Amós 1:6 - Toba del Oeste

⁶ Nach'e ena'am yitaĝa ya'uo da'me 'laqatac ñe'me Jaliaĝanec, enaac: «Jogaa'me neteda'ña di'me Gaza, yataqata jalcote da'me 'lonata'j jo'ne ja no'en. Chane'eja male jaje'tema da'me ne'uaĝanague'j, qa'a e'n lelata'j yema ga'me noic jo'ne yalaqapi qaedi qoyauetegue di'me Edom.

La'aqtaqa Ñim Lo'onatac 'Enauacna 2013

⁶ Qaq Ñim Nataxala', 'eeta': na Gaza le'ecpi ỹataqta qalota na qauem ỹo'otpi, ỹoqo'oye saishet qome da saxaañi da sauo'o na nhuaxanaguecpi, cha'aye ỹataqta imatta co'ollaxa da ỹauec na nhuo' le'ecpi, nache imenot na Edom le'ecpi da yaqto' l-latacpi.

Amós 1:6 Referans Kwoze

Amós 1:11

Nach'e ena'am yitaĝa ya'uo da'me 'laqatac ñe'me Jaliaĝanec, enaac: «Jogaa'me neteda'ña di'me Edom, yataqata jalcote da'me 'lonata'j jo'ne ja no'en. Chane'eja male jaje'tema da'me ne'uaĝanague'j, qa'a yecaa'tape ga'me mach'e laqaya' chayovida'a da'me yalateque gaa'me ledaĝanaqa'te. Qaya'te lichoĝodenataĝanaĝa'j, yataqata dalemata'y, qama'le qaya'te loiquiaqa' da'me 'lotanaĝanaĝa'j.

Abdías 1:11

Ca'li novi't jogaa'me laute'u qama'le nolaĝachidiñe jogaa'me jo'mi di'me Jerusalén, ¡da'me ami auañiichigui qalaĝaja qaya'te auauoyi! Nataq'aen ca'li yema qodotaĝanec joga'me leuoyaĝac di'me noic qama'le necolaĝachidegui joga'me, ¡qama'le da'me ami nach'e ena'am da'me auadenaĝachi' jogaa'me!

Amós 1:9

Yitaĝa ya'uo da'me 'laqatac ñe'me Jaliaĝanec, enaac: «Jogaa'me neteda'ña di'me Tiro, yataqata jalcote da'me 'lonata'j jo'ne ja no'en. Chane'eja male jaje'tema da'me ne'uaĝanague'j, qa'a yanema yema ga'me noic ga'me Edom laje'pi, qama'le ja netouetedac da'me nach'edaua jo'ne mach'e laqaya'.

1 Samuel 6:17

Jogaa'me cinco oro 'nonataqa, lequi'il ga'me napite'na jo'ne daloĝo, nach'egaua jo'ne e'n lajaqaje'j gaa'me filisteopi da'me yate'm ñe'me Jaliaĝanec, qa'a e'n lajo'vi joga'me ja 'noota yauote. En nalochiguilo gaa'me noyaqa di'me Asdod, di'me Gaza, di'me Ascalón, di'me Gat nataq'aen di'me Ecrón;

Joel 3:6

Nataq'aen ca'li aueñi qaya'alo joga'me jiyaĝadipi jo'ne Judá lec'oqo'tepi, chayovida'alo ga'me Jerusalén laje'pi, qama'le auemeñi' jogaa'me qaedi qoye'n ne'uaqa, auañema ca'li gaa'me Grecia laje'.

Zacarías 9:5

»Qomle di'me noic jo'ne Ascalón yauana jena'me jenjo', qama'le yataqata t'oiya. Di'me Gaza nataq'aen jalcote lachoĝodec qomle, qama'le di'me Ecrón male qaya'te leuataqataĝanaĝac. Di'me Gaza male qaya'te lejaliaĝanec qomle, qama'le di'me Ascalón male qaya joga'me jiyaĝadipi 'lachaqa'tedi.

Amós 1:3

Naq'aeta ca'li da'me 'laqatac ñe'me Jaliaĝanec Dios, enaac: «Jogaa'me neteda'ña di'me Damasco, yataqata jalcote da'me 'lonata'j jo'ne ja no'en. Chane'eja male jaje'tema da'me ne'uaĝanague'j, qa'a yataqata yapalaĝa't ca'li gaa'me Galaad laje', ena'am nale qoye'uaĝanec ga'me trigo joga'me lajoyiñe lo'o qaedi qonaqat jaga'me jala.

Joel 3:4

Ami noyaqa Tiro choqodi'me Sidón, nataq'aen yema ga'me aleua jo'ne Filistea: ¿jach'e ga'me ami je'eteque ca'li? ¿Qo'li jetaque auauoyi lajo'vi ga'me ami je'eteque ca'li? Qalaĝaja qom naq'aeta qama'le paja'a da'me ami janema joga'me mach'e ane'uaĝanaguequi.

Amós 1:7

Chane'eja jegouelo qomle gaa'me lequepaĝanaqa'te di'me noic jo'ne Gaza, nataq'aen jen yavi'j gaa'me lejaliaĝaiqui'.