2 Samuel 4:8 - Toba del Oeste

⁸ qaedi yate'm ñe'me David jo'ne ue'ta di'me Hebrón. Qama'le eetac ga'me 'laqata'j: «Am jaliaĝanec, jenjo' jena'me laqaic di'me Is-bóset, c'oĝot di'me Saúl, jo'ne mach'e adauteua nataq'aen jetaque am yalat ca'li. Qalaĝaja nayi ñe'me Jaliaĝanec ya'uo lajo'vi ga'me jo'ne jetaque am 'yetec di'me Saúl choqogaa'me c'oqo'tepi.»

La'aqtaqa Ñim Lo'onatac 'Enauacna 2013

⁸ ỹacheta'ape so lqaic so Isboset. Qaq co'ollaq ivitra ye Hebrón, nache ỹanem so David, so lqaic so Isboset, nache 'eeta': «'Am nta'a, 'am ñeroxoua'a na lqaic so Isboset, som llalec so 'ampa'aguenaxaua Saúl, maye huotaique co'ollaxa da 'am ỹalauat. Qaq nagui Ñim Nataxala' mashe huo'o naqa'en da 'arvi', 'am qarataxala', nache nmichiguiñi naqa'en so chegoxoguetpi so Saúl.»

2 Samuel 4:8 Referans Kwoze

1 Samuel 25:29

Qom 'uo ga'me am yecaatac nataq'aen jetaque am yalat, Dios nach'e eta't da'me am netela, qama'le da'me am yataqachiñe adiyamaqachiñe. Qalaĝaja jogaa'me jetaque am yala't, joñe'me Jaliaĝanec Dios yajaĝadegue, e'n qaya'aguelo, ena'am qom qoyijaĝayi ga'me qa' qoyen ga'me aladic.

2 Samuel 22:48

Nach'eñe joñe'me Dios ya'uo yovi' jouaĝa't jogaa'me yaute'u, qama'le en ñejaliaĝatelo'te jogaa'me noyaqa jena'me aleua.

2 Samuel 18:31

Qanach'ega ua'a da'me yovidauo ñe'me Etiopía le'ec, qama'le enaac: «Auaconeguet da'me dojo' onaĝaic 'naqataĝanaĝac, am jaliaĝanec: jena'me jenjo' nolo' ñe'me Jaliaĝanec am yotauan, qama'le am de'uolegue; nimichidiñe q'ae'n gaa'me jo'ne am nauteta.»

2 Samuel 18:19

Ca'li ñe'me Ahimaas, jo'ne c'oĝot ñe'me Sadoc dojapegue' ñe'me Joab, enaac: «Am ñachoĝodenot qaedi jayem auaje'tem da'me ñaqalegoqotac qaedi ja'aqataĝanem ñe'me jaliaĝanec queda'me Dios de'uolegue joñe'me, jouaĝat jogaa'me laute'upi.»

1 Samuel 24:4

Jogaa'me nejoĝonaqa ñe'me David dojedapegue' ñe'me: «Jenjo' nolo' male yepaquichigui ga'me jo'ne joote 'yaĝatetac ñe'me Jaliaĝanec, ca'li am dojapegue', enaac: “Qoyanouelo naa'me adoua' ñe'me adauteua.” A'uetec ga'me jo'ne auetapega 'noota ta'le aua'uo.» Qampaja'a, David ñejeguem qama'le nodichiñi da'me yec'ata ñe'me Saúl qama'le yichaĝaye ga'me lapoto lae.

1 Samuel 23:15

Queda'me David yayaten ñe'me Saúl da'me yelotaque qaedi yalat, nach'e ue'ta di'me Hores da'me nañoĝotetapiñe, nach'edi jo'ne aleua jo'ne totapega't, 'naleua di'me Zif.

1 Samuel 20:1

David dajoye, ca'e di'me Naiot, jo'ne 'naleua di'me Ramá, qama'le yelaque ñe'me Jonatán qaedi dojapegue', qama'le yenat: «¿Jach'e jogamaĝa eeta ga'me ja'uo? ¿Jach'e jogamaĝa yaviyaĝajet? ¿Jach'e jogamaĝa ja no'en ta'le je'etec joñe'me adet'a, qaedi jetaque jayem yalat?»

1 Samuel 19:15

Chane'eja jogaa'me namaĝa's eque' qaedi t'aqataĝatem ñe'me Saúl, qalaĝaja Saúl yitaĝa e'n 'viyela' jogaa'me qaedi yauata ñe'me David, qom maliaĝa ue'ta di'me 'lachaqa', qama'le eetac ga'me 'laqatac: «Temaq'aen qom uetalegue ga'me lela', qalaĝaja auachiyoĝochiyalegue qama'le anaviyequena qaedi jalat.»

1 Samuel 18:11

Qampaja'a qaale, Saúl yajaĝac jaga'me miyoĝo ñe'me David, qa'a lelnataĝac da'me leuota'ya ga'me emec lae jaga'me miyoĝo, qalaĝaja David ja nalajaĝata't da'me 'ñiiñe. Dos da'me naq'aeta da'me ya'uo.

2 Samuel 2:8

Qalaĝaja ñe'me Abner, jo'ne c'oĝot ñe'me Ner, nach'eñe lajoĝola't gaa'me nalada't lo'olpi lalemaĝaje'te di'me Saúl, yauec ñe'me Is-bóset c'oĝot di'me Saúl, yauegue di'me Mahanaim,

1 Samuel 19:1

'Uo jo'me nolo', Saúl yiyaĝana ñe'me c'oĝot Jonatán nataq'aen ena'uaque jogaa'me nejoĝonaqa, qama'le damajoĝolegue ñe'me David qaedi qoyalat. Qalaĝaja ñe'me Jonatán jo'ne yataqachiñe noqopita joñe'me,