Amós 1:9 - Toba del Oeste

⁹ Yitaĝa ya'uo da'me 'laqatac ñe'me Jaliaĝanec, enaac: «Jogaa'me neteda'ña di'me Tiro, yataqata jalcote da'me 'lonata'j jo'ne ja no'en. Chane'eja male jaje'tema da'me ne'uaĝanague'j, qa'a yanema yema ga'me noic ga'me Edom laje'pi, qama'le ja netouetedac da'me nach'edaua jo'ne mach'e laqaya'.

La'aqtaqa Ñim Lo'onatac 'Enauacna 2013

⁹ Qaq Ñim Nataxala', 'eeta': Na Tiro le'ecpi ỹataqta qalota nam qauem ỹo'otpi, ỹoqo'oye saishet qome da saxaañi da sauo'o na nhuaxanaguecpi, cha'aye so qalota nhuo' le'ecpi maye loxonecpi co'ollaxa imenot na Edom le'ecpi da yaqto' l-latacpi, qaq saq tagui lauel da naỹamaxataxac co'ollaq naỹamaxate' da 'eco' lqaỹañecpi somayepi.

Amós 1:9 Referans Kwoze

2 Samuel 5:11

Qo'oche' ñe'me Hiram, mach'e lejaliaĝanec di'me Tiro, yamaĝategue gaa'me lamaĝa's joñe'me David, nach'e ena'ama gaa'me e'epa jo'ne chiyoqodayi ga'me cedro, gaa'me onataĝanaĝayaqa jo'ne ye't nale ga'me epaq, nach'e ena'ama gaa'me ye't nale ga'me qa', qaedi 'noĝodijeguem ga'me lejaliaĝaiqui ñe'me David.

Amós 1:11

Nach'e ena'am yitaĝa ya'uo da'me 'laqatac ñe'me Jaliaĝanec, enaac: «Jogaa'me neteda'ña di'me Edom, yataqata jalcote da'me 'lonata'j jo'ne ja no'en. Chane'eja male jaje'tema da'me ne'uaĝanague'j, qa'a yecaa'tape ga'me mach'e laqaya' chayovida'a da'me yalateque gaa'me ledaĝanaqa'te. Qaya'te lichoĝodenataĝanaĝa'j, yataqata dalemata'y, qama'le qaya'te loiquiaqa' da'me 'lotanaĝanaĝa'j.

Amós 1:6

Nach'e ena'am yitaĝa ya'uo da'me 'laqatac ñe'me Jaliaĝanec, enaac: «Jogaa'me neteda'ña di'me Gaza, yataqata jalcote da'me 'lonata'j jo'ne ja no'en. Chane'eja male jaje'tema da'me ne'uaĝanague'j, qa'a e'n lelata'j yema ga'me noic jo'ne yalaqapi qaedi qoyauetegue di'me Edom.

Abdías 1:11

Ca'li novi't jogaa'me laute'u qama'le nolaĝachidiñe jogaa'me jo'mi di'me Jerusalén, ¡da'me ami auañiichigui qalaĝaja qaya'te auauoyi! Nataq'aen ca'li yema qodotaĝanec joga'me leuoyaĝac di'me noic qama'le necolaĝachidegui joga'me, ¡qama'le da'me ami nach'e ena'am da'me auadenaĝachi' jogaa'me!

Zacarías 9:1

Jenjo' jo'ne 'laqataĝanaĝac ca'li ñe'me Jaliaĝanec jo'ne yeloĝonaĝa'ta di'me aleua jo'ne Hadrac nataq'aen jodi'me noic jo'ne Damasco: «Naajo' noyaqa jo'ne neda'ña di'me aleua Siria mach'e yoqo'te, ena'ama yemeda jogaa'me chiyoĝoteguet di'me Israel.