Amós 3:9 - Toba del Oeste

⁹ A'uaqataĝañiyema qomle jogaa'me neteda'ña na'me nejaliaĝaiqui di'me noic Asdod, nataq'aen naa'me nejaliaĝaiqui' jodi'me Egipto: «Anec'achiyalo naa'me qajoĝona'a di'me Samaria, qaedi auañiya joga'me ja nalemaĝa, qa'a jenjo' ue'ta da'me neloiquiaĝac.»

La'aqtaqa Ñim Lo'onatac 'Enauacna 2013

⁹ Ña qaua'aqtaxañi qome da huaña na nma' lta'araicpi ye Asdod, qataq da huaña na nma' lta'araicpi ye Egipto, qoñiita': «Qalapoñiỹa't qome huaña aye qasoxonaxapi ye Samaria, nache qaumichiñi da qaica ca laỹamqa' nam hueta'a yemaye, qataq da ỹataqta qaica ca qairen na hueta'a yemaye».

Amós 3:9 Referans Kwoze

Amós 4:1

Ami yauo' jo'ne at'achaqadi' di'me noic Samaria, ami jo'ne auañiya'ama gaa'me uacadi di'me aleua Basán, ami jo'ne aue'viñe'tape jogaa'me qaya'te yauata, nataq'aen ja avichoĝodeñi' jogaa'me p'ioĝoyaqa, nataq'aen auamaqai nale gaa'me adoua' qaedi netedaque ga'me lataĝa, qama'le yataqata aniyomiyigui nale 'uo: da'me ami, cha'li anaquiaĝañiya jenjo'.

Amós 6:1

¡Yataqata 'uo da'me adachoĝodequi qomle, da'me ami jo'ne machidiñe da'me oñita'ña di'me Sión uotaĝa di'me Samaria! Yataqata 'uo da'me adachoĝodequi qomle, da'me ami najoĝola'te jena'me jenjo' aleua jo'ne 'uo da'me lejaliaĝa, jo'ne ami yec'atalo nale jogaa'me Israel laje'pi!

Amós 1:8

Japalaĝat qomle ñe'me lejaliaĝanec di'me Asdod nataq'aen ñe'me nejaliaĝatelegue di'me Ascalón. Nataq'aen jedolegue da'me yañoqotaĝanaĝac di'me Ecrón, qama'le yema ga'me filisteopi pa'l qomle: ¡qaya'te ta'le qonec'alaĝatetaye!» Naq'aeta da'me 'laqatac ñe'me Jaliaĝanec.

Amós 8:6

¡Yataqata jauoqo nayi da'me lachoĝode'j jogaa'me qaya'te yauata, qaedi qomle mach'e natequena qama'le jenaq qaneua'aque, qa'a ja yaqanate't ta'le yejete'n jaga'me nep'ia, te'me onole jaga'me nep'ia jo'ne pela' lae! ¡Chayovida'a jemenoqoto joga'me trigo jala lovi nale!»

1 Samuel 5:1

Ca'li deuodaĝatec jaga'me lae't daa'me Dios lamajoĝonaĝaco jogaa'me filisteopi, qama'le yachiyoĝoteda'ña di'me Eben-ézer jaga'me, da'me yedotegue di'me noic jo'ne lenaĝat da'me Asdod.

2 Samuel 1:20

Ena'te a'uaqataĝañiyem gaa'me 'lachaqa't di'me Gat nataq'aen ena'te aueñi nomedaye jogaa'me ua'alo gaa'me noqoigaĝaco di'me Ascalón, qaedi qaya'te netonaĝa'j gaa'me yauodipi jo'ne filisteo lajel, nataq'aen qaedi ja dajote'tape, jouaĝat da'me 'uo ga'me lamai'j jogaa'me ja Israel laje'.

Amós 5:11

Yajouaĝat da'me auapiita'ñguilo jogaa'me choĝodache, qama'le auoĝotaĝañiyeque nale ga'me trigo jala, chane'eja ja auaqanachichi qomle ta'le oñitauelo naa'me at'emaqadi' mach'e at'onataqadi' jo'ne qadi, uotaĝa ta'le auaqanachichi da'me aniyomiyigui nale joga'me lataĝa jo'ne anaqachi' nale naa'me adaniqui jo'ne uva lichidijat.

Oseas 7:1

Qom jetaque ñec'alaĝatedegue naa'me naajo' yalaqapi, qama'te nach'edata da'me qoyauanalo daa'me loeco: yemeda naa'me pecayaqa nataq'aen cachaĝayaqa, qama'le quetayelo naa'me emaqa qaedi decachi'y, chayovida'a jena'me naq'aic nouo't joga'me ta'yedi.

Amós 6:3

Qama'le da'me ami ja jetaque auenache'ta joga'me nolo' jo'ne ja no'en qomle, qalaĝaja joote ovitaue jena'me nejaliaĝa jo'ne neloiquiaĝac.

Miqueas 6:10

Joga'me 'lachaqa' ga'me qaleuaĝaic, maliaĝa 'uo ga'me neuoyaĝac jo'ne chiyaqayi da'me leuodaĝanaĝat, nataq'aen gaa'me pogoqotaĝanaĝaiqui' jo'ne ja ejoda, jo'ne ja ja'amaqate'n.