Esdras 1:1 - Toba del Oeste

¹ Joga'me 'uaeñe uo'e jo'ne lejaliaĝa joñe'me Ciro, nejaliaĝanec di'me Persia, qaedi male yepaquichigui da'me 'laqataĝanaĝac joñe'me Jaliaĝanec jo'ne qoyanem ca'li ñe'me Jeremías, qama'le joñe'me Jaliaĝanec ja 'nalegue yamaĝalegue ñe'me Ciro qaedi yema joga'me lejaliaĝac qoya'uo ga'me 'laqatac nataq'aen jena'me jenjo' nediijec jo'ne enaac:

La'aqtaqa Ñim Lo'onatac 'Enauacna 2013

¹ Qaq so la'auaxanec vi'i da lo'onataxanaxac so Ciro, maye nta'a ye Persia, Ñim Nataxala' ỹanem da lhuennataxac somaye, da yaqto' ỹamaxalec 'enauac so hueta'a so ilotague' 'alhuapi da qaỹa'axatec so ỹan la'aqtac. Huaña nache ipacchigui da la'aqtac Ñim Nataxala', maye ỹanem co'ollaxa so la'aqtaxanaxanec Jeremías, nam nasaxauec la'aqtacpi somaye qataq nam qoỹettañipi, maye 'eeta':

Esdras 1:1 Referans Kwoze

Esdras 7:27

Ca'li Esdras yauana jana'me nediije qama'le enaac: «'Ñonaĝachigui joñe'me Jaliaĝanec, mach'e Nedios dia'me qadamol ca'li, yajouaĝat da'me en lelnataĝac ñe'me jaliaĝanec Artajerjes qaedi 'niyelaĝat yema joga'me 'lonaĝac ñe'me netamenaĝaiqui joñe'me Dios jo'ne ue'ta di'me Jerusalén.

Esdras 6:22

Yem da'me dojo' qama'le nalo'taguet siete gaa'me noloqo'ote da'me yauote ga'me neualayaĝac nale yali'j ga'me pan jo'ne qaya'te lale'gue, da'me yataqata made'tape qa'a Dios 'yetec joñe'me jaliaĝanec jo'ne yelolegue di'me Asiria yataqata yichoĝode'n q'ae'n, qaedi yataqata lecochiyalo da'me 'noĝodijeguem joga'me netamenaĝaiqui joñe'me Dios mach'e Nedios ga'me Israel laje'pi.

Esdras 1:5

Chane'eja gaa'me lajoĝola'te gaa'me Judá laje' nataq'aen gaa'me Benjamín laje', choqogaa'me tamenaĝaiqui lo'ol nataq'aen gaa'me levita laje', nach'egaua jo'ne Dios 'yañaqate't ca'li male 'neteta'ajalo, qa'a dajotegue di'me Jerusalén qaedi male qo'noĝojeguem ñe'me netamenaĝaiqui joñe'me Jaliaĝanec.

Esdras 4:3

Qalaĝaja Zorobabel nataq'aen Josué chayovida'alo gaa'me najoĝola'te jena'me Israel laje' 'yategueta ca'li: «Ja jaqanatetaq ta'le ami qadecochaĝa'u da'me qa'noĝotapijeguem ga'me netamenaĝaiqui joñe'me Qanedios. Mach'e qo'mi qadejamaq da'me qa'noĝojeguem, qaedi janemaĝam ñe'me Dios Jaliaĝanec jenjo' Israel, qa'a naq'aeta ca'li qo'mi yamaĝalo'te ga'me Ciro, jaliaĝanec di'me Persia.»

Esdras 6:3

«Joñe'me Ciro, joga'me 'uaeñe uo'e ga'me lejaliaĝa, male damaĝajoĝolegue da'me qo'noĝojeguem joga'me tamenaĝaiqui jo'ne Dios loĝot, na'ña di'me noic jo'ne Jerusalén, qaedi ua'a nale qoya'uo najaqaje. Joga'me tamenaĝaiqui nalo'taguet da'me veintisiete metros da'me qayaje'mec nataq'aen veintisiete metros gaa'me lael.

Esdras 6:14

Chane'eja gaa'me lajoĝola'te ga'me judiopi male 'noĝodetapijeguem joga'me tamenaĝaiqui, qama'le yataqata 'uo da'me lamai'j, jouaĝa't daa'me lapaĝaguenataĝanaĝaco ñaa'me Dios 'laqatanaĝanaĝanaqa jo'ne Hageo nataq'aen Zacarías, c'oĝot di'me Idó. Ga'me judiopi yataqata 'noĝodijeguem joga'me tamenaĝaiqui, chayovida'a da'me yoma't joga'me 'lonata'j, qa'a quetede'egue ga'me lamajoĝonaĝac joñe'me Nedios ga'me Israel laje'pi, nataq'aen gaa'me lamajoĝonaĝaco ñaa'me jaliaĝanaqa Ciro, Darío nataq'aen Artajerjes, jaliaĝanaqa di'me Persia.