama'le jenaac: «Am Jaliaĝanec Dios jo'ne ona'ague di'me piyem, am jo'ne 'uañaĝaic, am jo'ne let'adaic nataq'aen am qot'oiyapega; da'me am jo'ne nach'e eta't da'me adoqopitalo gaa'me jo'ne am noqopideta nataq'aen yoqocha'alo daa'me adamajoĝonaĝaco nataq'aen da'me auen yepaquichigui da'me a'naĝataĝac jo'ne auanema ca'li jogaa'me.