2 Samuel 5:2 - Toba del Oeste

² temaq'aen da'me eja, di'me Saúl qadejaliaĝanec ca'li, qalaĝaja nach'e am da'me am lajoĝola't gaa'me Israel laje' nale yec'adeta ga'me nalada't. Nach'e ena'am, ñe'me Jaliaĝanec joote am 'yaĝatem queda'me nach'e am, am lajoĝola' jena'me Israel qomle nataq'aen am lejaliaĝanec.»

La'aqtaqa Ñim Lo'onatac 'Enauacna 2013

² qataq nache 'eetai' co'ollaq ñaq qomi' ilotegueto so nta'a Saúl, da 'am lataxala' naxa da nalat na nalleppi na Israel le'ecpi, qataq Ñim Nataxala' mashe 'am 'eetega co'ollaxa, 'eeta': ‹'Am, 'auaueca'aguet qome, qataq 'aulo'ogue na Israel le'ecpi.›»

2 Samuel 5:2 Referans Kwoze

Miqueas 5:4

Qama'le joñe'me jo'ne 'niyiñe qomle, qom 'yaĝaic qama'le ñejeguem qaedi e'n deque'y ga'me jiyaĝadipi, qa'a joñe'me Jaliaĝanec mach'e Nedios yanaue qomle da'me lañoqotaĝanaĝac nataq'aen da'me lejaliaĝac. Qama'le ga'me jiyaĝadipi male uedaue da'me 'nemaĝac, qa'a joñe'me jo'ne nejaliaĝatelo'te jogaa'me male yataqata 'nañaĝatela't, qama'le yaloĝoneque da'me dojo' yema naa'me ale'u lael.

2 Samuel 7:7

Jaa'me jaajo' noloqo'ote jo'ne yoĝo'yilo da'me jouetauelo jogaa'me Israel laje', uo'oe gaa'me lajoĝola'te jo'ne je'n nejaliaĝatelo'te gaa'me mach'e yalaqapi. Qalaĝaja ja jauana ta'le jojapegue' ga'me lajoĝola't qaedi 'noĝojeguem ga'me 'yemec jo'ne chiyaqayi jaga'me epaq cedro.”

1 Samuel 25:30

Am, jo'ne yejaliaĝanec, am lajoĝola' qomle gaa'me Israel laje', qa'a joñe'me Jaliaĝanec mach'e Qanedios en yepaquichigui ena'uaque gaa'me joote am 'yaĝatema.

1 Samuel 18:13

Chane'eja joñe'me Saúl ja yitaĝa en lecochaĝaua ñe'me David, dite da'me en lajoĝola't gaa'me mil coico laje'. Qama'le David yec'ata nale ga'me nalada't, qama'le nale domataĝan, male 'viyelaq.

1 Samuel 16:1

'Uo jo'me nolo', ñe'me Jaliaĝanec dojapegue' ñe'me Samuel, eetac: «¿Jach'e ga'me ua'a da'me yem da'me am totelegue, jouaĝat ñe'me Saúl? Anetouetac queda'me joote ñaqat da'me lejaliaĝanec gaa'me Israel laje'. Chane'eja oc nayi, auen najaĝaye jaga'me jiyac lepee jo'ne aceite lae't, qama'le auajoyi di'me Belén. Nach'e ena'am auec'ata ñe'me Jesé, qa'a 'uo ga'me c'oĝot jo'ne naqaeñe qauaye jaliaĝanec qomle.»

1 Samuel 18:16

Qalaĝaja ena'uaque jogaa'me Israel laje' nataq'aen jogaa'me Judá laje' noqopideta ñe'me David, qa'a nach'eñe joñe'me dajodelegue nale yec'adeta ga'me nalada't.

1 Samuel 18:5

Ga'me yamaĝague ñe'me Saúl, David yoma't gaa'me laute'upi. Chane'eja joñe'me Saúl yana'ña da'me en napacalo'te gaa'me lajoĝola'te gaa'me nalada't lo'ol. Qama'le ena'uac ga'me jiyaĝadipi 'uo da'me nauategaĝa joñe'me David, nataq'aen jogaa'me nalada't lo'ol lajoĝola'te jo'ne lalemaĝaje'te ñe'me Saúl.

1 Samuel 25:28

Qama'le, jayem avichoĝoden qom ja no'en da'me am je'etec; jayem yataqachiñe jen eja queda'me Dios en yachimaqachiñe da'me lejaliaqa't jogaa'me adolelaĝayaqa, qa'a da'me am aualegoue ga'me nalada't jo'ne loequenataĝanaĝac ñe'me Jaliaĝanec, nataq'aen ja ch'e ta'le aua'uo ga'me ja no'en.

1 Samuel 13:14

Qalaĝaja nayi, ga'me adejaliaĝa ja cop'a qomle, qa'a ñe'me Jaliaĝanec joote yelaque ga'me jiyaĝaua jo'ne yiyamaĝaden. Qama'le yenaqatenec qomle da'me lajoĝola't gaa'me c'oqo'tepi, jouaĝat da'me am ja auoqo'cha ga'me lamajoĝonaĝac jo'ne joote am yanem.»

1 Samuel 9:16

«Qom 'yoĝoñi, nach'e ena'am nayi, ñamaĝaquena ga'me jiyaĝaua chiyoĝogue ga'me 'naleua di'me Benjamín. Nach'eñe jo'ne auecodelegue ga'me aceite ga'me laqaic, da'me naqaeñe jo' qomle nejaliaĝatelegue ga'me mach'e yalaqapi jo'ne Israel laje'pi, jo'ne nach'eñe yachiyoĝotedaue queda'me gaa'me filisteopi nach'e eta't da'me nejaliaĝatetapelo'te, qa'a janem da'me yichoĝodenataĝanaĝac gaa'me mach'e yalaqapi, da'me loñiquiaĝac jayem yedaje'ma.»

2 Samuel 6:21

Joñe'me David 'yateguet: «Yataqachiñe eja da'me jeualaĝaitac, qalaĝaja nach'eñe ñe'me Jaliaĝanec da'me jeualaĝaitapecot, qa'a jayem liquiyac, jayem yana'ña ga'me 'lachaqa' di'me adet'a nataq'aen ena'uaque jogaa'me at'achaqadiaĝa'u qaedi naqayem lajoĝola't jogaa'me c'oqo'tepi jo'ne Israel laje'.

2 Samuel 7:8

Chane'eja nach'e ena'am a'uaĝatem ñe'me yalemaĝajet David queda'me jayem jo'ne Jaliaĝanec jo'ne ñapacalegue ena'uac, jenaac: “Da'me jayem am jachiyoĝota'ña ga'me auaqapiijat, ca'li jen oca'ae gaa'me 'nanaĝatel jo'ne adetelalo, qaedi naqa'am jo'ne am lajoĝola't jogaa'me mach'e yalaqapi jo'ne Israel laje'pi.