Amós 2:7 - Toba del Oeste

⁷ Nataq'aen peta'ñguilo gaa'me choĝodayaqolqa, chayovida'a da'me ye'ue'tape gaa'me. Joga'me net'a choqoga'me c'oĝot yemetedapiye jaga'me onole yauo, qama'le ch'e ye'uetedac da'me yenaĝat jo'ne ja 'nalegue.

La'aqtaqa Ñim Lo'onatac 'Enauacna 2013

⁷ Qataq huetaiya' naqa'en na choxoraqpi, qataq saishet da ỹo'otec ca ỹaỹamaqchiguiñi lataxac nam qaica ca la'amaqchec. Qataq so nta'a qataq so ñalec qalaq lauatrapiguiñi' aso 'oonole 'alo, nache qaica ca 'enec naqa'en da qui'itta ỹe'enaxat.

Amós 2:7 Referans Kwoze

Amós 5:12

«Jayem qa'a yataqata ami jayate'n, qa'a yataqata jalcote naa'me at'onataqadi' jo'ne ja 'noe'n, nataq'aen naa'me adoecodi' jo'ne qaya'te loiquiaqa': adiquiyayi'ya nale joga'me chimaqachiñe ga'me 'lonatac, nataq'aen auejechiñe' jogaa'me c'atenaĝanaĝayaqa qaedi joga'me choĝodac qaya'te ladiiuo.

Miqueas 2:9

Auamaqaidegue gaa'me yauo' jo'ne mach'e yalel, aueñi ca'ae gaa'me 'lemaqa jo'ne yataqata noqopitalo. Nataq'aen ga'tae'me c'oqo'te ja yitaĝa auajeñe'tema da'me onaĝaic jo'ne janema ca'li.

Miqueas 2:2

Ch'e yepiteda'a joga'me ja 'naleua', nataq'aen male e'n loĝo't nale; yepitetedapega ga'me emec, chayovida'a deuodaĝatec nale. Yauote lachoĝodec ga'me jiyaĝaua nataq'aen ga'me layi, chayovida'a ga'me c'oqo'tepi.

Sofonías 3:3

Gaa'me lejaliaĝanaqa ena'ama gaa'me jauaĝayaqa nale de'uoya'ape; gaa'me c'atenaĝanaĝayaqa ena'ama jogaa'me yaliaĝadi nale quetedalegue ga'me 'nonaĝa; nale deque'y qama'le yataqata qaya'te lapat uotaĝa p'inec ta'le ueta'añdi.

Amós 8:4

Anaquiaĝañiya jenjo', ami jo'ne aue'viñetac nale jogaa'me joĝodaic naa'me lai'li, nataq'aen auauoyi lachoĝode'j jogaa'me choĝodache,

Amós 4:1

Ami yauo' jo'ne at'achaqadi' di'me noic Samaria, ami jo'ne auañiya'ama gaa'me uacadi di'me aleua Basán, ami jo'ne aue'viñe'tape jogaa'me qaya'te yauata, nataq'aen ja avichoĝodeñi' jogaa'me p'ioĝoyaqa, nataq'aen auamaqai nale gaa'me adoua' qaedi netedaque ga'me lataĝa, qama'le yataqata aniyomiyigui nale 'uo: da'me ami, cha'li anaquiaĝañiya jenjo'.

2 Samuel 12:14

Qalaĝaja da'me yataqachiñe ja no'en da'me a'uetec ñe'me Jaliaĝanec, ñe'me ac'oĝot jo'ne yemta 'niyiñe yeleu qomle.»

Oseas 4:14

Qalaĝaja ja ja'uo da'me ne'uaĝanague'j jogaa'me ac'oqocheldi' jouaĝat da'me lequejeguetaĝa'j, nataq'aen jogaa'me adateldi' jouaĝat da'me leua'u nale gaa'me ja loua', qa'a da'me ami nach'e ena'am adeuauae' nale gaa'me quejeguetaĝael; qama'le ovi'tajopa nale auauoyi adajaqajequi jo'ne auañema gaa'me qop'iyapegalo. ¡Qalaĝaja ga'me noic jo'ne qaya'te layatenaĝanaĝac, yataqachiñe qoyapalaĝat jo' qomle!

Amós 5:11

Yajouaĝat da'me auapiita'ñguilo jogaa'me choĝodache, qama'le auoĝotaĝañiyeque nale ga'me trigo jala, chane'eja ja auaqanachichi qomle ta'le oñitauelo naa'me at'emaqadi' mach'e at'onataqadi' jo'ne qadi, uotaĝa ta'le auaqanachichi da'me aniyomiyigui nale joga'me lataĝa jo'ne anaqachi' nale naa'me adaniqui jo'ne uva lichidijat.