2 Samuel 3:9 - Toba del Oeste

⁹ 'Noota qom ñe'me Jaliaĝanec jayem yachalegue ga'me lalemataic, qom ja ja'uo ga'me yecochaĝac joñe'me David qaedi yauana ga'me joote 'naĝatot ca'li ñe'me Dios,

La'aqtaqa Ñim Lo'onatac 'Enauacna 2013

⁹ ¡Qaq Ñim Nataxala' ỹauo'o qome ca ñeuaxanaguec da saishet da so'ot da la'aqtac maye ỹachaxanapecot co'ollaxa so David,

2 Samuel 3:9 Referans Kwoze

1 Samuel 15:28

Chane'eja Samuel eetac ga'me 'laqatac yanem ñe'me Saúl: «Naq'aeta qomle da'me dojo', ñe'me Jaliaĝanec yecolaĝat nayi da'me am lejaliaĝane'j gaa'me Israel laje'. Male doĝotaĝanec qaedi yanem joga'me jo'ne p'ajaye, ja am 'te ena'am.

1 Samuel 28:17

Ñe'me Jaliaĝanec am 'yetec ga'me jo'ne joote am 'yaĝatem ca'li jayem na'ya q'aen. Doĝotaĝanec da'me adejaliaĝa, qama'le yanem ñe'me David.

Rut 1:17

Jeleua'ña joga'me oua'ña jo' qomle nataq'aen nach'ega jo'ne jetaque jayem qoyeji'ña jo' qomle, ga'me ua'ña na'me adapat. Jetaque ñe'me Jaliaĝanec jo'ne yataqachiñe qaya'te nalo'taguet, nach'eñe ya'uo ga'me yachoĝodec qom am joqovinec jena'me jenjo' 'yaqatac. 'Yaqatac laqaya qaya'te qo'mi yecolaĝachiguilo nayi, ¡chayovida'a qom qadoiquiaqa'!»

2 Samuel 19:13

Nach'e ena'am ñe'me jaliaĝanec en qot'aqataĝanem ñe'me Amasá, dojo' 'laqatac enaac: «Da'me am jo'ne mach'e am lae da'me ñejiyaĝauayaĝac, nach'e am qomle da'me am lajoĝola't ena'uaque gaa'me nalada't lo'olpi, male auaqauayet da'me 'lonataĝanaĝac ca'li ñe'me Joab. 'Noota qom ñe'me Dios jayem yachalegue da'me ñe'uaĝanaguec, qom ja yepaquichigui da'me dojo' ñenaĝategue.»

2 Samuel 3:35

Yem qama'le David qodiquetape'uo da'me jetaque qoyen deque'e jo'me nolo', qalaĝaja joñe'me 'naĝatot joñe'me Dios, enaac: «'Noota qom ñe'me Dios jayem yachalegue da'me lalemataic, qom jalic ga'me pan uotaĝa gamachaqaega ga'me jo'ne qoyalic, qom jona'li yenoĝoñe jañe'me ajeua.»

1 Samuel 25:22

¡'Noota qom ñe'me Dios ya'uo ñe'uaĝanaguec let'adaic, qom ja japalaĝat ga'me Nabal nataq'aen ena'uaque gaa'me le'mi jo'ne 'lachaqadiaĝa'u, chayovida'a qom nete'.»

1 Samuel 14:44

Qama'le Saúl 'yateguet: «¡'Noota qom Dios jayem yachalegue da'me lalemataic let'adaic qom ja adeleu, Jonatán!»

1 Samuel 3:17

Joñe'me Elí male yenat: «¿Jach'e ga'me jo'ne am 'yaĝatem ñe'me Dios? Am ñachoĝodenot queda'me qaya'te jayem auoĝochi'ñejop. ¡Joñe'me Dios am yanem qomle joga'me adachoĝodec, qom te'me jayem auoĝochi'ñejop joga'me am 'yaĝatem!»

2 Samuel 19:14

Chane'eja jogaa'me jiyaĝa'u di'me Judá ena'at da'me lelnataĝa'j, qama'le damajoĝotegue ñe'me David qaedi 'noota ta'le 'niyelaq nataq'aen ena'uaque jogaa'me lajoĝola'te gaa'me nalada't lo'olpi.