Amós 4:9 - Toba del Oeste

⁹ «Ja'uo ca'li joga'me layat let'adaic, nataq'aen je'n qaqate' jogaa'me adanaĝanaqadi', nataq'aen joga'me qojequioĝoe jen yalic ga'me uva lichidijat choqogaa'me e'epa jo'ne higuera nataq'aen olivo. ¡Qalaĝaja maliaĝa ja jayem 'te a'niyelaqaeya!» Naq'aeta da'me 'laqatac joñe'me Jaliaĝanec.

La'aqtaqa Ñim Lo'onatac 'Enauacna 2013

⁹ Qataq qami' seroleguete so lta'araic la'at maye ỹataqta dapaqa qataq na qoche'l, qataq aso shiiquioxoipi da yaqto' ỹauta 'enauac aso qa'añiguishe, uvapi, higopi, qataq aso olivopi. Qalaq ñaqaiyeta saishet da aỹem qañe'eguelaqaỹa. Qaq 'era da la'aqtac Ñim Nataxala'.

Amós 4:9 Referans Kwoze

Hageo 2:17

¡Naqayem jo'ne japalaĝa't! Ja'uo lapite'na ga'me adaniqui nataq'aen ja'uo jaga'me lache qaedi japalaĝat yema joga'me te'me auaqanachichi, qalaĝaja da'me ami ja jayem 'te a'niyelaqaiyot. Nach'ena jenjo' ñenaĝategue, jayem jo'ne Jaliaĝanec.

Joel 1:4

Yema yali'j gaa'me qojequioĝoel; chayovida'alo gaa'me te'me 'noquetaque, nataq'aen ena'ama qoyali'j qom'che.

Amós 4:6

«Da'me jayem qamqa'me ja'uo ca'li joga'me noqouaĝa yemeda naa'me naajo' at'achaqadi'; jen qaya ca'li joga'me qoyalic yema jenjo' jiyaĝadipi. ¡Qalaĝaja da'me ami maliaĝa ja jayem 'te a'niyelaqaeya!» Naq'aeta da'me 'laqatac ñe'me Jaliaĝanec.

Amós 4:8

Jena'me jiyaĝadipi quetayelo ca'li gaa'me noyaqa, yelotedaque joga'me noĝop, qalaĝaja ja yauata qama'le nach'e eta't 'uo da'me yeliñqui'p. ¡Qalaĝaja da'me ami maliaĝa ja jayem 'te a'niyelaqaeya!» Naq'aeta da'me 'laqatac ñe'me Jaliaĝanec.

Joel 2:25

«Male ami ji'iyelaĝatoto gaa'me 'uoidi jo'ne onaĝayaqa, qa'a jaa'me jaajo' 'uoidi ca'li qaya'te chiyaqayilo nale ye'm. Ja yitaĝa ta'le uo'oe gaa'me qojequioĝoel jo'ne yapalaĝat ena'uac, ca'li ami ñamaĝalo qaedi ami nautenalo.

Joel 1:7

Yataqachiñe en c'oetetelo q'aen ga'me te'me qadanec jo'ne uva lichidijat, nataq'aen e'n 'uaĝadiñe gaa'me e'epa jo'ne higuera; yataqata yapalaĝa't jogaa'me, nataq'aen da'me 'nojola, e'n yapaga't gaa'me te'me lepeel.

Habacuc 3:17

Temaq'aen qaya'te jalayaĝac jaga'me higuera, uotaĝa ja ya'uo lejalayaĝac ga'me uva lichidijat; uotaĝa ena'am ga'me olivo lichidijat, uotaĝa gaa'me nanaĝanaqa'te qaya'te ta'le naqataĝanaĝac; nach'e ena'am uotaĝa male qayaua gaa'me 'nanaĝatel, uotaĝa male ochichiyelo naa'me uaca liqui'yaĝaiqui';

Oseas 11:5

Qalaĝaja gaa'me yataqata ja jayem 'te 'viyelaĝadeta. Chane'eja qomle yitaĝa jen 'viyelaĝata jodi'me Egipto, qama'le nach'edi di'me Asiria male nejaliaĝatelo'te qomle jogaa'me.

Malaquías 3:11

Chayovida'alo gaa'me qojequioĝoel nataq'aen gaa'me napaĝatpi jo'ne yali'j nale ga'me adanec, male je'n qaya'alo, qama'le gaa'me uva lichidijat jalcote ga'me jala qomle.