Abdías 1:15 - Toba del Oeste

¹⁵ »Joote nadi'ta joga'me nolo' qom jayem jo'ne Jaliaĝanec male je'uaĝa'n yema joga'me noyaqapi jena'me aleua. Chane'eja nayi, joga'me a'vichiyeque ca'li jogaa'me adaqayadi', nach'e ena'am ami qo'eteque qomle: ¡ami qoyanema qomle joga'me ami tachiguilo!

La'aqtaqa Ñim Lo'onatac 'Enauacna 2013

¹⁵ Qalaxaye mashe sa qaỹapeque ca na'a'q da Ñim Nataxala', nmit na ỹotta'a't shiỹaxauapi. Qaq dam 'auo'ot nataqa'en 'am qaỹo'otec qome, nache 'am talec ca 'ansheetenaguec.

Abdías 1:15 Referans Kwoze

Habacuc 2:8

Yemeda naa'me noyaqa jena'me jenjo' aleua am qoyemalegue qomle, qama'le yataqata qodeuodaĝanec yema ga'me auana, ena'am ca'li auacona jenjo' ja adoĝot. Male am qo'yiyelaĝatec joga'me ja no'en jo'ne aua'uo ca'li, da'me aueloiquitapegue'to naa'me naajo' 'nachaqa'te nataq'aen joga'me jiyaĝadipi.

Miqueas 5:15

Da'me 'uo jenjo' yalemataic, male ja'uo qomle joga'me ne'uaĝanague'j gaa'me noyaqa jo'ne ja jetaque jayem yoqochideta ca'li.»

Joel 1:15

¡Yataqata nadi'tequena joga'me nolo' qom nac ñe'me Jaliaĝanec! Qama'le 'uo qomle da'me qadachoĝodec, yajouaĝat da'me qo'mi novitalo joga'me napalaĝa. ¡Nach'ena jenjo' 'lonatac joñe'me Qaya'te Yaqalatac!

Joel 2:1

¡Yataqata auajediiye jana'me najeede, ami jo'ne ovi'ta na'me qajoĝonaĝa jo'ne Sión! ¡Aueñi yejam jana'me najeede da'me 'uo ga'me ta'ta jona'me qajoĝonaĝa ja 'nalegue, mach'e loĝot joñe'me Jaliaĝanec! ¡Adiviloĝolii, da'me ami jo'ne ovita'ña na'me aleua jo'ne Judá, qa'a na'taquena ga'me nolo' qom nac joñe'me Jaliaĝanec!

Joel 2:11

Joñe'me Jaliaĝanec Ja 'Nalegue, nach'eñe dajo'tagueta naa'me mach'e lauegaqataqa, en qodomachiya da'me lajamaĝa, ena'am jaga'me qajoĝonaĝa. Yataqata jalcote jogaa'me mach'e leloiquiaĝanaĝanaqa, ja qoyaqanatet ta'le qonaloqoten jena'me yoqo'cha da'me lamajoĝonaĝac. ¡Yataqata 'uo da'me lichic let'adaic qom novita ga'me nolo' jo'ne p'ategue, ga'me nolo' qom nac joñe'me Jaliaĝanec! Qama'le yataqata qaya'te nalo'oguet jo' qomle.

Amós 5:18

¡Degueja da'me lachoĝode'j jogaa'me yaditeda'a joga'me nolo' loĝot joñe'me Jaliaĝanec! Male auayachiñe da'me dojo': qom yovita jenjo' nolo', yataqata 'uo ga'me 'lalaĝa, ja 'yoqochiñe.

Amós 5:20

Qama'le naq'aeta qomle joga'me nenolo' joñe'me Jaliaĝanec yataqachiñe 'naltapiye; qaya'te ta'le 'yoqotelegue, qa'a qaya'te namaic nataq'aen qaya'te neuataqataĝanaĝac.

Ester 9:25

Qalaĝaja ca'li noma'a joñe'me jaliaĝanec Asuero da'me eeta da'me lelnataĝac ñe'me Amam, qama'le ya'uo joga'me lamajoĝonaĝac 'me yataqata qoyediñe, qaedi qoyen nedo'oguet joñe'me Amam da'me yataqata ja no'en jo'ne te'me 'lonataĝanaĝac ca'li, qama'le Amam nataq'aen gaa'me lec'oqo'te yataqata qoyecoñededajeguem ca'li.