Abdías 1:19 - Toba del Oeste

¹⁹ Jogaa'me Israel laje'pi jo'ne ueteda'a jodi'me aleua Négueb male yataqata neda'ña qomle jodi'me 'naleua di'me Esaú, jo'ne uo'oe jogaa'me qajoĝona'a; qalaĝaja jogaa'me ueteda'a di'me aleua jo'ne nalo'ta't male yataqata neda'ña qomle jodi'me aleua jo'ne te'me 'lachaqa't gaa'me filisteopi. Nataq'aen nach'e ena'am male yataqata neda'ña jodi'me aleua jo'ne te'me 'lachaqa't jogaa'me c'oqo'tepi jodi'me Efraín choqodi'me aleua jo'ne Samaria. Chayovida'alo jogaa'me c'oqo'tepi di'me Benjamín male yataqata neda'ña qomle di'me aleua jo'ne Galaad.

La'aqtaqa Ñim Lo'onatac 'Enauacna 2013

¹⁹ Qaq nam Israel le'ecpi maye netaña ye Néguev, ỹacona qome da nalec aye qasoxonaxapi maye na'alhua so Esaú, qaq nam netaña ye nalochiguiñi 'alhua, qalaq ỹacona qome ye 'alhua maye lalamaxat na Filistea le'ecpi. Nataqa'en ỹacona qome ye 'alhua ye Efraín, qataq ye 'alhua ye Samaria, qaq nam chegoxoguetpi so Benjamín, qalaq ỹacona qome ye 'alhua Galaad.

Abdías 1:19 Referans Kwoze

Amós 9:12

Qama'le joga'me maliaĝa 'uo jodi'me Edom, chayovida'alo yemeda jogaa'me 'nachaqa'te jo'ne yoqo'te ca'li, yitaĝa loqo'te qomle ñe'me Israel.» Naq'aeta naajo' 'laqataqa joñe'me Jaliaĝanec, qama'le eja yepaquichiguilo qomle.

Miqueas 7:14

Am Jaliaĝanec, adetela jenjo' ac'oqo'tepi: naa'me naajo' 'nanaĝatelpi jo'ne mach'e adoqo'te, queda'me yejamache da'me netedaue ga'me viaq. Qalaĝaja 'uo ga'me aleua jo'ne yataqachiñe onaĝaic: auaue'j: auene'tema ca'li jaa'me noloqo'ote jo'ne 'uaediñe, da'me auaueta gaa'me qadet'al ga'me auaqapiijat jo'ne ua'a di'me Basán nataq'aen di'me Galaad.

Amós 1:13

Nach'e ena'am yitaĝa ya'uo da'me 'laqatac ñe'me Jaliaĝanec, enaac: «Jogaa'me neteda'ña di'me Amón, yataqata jalcote da'me 'lonata'j jo'ne ja no'en. Chane'eja male jaje'tema da'me ne'uaĝanague'j, qa'a yalateque gaa'me daĝanaqa'te gaa'me Galaad lajel jo'ne qo'uaĝael, da'me jetaque e'n nichigaĝatedegue di'me mach'e 'naleua'.

Amós 1:8

Japalaĝat qomle ñe'me lejaliaĝanec di'me Asdod nataq'aen ñe'me nejaliaĝatelegue di'me Ascalón. Nataq'aen jedolegue da'me yañoqotaĝanaĝac di'me Ecrón, qama'le yema ga'me filisteopi pa'l qomle: ¡qaya'te ta'le qonec'alaĝatetaye!» Naq'aeta da'me 'laqatac ñe'me Jaliaĝanec.

Esdras 4:17

Chane'eja joñe'me jaliaĝanec 'yategueta ca'li: «Jayem jaliaĝanec Artajerjes, male jamaĝa jenjo' mach'e yep'iyenataĝanaĝac ga'me coico le'ec lejaliaĝanec Rehúm, nataq'aen ga'me nedaĝanaĝanec Simsai, nataq'aen yemeda gaa'me lecochaĝa'u, chayovida'alo yema gaa'me neteda'ña ga'me aleua jo'ne Samaria nataq'aen ga'me aleua jo'ne p'aye di'me chauo'o ga'me ñache Éufrates.

Esdras 4:2

qama'le dajotegue di'me Zorobabel nataq'aen Josué nataq'aen gaa'me najoĝola'te gaa'me naqaya', qama'le enapega't: «Qo'mi auaje'tema qaedi ami qalecochiyalo da'me qa'noĝojeguem, qa'a da'me qo'mi jenaqa'ama da'me ami joote qauapiyenot joñe'me Anedios, jo'ne joote jauoqo qadajaqajec chiyoqo'tegue ca'li maliaĝa 'uo di'me Esarhadón, jaliaĝanec di'me Asiria, jo'ne naqaeñe qo'mi nauetequena.»