Amós 1:2 - Toba del Oeste

² Naq'aeta da'me 'laqataĝanaĝac ñe'me Amós ca'li: Ñe'me Jaliaĝanec Dios en qodomachiya da'me lajamaĝa jo'ne ena'am ta'le qajoĝonaĝa lajamaĝa, chimaqapi'ña di'me qajoĝonaĝa jo'ne Sión, jo'ne nach'edi di'me noic let'adaic Jerusalén. Qama'le daqaqa'y gaa'me 'nale'u gaa'me 'nanaĝate nouatoqo't, nataq'aen daqaqa qomle di'me p'ajeguem ga'me qajoĝonaĝa jo'ne lenaĝat Carmelo.

La'aqtaqa Ñim Lo'onatac 'Enauacna 2013

² Nache so Amós, 'eeta': Ñim Nataxala', qaỹa'axaỹa qome da lavilỹaxac 'eeta'am na nalataxa, huaña añi qasoxonaxa ye Sión maye naña ye Jerusalén, nache na 'alhuapi qataq na 'auaqpi deqaqa qome, qataq deqaqa ana lmilo añi qasoxonaxa Carmelo.

Amós 1:2 Referans Kwoze

Joel 3:16

Ga'me ua'a qama'le joñe'me Jaliaĝanec da'me lajamaĝa ena'am jaga'me qajoĝonaĝa nale ne'uaĝanaĝatapiñi, chimaqapi'ña di'me Sión, jo'ne nach'edi di'me noic Jerusalén, qama'le jena'me piyem nataq'aen jena'me aleua yataqata deda'y qomle. Qalaĝaja joñe'me Jaliaĝanec naqaeñe 'me nañoĝotaqa' ga'me Israel laje'pi mach'e lec'oqo'tepi.

Amós 9:3

Uotaĝa jetaque nañoĝochidiñe di'me p'ajeguem jenjo' qajoĝonaĝa jo'ne lenaĝat Carmelo, qalaĝaja qomle jajoyilo; uotaĝa tadiñgui joga'me noĝop laeñi, qama'le jamaq joñe'me jiyac jo'ne noĝop le'ec, qama'le jen yalic qomle.

Nahúm 1:4

Yecochaq joga'me ñache let'a, qama'le en qaqata, chayovida'a yaqanatet da'me yema e'm gaa'me ñache. Jogaa'me nanaĝanaqa'te di'me Basán e'n qaqate', chayovida'a di'me qajoĝonaĝa jo'ne Carmelo, nataq'aen male qaqate' yema jogaa'me onaĝayaqa jo'ne layoqote di'me Líbano.

Joel 2:11

Joñe'me Jaliaĝanec Ja 'Nalegue, nach'eñe dajo'tagueta naa'me mach'e lauegaqataqa, en qodomachiya da'me lajamaĝa, ena'am jaga'me qajoĝonaĝa. Yataqata jalcote jogaa'me mach'e leloiquiaĝanaĝanaqa, ja qoyaqanatet ta'le qonaloqoten jena'me yoqo'cha da'me lamajoĝonaĝac. ¡Yataqata 'uo da'me lichic let'adaic qom novita ga'me nolo' jo'ne p'ategue, ga'me nolo' qom nac joñe'me Jaliaĝanec! Qama'le yataqata qaya'te nalo'oguet jo' qomle.

Oseas 13:8

Male jec'ate'ga jodi'me naq'aic jadenaĝat jaga'me potae polio' jo'ne yejoma'ape gaa'me c'oqo'te, qama'le qomle yataqata ñaqat jaga'me lequidiaqate. Jena'am joga'me jauaĝaic da'me paja'a jalic joga'me jauana, nataq'aen jena'am jaga'me pioĝodalo da'me deque'e.

1 Samuel 25:2

'Uo ñe'me jiyaĝaua 'lachaqa' di'me Maón jo'ne yataqachiñe neuoyaq, jalcochiñe ga'me 'naleua di'me Carmel, neteda'ña gaa'me tres mil 'nanaĝatelpi jo'ne yauanalo, nataq'aen gaa'me mil quetaĝapi, qama'le jaa'me jaajo' noloqo'ote nepetequetac jaga'me 'nanaĝatelpi.

Oseas 11:10

Jogaa'me male quetegue joñe'me Jaliaĝanec, qama'le da'me lajamaĝa yataqata ena'am joga'me jauaĝaic nale ya'uo lajamaĝa; qama'le uo'oe gaa'me novi't diviloĝo'l, chiyoqo'tegue jodi'me chauo'o.

Joel 1:19

¡Am jiyaĝanot nayi, am Jaliaĝanec, qa'a jena'me dole' ena'am ta'le joote en yavic yema joga'me auaqapi jo'ne uetalegue ga'me 'nonaĝa, chayovida'alo gaa'me e'epa jena'me viaq!