2 Samuel 6:2 - Toba del Oeste

² Qama'le ñe'me David chiyaqa'ña di'me Baalá, 'naleua di'me Judá, nataq'aen ena'uaque jogaa'me nalada't lo'ol mach'e nejoĝonaqa, qaedi nechigaĝa't jaga'me lae't daa'me lamajoĝonaĝaco ñe'me Dios, nach'aga qoyec'ata nale qodojapegue' ñe'me Jaliaĝanec jo'ne napacalegue ena'uac, jo'ne nejaliaĝatouelo gaa'me querubines.

La'aqtaqa Ñim Lo'onatac 'Enauacna 2013

² nache so David chegoqchiguiña ye Baalá maye huaigui ye 'alhua Judá, nache lỹatec 'enauac so nalleppi da nqochenaxat aso arca maye laỹe' soua lqataxaco Ñim Nataxala', asom huaña naxa da qaiỹaxana da le'enaxat Ñim Lo'onatac 'Enauacna maye Qaica ca Ỹaqalanapec maye netaleguete soua ne'enaqtaqa shiỹaxau' maye huo'oi naua laua't datatralec ye nso'onqa' Ñimaye da Nta'a.

2 Samuel 6:2 Referans Kwoze

1 Samuel 4:4

Qama'le jogaa'me Israel laje'pi damajoĝota di'me Siló qaedi qoyachi jaga'me lae't daa'me lamajoĝonaĝaco ñe'me Jaliaĝanec jo'ne napacalegue ena'uac, jo'ne 'uo da'me lejaliaĝa jo'ne uetauelo gaa'me querubines. Nach'eñe ñe'me Hofní nataq'aen Finees, jo'ne c'oqo'te ñe'me Elí, neteleta ca'li jaga'me lae't da'me lamajoĝonaĝac ñe'me Dios, qama'le nach'e ena'am quetedapegue'.

1 Samuel 7:1

Qama'le jogaa'me jiyaĝa'u jo'ne 'lachaqa't di'me Quiriat-jearim dajotegue qama'le yachi'y jaga'me lae't daa'me lamajoĝonaĝaco ñe'me Jaliaĝanec, qama'le yanedaue ga'me 'lemec ñe'me Abinadab, jo'ne na'ña ga'me comadetelegue. Yem qama'le 'yadelegue ñe'me mach'e c'oĝot Eleazar qaedi nach'eñe netela.

2 Samuel 22:11

Qama'le netalegue ga'me piyem le'ec querubín da'me uayotac: uayotapelegue da'me 'lañaĝac ga'me layat.

1 Samuel 6:21

Qama'le yamaĝategue jogaa'me 'lachaqa't di'me Quiriat-jearim ga'me 'laqata'j jo'ne eeta'j: «Gaa'me filisteopi 'niyelaĝa't jaga'me lae't daa'me lamajoĝonaĝaco ñe'me Jaliaĝanec, qama'le da'me ami 'noota qom auanayiquena qaedi auachiyi.»