Amós 9:1 - Toba del Oeste

¹ Jauana joñe'me Jaliaĝanec ue'ta joga'me tamenaqa', qama'le jayem dojapegue', enaac: «¡A'uaĝan ga'me p'ajeguem jena'me ñetamenaĝaiqui, qaedi yema nemañe, qama'le qoyep'aĝadiñe ga'me jiyaĝadipi! Qom uo'oe jogaa'me te'me nec'aletedaye, naqaegaua qomle qoyedo'oque ga'me yataqata yaic yedaĝanaĝat. Te'me jetaque dajodegue, qalaĝaja yataqata qaya'te nec'aletaye qomle.

La'aqtaqa Ñim Lo'onatac 'Enauacna 2013

¹ Qaq ime, nache sela'a Ñim Nataxala', nachattaua'a na laỹe añi nca'atoxonaxalate, nache aỹem 'enapega, 'eeta': «'Auaxaalec qome na pa'asheguem ana lauoqtepi añi atamnaxaqui, yaqto' cholaxan na l-llecnaxanaxatpi nache da naañi na laỹepi nache talec na lqaic na shiỹaxauapi. Qaq ca lca'alaxaicpi namayepi nache serolec qome ca ỹeelonec da salauat. Nache ỹataqta qaica qome ca ishet da datauec, qataq qaica qome ca nca'alec.

Amós 9:1 Referans Kwoze

Habacuc 3:13

Male auanac qaedi anec'alaĝatedegue jena'me ac'oqo'tepi, qaedi auen uojotañi ñe'me adiquiyac ca'li. Joote auapalaĝat ga'me 'lemec ga'me ja no'en, chayovida'a da'me anavidijeguem jaa'me qadi jo'ne te'me p'adiñe nale ga'me emec.

Amós 3:14

Qa'a qom ua'a da'me ja'uo yec'atenaĝanaĝac ga'me Israel laje'pi yajouaĝat jogaa'me 'lonataqa jo'ne ja 'noe'n, qama'le yataqata japalaĝa't jogaa'me c'atonaĝala'te di'me noic jo'ne lenaĝat Betel. Nataq'aen gaa'me lepeel di'me c'atonaĝala' male qoyichaĝadegue qama'le tadi'ña jena'me aleua.

Sofonías 2:14

Naa'me e'epa jo'ne lael jogaa'me 'lemaqa male qonaqa't, qama'le naajo' male nauelo jogaa'me nelopi jo'ne 'nanaĝatelpi nataq'aen yema joga'me yejidipi lae jo'ne onaĝayaqa nale. Ga'me uoqo' choqoga'me chidi't male netayelo jogaa'me najotenaĝal jo'ne locael nale t'oche'y, qama'le ga'me lajamaĝa chimaqapegue qomle ga'me te'me neventana ca'li. Nach'e ena'am joga'me poe 'uo da'me lamaic ue'ta ga'me te'me nadiiuo. Chayovida'alo gaa'me 'najoĝonataqa jo'ne p'adeuo ga'me emec joote qodeuodaĝaneque ca'li.

Amós 7:17

Qalaĝaja naq'aeta ca'li jena'me jenjo' 'laqatac joñe'me Jaliaĝanec Dios: “Jana'me adoua yataqata yequejeguet qomle da'me ue'ta jena'me jenjo' noic, qama'le naa'me ac'oqo'te chayovida'alo naa'me ac'oqotel yataqata qoyala't qomle. Yataqata qonalichiguilo qomle naa'me a'nale'u. Da'me am qamqa'me oue'ta qomle di'me aleua jo'ne qaya'ague da'me adeleu. Qama'le jena'me Israel lec'oqo'tepi yataqata qoye'n neua'ac qomle, qaya'ague joga'me qoyauega q'ae'n.”»

Sofonías 1:12

»Da'me dojo' qom yovita ga'me nolo', ja'uo jaga'me coyadaĝanaqate lat'edae qama'le jec'ate'n qomle di'me noic Jerusalén. Qama'le ja'uo qomle lachoĝode'j jogaa'me jiyaĝa'u jo'ne machidiñe q'ae'n, ena'am joga'me uva li'i nale joote davioĝon, qama'le enapega't nale: “¡Ñe'me Jaliaĝanec qaya'te ya'uo, uotaĝa ta'le qo'mi yichoĝode'n, uotaĝa ta'le qo'mi 'yeteque ga'me ja no'en!”

Amós 7:9

Gaa'me netamenaqa'te di'me Isaac male yataqata qoyapalaĝa't qomle, chayovida'alo gaa'me tamenaĝaiqui' di'me Israel yataqata qoyolaĝachiguilo qomle. Qama'le ñodijeguem jena'me yedaĝanaĝat da'me ñautenalo joga'me layi di'me Jeroboam.»