Amós 1:14 - Toba del Oeste

¹⁴ Chane'eja jegouelo qomle gaa'me lequepaĝanaqa'te di'me noic jo'ne Rabá, nataq'aen jen yavi'j gaa'me lejaliaĝaiqui'. Yataqata 'uo qomle ga'me nalimaĝa, da'me 'uo ga'me nalada't, nataq'aen 'uo ga'me 'loĝoyaĝac, jojo' nolo' jo'ne 'uo da'me noqolanaĝa.

La'aqtaqa Ñim Lo'onatac 'Enauacna 2013

¹⁴ Qaq ỹoqo'oye sauo'o qome ca norec da ỹavic ñaqa'en na lpaqtaxatpi ye Rabá, nache que'eca norec nlachiguiñi naqa'en qome ca nma' lta'araicpi, qaq que'eca na'a'q ỹataqta huo'o da na'alaxac da qaỹa'alaxalec ca alaataxac, qataq huo'o da l-llimiaxa na la'at que'eca na'a'q.

Amós 1:14 Referans Kwoze

Amós 2:2

Chane'eja jegouelo qomle gaa'me noyaqa di'me Moab, nataq'aen jen yavi'j qomle gaa'me lejaliaĝaiqui' di'me aleua jo'ne Queriot. Chane'eja nach'edi di'me ua'a ga'me nalada't, qama'le chimaqapi'ña qomle ga'me 'loĝoyaĝac, choqoga'me lajamaĝa jaga'me najeede, qa'a male yele'u jogaa'me Moab laje'pi.

2 Samuel 12:26

Ñe'me Joab ca'li quetapiñgui di'me noic Rabá, 'naleua di'me Amón. Ca'li yamta'le yovida'uo ga'me nejaliaqa',

Zacarías 7:14

Chane'eja jen laguedelegue gaa'me noyaqa laqaya' jo'ne ja qoyateto'n. Chane'eja nayi joga'me 'naleua' male totapega't, jo'ne qaya'te yaqanatet ta'le na'ña. Jenjo' aleua te'me onaĝaic ca'li, qalaĝaja jenjo' jiyaĝadipi yeleguemaĝa't nayi da'me yataqata totapega't.»

2 Samuel 11:1

Ca'li yovita jo'me uo'e dalaĝaic, jo'ne ua'a nale gaa'me jaliaĝanaqa yeuo'tape jouaĝat da'me nalada't, ñe'me David yamaq ñe'me Joab choqogaa'me lejaliaĝanaqa gaa'me nalada't lo'ol, nataq'aen ena'uaque gaa'me nalada't lo'olpi jo'ne Israel laje', qama'le nomachichidiñe jogaa'me Amón laje' nataq'aen coleedejop di'me noic jo'ne Rabá qaedi quidiñgui. Qalaĝaja ñe'me David ue'tedi ca'li, ue'ta di'me Jerusalén.

2 Samuel 12:31

Gaa'me jiyaĝa'u jo'ne maliaĝa ueteda'a di'me noic, ñe'me David en queda'e jodi'me qama'le 'yonataĝanaĝa'n, yanema gaa'me nichajoĝonaqa'te nataq'aen jaga'me nejedaĝanaqate jo'ne jetae nataq'aen gaa'me qachipe jo'ne chiyaqayi gaa'me laicaua, nach'e ena'am yauo'oe gaa'me nauoĝonaĝaiqui' gaa'me adooua. Nach'e ena'ama 'yeteque da'me dojo' ena'uaque gaa'me noyaqa jo'ne neda'ña di'me Amón. Yem qama'le 'viyelaĝague di'me Jerusalén nataq'aen jogaa'me coico laje'.