Amós 8:10 - Toba del Oeste

¹⁰ Da'me te'me adeualayaĝaqui, male jen tayi qomle da'me 'uo joga'me anoenaĝaqui, yajouaĝat da'me uo'oe dia'me yele'u. Daa'me adalacodi', jen lajamaĝa da'me adachoĝodequi; jen da'me auaeñiñe gaa'me adeuo lael napidiyilo, qa'a 'uo da'me anoenaĝaqui. Chayovida'a da'me yataqata anemadiquilo'te naa'me adaqai'godi', qa'a 'uo da'me adachoĝodequi let'adaic. Anoyeñi qomle, ena'am nale 'uo joga'me yeleu da'me onolec ga'me c'oĝot. Yema jenjo' qomle qaya'te namaic.»

La'aqtaqa Ñim Lo'onatac 'Enauacna 2013

¹⁰ Nache que'eca laloxoquipi na nquia'axacpi, qalaq nmeneguet ñaqa'en da qanỹeetapeguelec na leuaxaicpi, qaq da no'onaxanaxac qalaq nmeneguet ñaqa'en da achoxonnaxac, qataq so'ot da qaỹa'añiiñi na nogoxot nasouaxaqui, qataq da qanamarec naua qarqaigolli' souaxat da qanqui'iqui. Qataq qanoỹeñiitac qoñiita'am ca shiỹaxaua da ileu ca ỹataqta 'oonolec llalec, qaq da ime nache ỹataqta lta'araic que'eca qanqui'iqui.

Amós 8:10 Referans Kwoze

Zacarías 12:10

Jogaa'me chiyoĝoteguet di'me David choqogaa'me 'lachaqa't di'me Jerusalén jen najaĝayelo da'me yañoqotaĝanaĝac qaedi choĝodenataĝanaĝayaqa nataq'aen joĝodayaqa naa'me lai'li nale jayem dajotedo'ot. Qama'le jogaa'me yemta eja jayem yeloteda'a, queda'me ena'am ta'le jayem ye'quemaqate't ca'li, qama'le eja yauote noenaĝa'j, chayovida'a layaliaĝa'j, jena'me jenjo' ena'am ta'le yeleu di'me onolec c'oĝot, uotaĝa jodi'me nepiloĝot.

Oseas 2:11

Yataqata jen ye'm qomle daa'me leualayaĝaco nale yenoĝodegue naa'me noloqo'ote naa'me auoĝoyaqa chayovida'alo naa'me 'uoidi: male ja yitaĝa matac jañe'me.

Nahúm 1:10

Qa'a aueñiya'am jaga'me yaĝat nale yataqata qaqata, uotaĝa auaqapi qaqata jo'ne qoyegouelo, qama'le qaya'te 'niyoĝot.

Amós 8:3

Male na'ta ga'me nolo' qom naa'me nalaco di'me nejaliaĝaiqui ma'te noenaĝaco, yajouaĝat da'me jalcote jogaa'me yele'u qomle. Qama'le tochiñe da'me qoyajaĝadegue jogaa'me lapa'che. Naq'aeta da'me 'yaqatac, mach'e jayem Jaliaĝanec.»

Amós 5:23

¡Ena'te aueñi jomachiya joga'me adejamaqai! ¡Ja jetaque jomachiya joga'me lajamaĝa jaga'me adeviquii!

Joel 1:8

Chane'eja da'me ami, yataqata anoyeñitac qomle, aueñiya'am jaga'me nojaĝaua jo'ne en napidiyilo gaa'me leuo lael, yajouaĝat da'me joote yeleu jodi'me te'me en lojaĝaua.

Amós 5:21

Jenjo' jo'ne 'laqatac joñe'me Jaliaĝanec: «Yataqata jo'otan nale auauoyi da'me ademaĝaqui; yataqachiñe ja ja'amaqaten nale ademiya'a't.

Oseas 2:13

Yataqata je'uaĝan qomle jañe'me, jouaĝat ga'me ua'a da'me yegoue ga'me yoĝoqui jo'ne yanema gaa'me lequi'il ñe'me Baal, ca'li yaediñe gaa'me 'noe'n li'yoĝodaqa'te jo'ne nechijaĝal nataq'aen loqolal, qaedi dejapichiyalo gaa'me lojaĝa'u. Qalaĝaja da'me jayem, yataqata ja jayem 'te uenata nale. Mach'e jayem jo'ne jayem Jaliaĝanec.»