Amós 3:12 - Toba del Oeste

¹² 'Laqatac joñe'me Jaliaĝanec: «Ena'am nale ga'me 'nanaĝate nouatoqo't jetaque nec'alaĝategue jaga'me 'nanaĝate nale jauaĝaic yipaĝata, qalaĝaja nach'edata da'me qodoĝotaĝaneque dojolqa naa'me lapia'te uotaĝa jaga'me lequetela, qama'le naq'aeta da'me te'me qonec'alaĝatedegue qomle ga'me Israel lec'oqo'tepi jo'ne 'lachaqa't di'me Samaria: nach'edata da'me qoyachi joga'me onolec nela' liche, uotaĝa joga'me lapiaĝala' lae.»

La'aqtaqa Ñim Lo'onatac 'Enauacna 2013

¹² Qaq da la'aqtac Ñim Nataxala', 'eeta': «'Eeta'am ca qagueta lo'o da nhuo' ca llon da deuotaxaneque caua dos lapia'ate, huo'otaq caua ltela lsheeneqa aca qagueta, qaq nache 'eetec qome da qoỹet nam Israel le'ecpi maye netaña na Samaria, nam hua'aqtalec naxa nam na'axasoxola'pi maye ỹataqta no'on maye chegaqa'a ye Damasco.»

Amós 3:12 Referans Kwoze

Amós 6:4

Yataqata onaĝaic jona'me adejaliaĝaiquii nale qoya'uo neualayaĝac; yataqata t'adaic joga'me qoyalic ga'me 'nanaĝate c'oĝot nataq'aen joga'me uaca c'oĝot jo'ne yataqata piyo.

Ester 1:6

Jogaa'me jotenaĝal lat'edael jo'ne mármol qoyanayelo ga'me netaĝanaĝat jo'ne pagaĝaic nataq'aen malaĝadaic, 'uo joga'me netaĝatañe jo'ne 'loyaĝac da'me pit'aladic, lale'gue ga'me oro li'i ca'li, qoyauo'oe gaa'me je'onaĝaiqui' jo'ne 'loyaĝa'j da'me oro nataq'aen plata, joga'me napiaĝala' qamqa'me mármol pagaĝaic, lae da'me ledaĝaic, ga'me li'yoĝodaĝa't qoyauo'oe jo'ne qadi onaĝayaqa.

Ester 7:8

Ca'li ñe'me jaliaĝanec male ca'e joga'me ua'a jana'me la'uo, yitaĝa taue joga'me emec, qama'le yauana ñe'me Amam jo'ne yataqata davi'te jañe'me Ester. Chane'eja ñe'me jaliaĝanec yataqata naqatoĝoden qama'le enaac: «¡Nach'e ena'am ja auate'ca jañe'me jaliaĝana, da'me one'ta jena'me jenjo' mach'e 'yachaqa' nataq'aen jayem auajo'tot!» Qama'le ca'li gaa'me coico laje' domachita ga'me 'lalaĝac joñe'me Asuero, paja'a yenoĝodeuo qama'le qoyapadelegue ga'me latajoĝoc ñe'me Amam.

Amós 9:8

Joñe'me Jaliaĝanec yec'atetac jenjo' nejaliaĝa jo'ne yataqata 'uo da'me loec, qama'le enaac: «Yataqata japalaĝat qomle jenjo' jo'ne ue'ta na'me aleua, qalaĝaja ja yema ta'le japalaĝat ga'me lec'oqo'tepi di'me Jacob. Naq'aeta jenjo' 'yaqatac, jayem jo'ne Jaliaĝanec ja 'nalegue.