Amós 4:1 - Toba del Oeste

¹ Ami yauo' jo'ne at'achaqadi' di'me noic Samaria, ami jo'ne auañiya'ama gaa'me uacadi di'me aleua Basán, ami jo'ne aue'viñe'tape jogaa'me qaya'te yauata, nataq'aen ja avichoĝodeñi' jogaa'me p'ioĝoyaqa, nataq'aen auamaqai nale gaa'me adoua' qaedi netedaque ga'me lataĝa, qama'le yataqata aniyomiyigui nale 'uo: da'me ami, cha'li anaquiaĝañiya jenjo'.

La'aqtaqa Ñim Lo'onatac 'Enauacna 2013

¹ Ña qana'axaỹaxañiỹa de'era na'aqtac, qami' maye qoñeeta'am ana huacapi ye Basán, qami' 'alpi maye Samaria lashepi, maye huetaiya' naxa qanqa'eñi na choxoraqpi, qataq qaica ca nyacnataguec qanqa'eñi nam huo'o da lhuenaxanaxa, qataq qauamaqaitac naxa nam qarhuaipi, qoñiita': «Ña qandoiuo cam qaraquip lataxa».

Amós 4:1 Referans Kwoze

Amós 6:1

¡Yataqata 'uo da'me adachoĝodequi qomle, da'me ami jo'ne machidiñe da'me oñita'ña di'me Sión uotaĝa di'me Samaria! Yataqata 'uo da'me adachoĝodequi qomle, da'me ami najoĝola'te jena'me jenjo' aleua jo'ne 'uo da'me lejaliaĝa, jo'ne ami yec'atalo nale jogaa'me Israel laje'pi!

Amós 5:11

Yajouaĝat da'me auapiita'ñguilo jogaa'me choĝodache, qama'le auoĝotaĝañiyeque nale ga'me trigo jala, chane'eja ja auaqanachichi qomle ta'le oñitauelo naa'me at'emaqadi' mach'e at'onataqadi' jo'ne qadi, uotaĝa ta'le auaqanachichi da'me aniyomiyigui nale joga'me lataĝa jo'ne anaqachi' nale naa'me adaniqui jo'ne uva lichidijat.

Malaquías 3:5

Joñe'me Jaliaĝanec jo'ne napacalegue ena'uac male enaac: «Chane'eja male ja'uo yec'atenaĝanaĝac qaedi ami je'uaĝa'n jo' qomle, qa'a da'me jayem jec'ate'tape yemeda gaa'me jo'ne napaĝaguetedapega da'me pinec, nataq'aen jogaa'me quejeguetaĝayaqa, chayovida'alo gaa'me ja yepaquichigui da'me 'laqata'j, nataq'aen gaa'me ye'ue'tape gaa'me onataĝanaĝayaqa, gaa'me ja lecochiyalo gaa'me p'ael uotaĝa gaa'me jape'l, nach'e ena'am ja no'en da'me 'yeteque gaa'me ja Israel laje', nataq'aen gaa'me jo'ne ja jayem 'te uatequeda'a.»

Joel 3:3

Necolaĝachidegui jena'me yalaqapi, nalichiguilo jogaa'me, qama'le qoyeme'n gaa'me ñoqolqapi nataq'aen gaa'me ñoqolel, qaedi ch'e yeualaĝae'n jajo'me laicaua, e'n lajo'vi'y joga'me lataĝa nataq'aen jogaa'me quejeguetaĝael.

Amós 6:6

Yataqata lat'edael jogaa'me niyomaĝaiqui' nale niyomidigui joga'me lataĝa; joga'me neyoĝoqui' yataqata jama joga'me laeta, qalaĝaja ja uenateteda'a ga'me lachoĝodec jena'me jenjo' 'lachaqa't.

Amós 3:1

Ami Israel lec'oqo'tepi, anaquiaĝañiya ñe'me Jaliaĝanec, nach'eñe jo'ne ami naqa't joca'li ami ne'uaqa di'me Egipto:

Amós 3:3

Qom naequetapega't gaa'me dos, qa'a yajouaĝat da'me joote nayatena't.