Amós 7:2 - Toba del Oeste

² Chane'eja ca'li jauana joga'me qojequioĝoe da'me yema yalic ga'me nanec, qama'le jojapegue' joñe'me Jaliaĝanec, jenaac: «¡Am Jaliaĝanec, qo'mi avichoĝode'n! ¿Toqoch'e auetapega am nalo'taguet joga'me adayi jo'ne Jacob lec'oqo'tepi, da'me yataqata jaleca?»

La'aqtaqa Ñim Lo'onatac 'Enauacna 2013

² Qaq aso shiiquioxoipi co'ollaq mashe ỹauta ana huoue maye huetalec ana 'alhua, nache shenapec: ¡'Am Nataxala' maye Ñatamnaxala', qomi' 'auchoxore'n nagui! Cha'aye ¿ca 'eeteco' da nala'aguet de'era ne'ena 'aralamaxat nhuo' le'ecpi maye chegoxoguetpi so Jacob, ye namayepi ỹataqta saq 'amaqtaq?

Amós 7:2 Referans Kwoze

Zacarías 4:10

Jogaa'me ca'li jo'ne ja yataqata e'n eja jenjo', ca'li yemta 'uo jenjo', nayi male made'tape qom yauata joñe'me Zorobabel, da'me male yomat jenjo' 'nonatac.» Yem ca'li joñe'me piyem le'ec yitaĝa enaac: «Naa'me naajo' siete coyadaĝanaqa'te naqaenaua 'lai'te joñe'me Jaliaĝanec jo'ne coletedapelegue jena'me aleua.»

Amós 7:5

Qama'le jenaac: «¡Cha'li ena'te aua'uo jena'me jenjo', am Jaliaĝanec! ¿Toqoch'e auetapega am nalo'taguet jenjo' noic jo'ne Jacob lec'oqo'tepi, da'me yataqata jaleca?»

Joel 2:17

'Noota qom noyetayi joga'me tamenaĝaiqui lo'olpi, nach'egaua jo'ne mach'e lecochaĝa'u joñe'me Jaliaĝanec; qama'le da'me yec'atede'uo jona'me 'nachaqa' jo'ne ja 'nalegue, da'me dajotedalegue ga'me nec'atonaĝala', qama'le 'noota qom male nenaĝatedegue: «Am Jaliaĝanec, avichoĝode'n jena'me ac'oqo'tepi; ena'te auaje'tem ta'le 'uo joga'me ye'ue'tape jonaa'me; ena'te auajeta ta'le 'uo joga'me noic laqaya da'me qo'mi nejaliaĝatelo'te uotaĝa ta'le jogaa'me ja am 'te p'iida'a male nenaĝatedegue jenjo': “¿Jach'e ga'me ue'ta joga'me mach'e Nedios?”»

Amós 4:9

«Ja'uo ca'li joga'me layat let'adaic, nataq'aen je'n qaqate' jogaa'me adanaĝanaqadi', nataq'aen joga'me qojequioĝoe jen yalic ga'me uva lichidijat choqogaa'me e'epa jo'ne higuera nataq'aen olivo. ¡Qalaĝaja maliaĝa ja jayem 'te a'niyelaqaeya!» Naq'aeta da'me 'laqatac joñe'me Jaliaĝanec.