2 Samuel 5:3 - Toba del Oeste

³ Qama'le naq'aeta, jogaa'me 'yaĝaicachidi Israel laje' dajotegue di'me Hebrón da'me jetaque dojedapegue' joñe'me jaliaĝanec David. Chane'eja joñe'me male ya'uo joga'me 'naĝataĝac jo'ne yanema ga'me jiyaĝadipi, da'me dajoyeda'aguet joñe'me Jaliaĝanec Dios. Yem da'me dojo', qama'le jogaa'me najoĝola'te male 'yadelegue ñe'me David da'me lejaliaĝanec di'me Israel.

La'aqtaqa Ñim Lo'onatac 'Enauacna 2013

³ Qaq 'era da 'eetec co'ollaxa da 'enauac so nqueroxonecpi ye Israel, da nqo'ona ye Hebrón da detaxaỹapegue' so nta'a David, nache somaye naỹamaxate' co'ollaxa somayepi, ỹauaachigui naqa'en Ñim Nataxala'. Nache somayepi icorelec so aceite na lqaic so David, da yaqto' nta'a ye Israel.

2 Samuel 5:3 Referans Kwoze

2 Samuel 2:4

Yem da'me dojo', male yovididi't jogaa'me jiyaĝadipi jo'ne 'lachaqa't di'me Judá, qama'le 'yadelegue ñe'me David qaedi lejaliaĝanec di'me Judá. Ca'li David qo'yaĝatema gaa'me 'lachaqa't di'me Jabés jo'ne 'naleua di'me Galaad da'me nach'egaua yejediñe ca'li ga'me lapat di'me Saúl,

1 Samuel 23:18

Chane'eja joñaa'me dos da'me yem da'me 'naĝadetot joñe'me Jaliaĝanec Dios, ñe'me David nach'e ue'ta di'me Hores qama'le ñe'me Jonatán 'viyelaĝague di'me 'lachaqa'.

1 Samuel 16:13

Chane'eja Samuel yacona ga'me jiyac lepee jo'ne aceite lae't 'me yachitac, qama'le yecodelegue joñe'me David queda'me naqaeñe jaliaĝanec qomle; gaa'me laqaya' yataqachiñe yauatadelegue. Qama'le chiyaqa'ña jo'me nolo' da'me Dios lañoqotaĝanaĝac nach'e eta't ue'tajop ñe'me. Yem da'me dojo' ca'li, ñe'me Samuel 'viyelaĝague di'me Ramá.

2 Samuel 3:21

Yem qama'le Abner dojapegue' ñe'me David, male enaac: «Nayi qa'a paja'a jec qa'a jetaque japetena't ena'uaque jogaa'me Israel laje', qaedi nach'e ena'ama am niyamaĝadeteguet, am jaliaĝanec, qaedi male aua'uo ga'me jo'ne jalchi'ena jetaque aua'uo.» Qama'le Abner machiñe q'aen da'me male ca'e ñe'me David.

Nehemías 9:38

Chiyaqayi yema da'me dojo' 'uo ca'li, da'me qo'mi male ja'anaĝaeñi da'me qat'aqatac qaedi joqochaĝa joñe'me Qanedios, qama'le nach'e ena'am jedaĝañe nataq'aen qoyetouoĝolegue jaga'me netouojoĝonaqate, qama'le nededelegue jogaa'me qadajoĝola'te, jogaa'me levita laje' nataq'aen jogaa'me tamenaĝaiqui lo'ol.

1 Samuel 11:15

Qama'le ena'uaque jogaa'me jiyaĝadipi qodajoyi di'me Guilgal, nach'edi ua'a qodajoya'aguet ñe'me Jaliaĝanec Dios da'me qoyen lejaliaĝane'j ñe'me Saúl. Yem qama'le yate'm ñe'me Jaliaĝanec jogaa'me lajaqaje'j jo'ne yelo'teguet da'me 'viyelaĝadetot joñe'me. Qama'le Saúl choqoga'me Israel laje'pi yataqachiñe najaqachiguilo da'me lamai'j.

2 Samuel 2:7

Qalaĝaja nayi 'noota qom auacoñiyeguet da'me at'añaĝaqui, qa'a temaq'aen da'me yeleu di'me Saúl jo'ne mach'e adejaliaĝanequi, gaa'me c'oqo'tepi di'me Judá male jayem 'yadelegue qaedi jayem lejaliaĝane'j.»