Amós 8:3 - Toba del Oeste

³ Male na'ta ga'me nolo' qom naa'me nalaco di'me nejaliaĝaiqui ma'te noenaĝaco, yajouaĝat da'me jalcote jogaa'me yele'u qomle. Qama'le tochiñe da'me qoyajaĝadegue jogaa'me lapa'che. Naq'aeta da'me 'yaqatac, mach'e jayem Jaliaĝanec.»

La'aqtaqa Ñim Lo'onatac 'Enauacna 2013

³ Nache que'eca na'a'q, ne'ena no'onecpi maye qaỹo'ootac da huaña ñi nma' lta'araic, nmeneguet qome da achoxonnaxac. Qataq ỹataqta qalota qome na ileu, nache choche qancheraxaatec da qaỹasaxauec. Qaq 'era da la'aqtac Ñim Nataxala'.

Amós 8:3 Referans Kwoze

Amós 5:23

¡Ena'te aueñi jomachiya joga'me adejamaqai! ¡Ja jetaque jomachiya joga'me lajamaĝa jaga'me adeviquii!

Amós 5:16

Naq'aeta ca'li joga'me 'laqatac joñe'me Jaliaĝanec jo'ne napacalegue ena'uac: «Yemeda naa'me 'nemaqa'te 'uo qomle da'me noenaĝac, uotaĝa naa'me naq'aico jalcote nayaliaĝac. Nach'e ena'am noye'tape jogaa'me ueteda'a joga'me 'nonaĝa, chayovida'a 'yalaqa'tape jogaa'me lo'ol joga'me noenaĝac.

Nahúm 3:3

¡Jalcote jaga'me cadeeta jo'ne neloiquiaĝaiqui dajotegue ga'me nalada't! ¡'Uo da'me laqajelgaĝa'j gaa'me nedaĝanaqa'te jo'ne nalada't lo'o, chayovida'alo gaa'me chiquenal da'me 'uo da'me laqajelgaĝa'j! ¡Jalcote ga'me qoye'quemaĝam, choqogaa'me laqaya' jo'ne yele'u! ¡Ga'me lapa't dia'me yele'u qaya'te loiquiaqa'! ¡Male qopoguelaĝanoto nale gaa'me napa'che!

Amós 8:10

Da'me te'me adeualayaĝaqui, male jen tayi qomle da'me 'uo joga'me anoenaĝaqui, yajouaĝat da'me uo'oe dia'me yele'u. Daa'me adalacodi', jen lajamaĝa da'me adachoĝodequi; jen da'me auaeñiñe gaa'me adeuo lael napidiyilo, qa'a 'uo da'me anoenaĝaqui. Chayovida'a da'me yataqata anemadiquilo'te naa'me adaqai'godi', qa'a 'uo da'me adachoĝodequi let'adaic. Anoyeñi qomle, ena'am nale 'uo joga'me yeleu da'me onolec ga'me c'oĝot. Yema jenjo' qomle qaya'te namaic.»

Amós 4:10

«Joote ja'uo da'me ane'uaĝanaguequi, ena'am ca'li joga'me je'etec di'me Egipto; nataq'aen jogaa'me ac'oqo'chedi' je'n qoyala't ca'li 'uo ga'me nalada't; nataq'aen jaje'tema jogaa'me adaute'udi' da'me e'n loqo'te jogaa'me alodi' jo'ne pe'ga. Chayovida'a da'me jen ami uetauelo da'me lichiyadaĝa ga'me lapa'che dia'me nalada't lo'olpi. ¡Qalaĝaja nach'e ena'am da'me dojo' jo'ne ami je'eteque, maliaĝa ja jayem 'te a'niyelaqaeya!» Naq'aeta da'me 'laqatac joñe'me Jaliaĝanec.

Joel 1:13

Ami tamenaĝaiqui lo'ol jo'ne auajoyi'taguet nale ga'me c'atonaĝala', auaeñidiñe qomle jogaa'me adeuo lael jo'ne ja 'noe'n qama'le yataqata anoyeñitac. Nataq'aen ami necochaĝa'u, 'uo qomle joda'me adayaliaĝaqui, qa'a jenjo' tamenaĝaiqui jo'ne Dios 'lemec male qaya'te joga'me yaqanatet ta'le nedo't ga'me trigo jala uotaĝa uva li'i qaedi qoyen najaqajec.

Joel 1:11

Nataq'aen da'me ami jo'ne a'uonataĝañilo'te naa'me nanaĝanaqa'te, uotaĝa a'vichitac jena'me nanec jo'ne ja t'añi, jalcote da'me anoenaĝaqui qomle, yajouaĝat da'me yeleu jo'me te'me nanec, chayovida'a jo'me nanec joga'me trigo nataq'aen jaga'me cebada yataqata qaqata qama'le yeleu.

Joel 1:5

¡Ami yomaĝayaqa, male aneloyiye nayi! ¡Ami jo'ne lataĝa lete', yataqata anoyeñitac qomle, yajouaĝat da'me yataqata qaya'te 'niyoĝot! ¡Qa'a male qodeuodaĝanec ga'me li'i jana'me uva!

Amós 6:4

Yataqata onaĝaic jona'me adejaliaĝaiquii nale qoya'uo neualayaĝac; yataqata t'adaic joga'me qoyalic ga'me 'nanaĝate c'oĝot nataq'aen joga'me uaca c'oĝot jo'ne yataqata piyo.

Amós 6:5

Nale auajediiye jaga'me najeede qama'le yataqata ja natenegue da'me lajamaĝa; jetaque auadenaĝachi di'me David, qalaĝaja ja aueñiya'am da'me leviquinaĝanaĝac.

Amós 6:8

Joñe'me Jaliaĝanec jo'ne napacalegue ena'uac, naq'aeta joga'me nenaĝategue jo'ne 'naĝataĝac: «Yataqata jiquiya'a da'me ni'yoĝodenaĝa'j jena'me Jacob c'oqo'tepi; chayovida'a ja joqopitalo gaa'me nejaliaĝaiqui'; qama'le janem qomle jenjo' noic jogaa'me adaute'udi': yataqata jen capegue'to yema gaa'me neteda'ña.»

Sofonías 1:7

¡Aueñi tochiñe, da'me ami jo'ne auajoi'tot joñe'me Jaliaĝanec, qa'a male na'taquena joga'me nolo' jo'ne p'ategue! ¡Male na'taquena da'me lec'atenaĝanaĝac joñe'me Jaliaĝanec! ¡Joñe'me jetaque 'uo joga'me ya'uo ga'me lajaqajec, qama'le joote yiyaĝanalo jogaa'me laute'u, da'me natequena qaedi qoyala't ga'me Judá laje'pi!