Amós 7:9 - Toba del Oeste

⁹ Gaa'me netamenaqa'te di'me Isaac male yataqata qoyapalaĝa't qomle, chayovida'alo gaa'me tamenaĝaiqui' di'me Israel yataqata qoyolaĝachiguilo qomle. Qama'le ñodijeguem jena'me yedaĝanaĝat da'me ñautenalo joga'me layi di'me Jeroboam.»

La'aqtaqa Ñim Lo'onatac 'Enauacna 2013

⁹ Qaq na qaỹoqotcheguemec natamnaqa'pi so Isaac nlachiguiñi qome, qataq anam natamnaxaquipi so Israel ỹataqta nlachiguiñi qome. Nache ñachaañi qome sauota'a ca ỹainec da sataỹa'aguet na llalaqpi so Jeroboán.

Amós 7:9 Referans Kwoze

Amós 8:14

Nach'e ena'am gaa'me p'iida'a joga'me qop'iyapega di'me Samaria, nataq'aen di'me Dan, chayovida'a di'me Beerseba: ena'uaque jogaa'me 'naqadañe qomle, ja yitaĝa 'niyelaĝadijeguem, qa'a yataqata yele'u.»

Amós 5:5

Ena'te auec'achiya jodi'me Betel, uotaĝa auajoyiyi qomle di'me Guilgal, chayovida'a ena'te ayilegue jodi'me Beerseba, qa'a di'me Guilgal male qoyamaĝaye qomle, da'me qoyen ca'e di'me mach'e 'naleua, nataq'aen jodi'me Betel yataqata qoyapalaĝat qomle.»

Amós 3:14

Qa'a qom ua'a da'me ja'uo yec'atenaĝanaĝac ga'me Israel laje'pi yajouaĝat jogaa'me 'lonataqa jo'ne ja 'noe'n, qama'le yataqata japalaĝa't jogaa'me c'atonaĝala'te di'me noic jo'ne lenaĝat Betel. Nataq'aen gaa'me lepeel di'me c'atonaĝala' male qoyichaĝadegue qama'le tadi'ña jena'me aleua.

Oseas 10:8

Yataqachiñe qoyolaĝa't qomle gaa'me tamenaqa'te jo'ne uetalo'te gaa'me qajoĝona'a, qa'a jenjo' Israel laje'pi ueteda'a nale qaedi yauote loe'j. Chane'eja gaa'me c'atonaĝala'te nadije'ma qomle gaa'me laĝadiijat nataq'aen jaga'me yaĝat. Qama'le jogaa'me jiyaĝadipi enapegalo qomle gaa'me qajoĝona'a: «¡'Noota qom male qo'mi auoĝochidiñe!» Nach'e ena'am enapegalo qomle gaa'me comada'a: «¡'Noota qom a'naqaiñe, qo'mi ayilo'te qomle!»

Amós 7:11

Qa'a joñe'me eetac nale: “Joñe'me Jeroboam male yeleu qomle, qoyedo'oc joga'me nedaĝanaĝat yataqata yaic, chayovida'a yema jena'me Israel c'oqo'tepi qoyaueta qomle ga'me ja 'lachaqa't.”»

Amós 7:13

Ja jetaque da'me yitaĝa auapaĝaguenataĝan nayi jena'me jenjo' Betel, qa'a nach'ena netamenaqa' ñe'me qadajoĝola', nataq'aen mach'e netamenaĝaiqui' yema ga'me Israel laje'pi.»

Miqueas 1:5

'Uo jena'me jenjo' qa'a yajouaĝat gaa'me 'letaĝaloĝoco ja najataĝayaqa joga'me Israel laje'pi nataq'aen ga'me Judá laje'pi. ¿Jach'e jogamaĝa ua'ague da'me 'letaĝaloĝo'j gaa'me Israel laje'pi? ¡Ueda'ague di'me noic jo'ne Samaria! Uotaĝa gaa'me Judá laje', ¿jach'e jogamaĝa ueteda'ague nale netametapecoto gaa'me qop'iyapegalo jo'ne ja ejoda? ¡Nach'edi di'me Jerusalén!

Amós 9:1

Jauana joñe'me Jaliaĝanec ue'ta joga'me tamenaqa', qama'le jayem dojapegue', enaac: «¡A'uaĝan ga'me p'ajeguem jena'me ñetamenaĝaiqui, qaedi yema nemañe, qama'le qoyep'aĝadiñe ga'me jiyaĝadipi! Qom uo'oe jogaa'me te'me nec'aletedaye, naqaegaua qomle qoyedo'oque ga'me yataqata yaic yedaĝanaĝat. Te'me jetaque dajodegue, qalaĝaja yataqata qaya'te nec'aletaye qomle.