Amós 4:5 - Toba del Oeste

⁵ Anedoidi't jaga'me pan qama'le naqaga aueñi adajaqaje, qaedi yataqata jayem a'nonaĝachiigui. ¡Yataqata a'uaĝachitac da'me joote auauoyi adajaqaje, qa'a nach'ena jenjo' yataqata adoqopichiya!» Naq'aeta da'me 'laqatac ñe'me Jaliaĝanec.

La'aqtaqa Ñim Lo'onatac 'Enauacna 2013

⁵ Qataq qauavigaxache aca nauole 'ayiiña maye qaica ca lalegue, da qarachetaqtaxanaqche da qaỹa'añi da qana'achecỹaxaqui, qataq qaua'axacheeuec anam qarachetaqtaxanaqche maye maiche qami' chegoqchiguilo da qaỹa'añeeuo, cha'aye nachera da ỹataqta qanqopichiỹa da qauo'oche qami' Israel le'ecpi. Qaq 'era da la'aqtac Ñim Nataxala'.

Amós 4:5 Referans Kwoze

Oseas 9:10

'Laqatac joñe'me Jaliaĝanec, enaac: «Ca'li yemta jauana jodi'me Israel qama'le yataqachiñe jayem matac: jena'am ca'li joga'me yauana ga'me uva lichidijat nale ue'ta joga'me aleua jo'ne totapega't. Gaa'me 'uaediñe adapidii yataqachiñe onaĝayaqa, ena'ama ca'li gaa'me higo jo'ne yemta yi't. Qalaĝaja ca'li yec'adeta di'me aleua jo'ne Baal-peor, qama'le paja'a tadetot joga'me qop'iyapega jo'ne yataqachiñe jouala. Chane'eja male ja 'noe'n jogaa'me, eda'am joga'me qop'iyapega jo'ne noqopideta.

Oseas 9:1

Ami Israel laje'pi, ena'te ami made'tape, ena'te auadenaĝachi' gaa'me noyaqa laqaya' nale auajochitac nataq'aen a'ualaqaitac, qa'a ena'am ta'le ovitaue da'me nequejeguetaĝa ca'li oquiya'e joñe'me mach'e Anedios. Qa'a nale ovi'ta ga'me ua'ña jaga'me trigo jala jo'ne joote qonaqat, qama'le 'uo da'me adamaiqui da'me auañema ga'me adajaqajequi jogaa'me qop'iyapegalo jo'ne ja ejoda.

Amós 5:21

Jenjo' jo'ne 'laqatac joñe'me Jaliaĝanec: «Yataqata jo'otan nale auauoyi da'me ademaĝaqui; yataqachiñe ja ja'amaqaten nale ademiya'a't.

Amós 5:22

Qama'le ja jaconeguet joga'me adajaqajequi jo'ne auequiyoue nale jetaque jayem a'nonaĝachiigui; nataq'aen joga'me adaniqui jala, uotaĝa joga'me jiyac 'yaĝadaic jo'ne yelo'teguet da'me jayem a'niyelaqaiyot, qalaĝaja nach'e ena'am ja jaconeguet.