Amós 6:1 - Toba del Oeste

¹ ¡Yataqata 'uo da'me adachoĝodequi qomle, da'me ami jo'ne machidiñe da'me oñita'ña di'me Sión uotaĝa di'me Samaria! Yataqata 'uo da'me adachoĝodequi qomle, da'me ami najoĝola'te jena'me jenjo' aleua jo'ne 'uo da'me lejaliaĝa, jo'ne ami yec'atalo nale jogaa'me Israel laje'pi!

La'aqtaqa Ñim Lo'onatac 'Enauacna 2013

¹ ¡Choxoraxaso' qome nam ỹataqta ỹe'emaqtac da hueta'a ye Sión! ¡Qataq nam pe'etega añi qasoxonaxa ye Samaria! ¡Qataq choxoraxaso' nam 'amaqtaqaicpi lataxala'pi nam ỹotta'a't shiỹaxauapi, maye nam Israel le'ecpi pe'etecot naxa!

Amós 6:1 Referans Kwoze

Amós 4:1

Ami yauo' jo'ne at'achaqadi' di'me noic Samaria, ami jo'ne auañiya'ama gaa'me uacadi di'me aleua Basán, ami jo'ne aue'viñe'tape jogaa'me qaya'te yauata, nataq'aen ja avichoĝodeñi' jogaa'me p'ioĝoyaqa, nataq'aen auamaqai nale gaa'me adoua' qaedi netedaque ga'me lataĝa, qama'le yataqata aniyomiyigui nale 'uo: da'me ami, cha'li anaquiaĝañiya jenjo'.

Sofonías 1:12

»Da'me dojo' qom yovita ga'me nolo', ja'uo jaga'me coyadaĝanaqate lat'edae qama'le jec'ate'n qomle di'me noic Jerusalén. Qama'le ja'uo qomle lachoĝode'j jogaa'me jiyaĝa'u jo'ne machidiñe q'ae'n, ena'am joga'me uva li'i nale joote davioĝon, qama'le enapega't nale: “¡Ñe'me Jaliaĝanec qaya'te ya'uo, uotaĝa ta'le qo'mi yichoĝode'n, uotaĝa ta'le qo'mi 'yeteque ga'me ja no'en!”

Amós 8:14

Nach'e ena'am gaa'me p'iida'a joga'me qop'iyapega di'me Samaria, nataq'aen di'me Dan, chayovida'a di'me Beerseba: ena'uaque jogaa'me 'naqadañe qomle, ja yitaĝa 'niyelaĝadijeguem, qa'a yataqata yele'u.»

Amós 3:2

«Naqa'ami da'me jen ami yiquiyaqa, ja auañiya'ama gaa'me noyaqa laqaya'. Chane'eja yataqata ami je'uaĝa'n qomle, yajouaĝat jogaa'me adoecodi' jo'ne auauoyi' nale.»

Amós 3:9

A'uaqataĝañiyema qomle jogaa'me neteda'ña na'me nejaliaĝaiqui di'me noic Asdod, nataq'aen naa'me nejaliaĝaiqui' jodi'me Egipto: «Anec'achiyalo naa'me qajoĝona'a di'me Samaria, qaedi auañiya joga'me ja nalemaĝa, qa'a jenjo' ue'ta da'me neloiquiaĝac.»

Amós 5:27

qom jen ami qoyauetegue di'me aleua jo'ne ja at'achaqadi', anapaquiyalegue jodi'me Damasco.» Naq'aeta da'me 'laqatac joñe'me Jaliaĝanec, nach'eñe joñe'me Dios jo'ne napacalegue ena'uac.

Amós 9:10

Yema jogaa'me loeco lo'ol jo'ne uetedaue jenjo' yalaqapi qomle yele'u jogaa'me, qa'a yedo'oque ñe'me yedaĝanaĝat jo'ne yataqata yayaqa naa'me lia'a: yema jogaa'me nenaĝatedegue nale: “Qa'a jenjo' ja eja: qaya'te ja no'en ta'le qo'mi yedalo'te”.

Miqueas 3:1

Anaquiaĝañiya jenjo', ami jaliaĝanaqa jena'me jenjo' aleua, ami jo'ne najoĝola'te jena'me jenjo' Israel: ¿qo'li ja naqa'ami jo'ne auayachiñe da'me qoya'uo da'me chimaqachiñe?