2 Samuel 2:6 - Toba del Oeste

⁶ Chane'eja 'noota qom ñe'me Jaliaĝanec yataqachiñe ami yichoĝode'n; nach'e ena'am da'me jayem, onaĝaic da'me ami je'eteque qomle jouaĝat dojo' auauoyi ca'li.

La'aqtaqa Ñim Lo'onatac 'Enauacna 2013

⁶ Nache nagui Ñim Nataxala' qami' ỹanema da lchoxonnataxanaxa, qataq da lauotaxanaqtaic. Qaq aỹem qome, qami' so'oteque ca ỹaỹamaqchiguiñi souaxat de'era qauo'oche.

2 Samuel 2:6 Referans Kwoze

2 Samuel 15:20

Da'me am qa'a yemta anovitequena caet, jo'oche' ja am 'te ñepoda ta'le auanac, qa'a nach'e ena'am ja jayaten ga'me ja'ya. Chane'eja 'noota qom a'viyelaq, nach'e ena'am a'viyelaĝa't gaa'me adaqaya'. 'Noota qom ñe'me Jaliaĝanec am yichoĝoden nataq'aen nach'e eta't am ue'tajop.»

2 Samuel 10:2

Qama'le David uenate'ta da'me nach'e ena'am yichoĝoden ñe'me Hanún, jo'ne c'oĝot di'me Nahas, yepagaqate'tegue da'me jo'ne onaĝaic 'yetec ca'li di'me let'a. Qama'le yamaĝategue gaa'me lajoĝola'te gaa'me coicopi ñe'me Hanún qaedi loyaĝanatetedac da'me yeleu di'me let'a Nahas. Qalaĝaja ca'li gaa'me lajoĝola'te gaa'me coicopi jo'ne lamaĝa's ñe'me David yovideta di'me 'naleua' gaa'me Amón laje',

2 Samuel 9:7

Qama'le David enaac: «Ena'te ado'e, qa'a yataqachiñe am jichoĝoden nayi, jouaĝat da'me ñetouena di'me Jonatán, mach'e adet'a. Qomle jen am qo'yiyelaĝatot ena'uac ga'me 'naleua di'me adapena' Saúl, nataq'aen nach'e eta't da'me am ñeuanaĝaua da'me jeque'yaq.»

2 Samuel 9:3

Joñe'me David yachimaĝata: «¿Qo'li maliaĝa 'uo joga'me nec'aletaye gaa'me c'oqo'te di'me Saúl? Qom 'uo, qama'le jetaque janem da'me yichoĝodenataĝanaĝac, qa'a naq'aeta da'me 'yaqatac janem ca'li ñe'me Dios.» Ñe'me Sibá 'yateguet: «'Uo ñe'me 'noquetac c'oĝot di'me Jonatán, nach'eñe jo'ne choĝolaĝayaqa naa'me lichel.»

2 Samuel 2:7

Qalaĝaja nayi 'noota qom auacoñiyeguet da'me at'añaĝaqui, qa'a temaq'aen da'me yeleu di'me Saúl jo'ne mach'e adejaliaĝanequi, gaa'me c'oqo'tepi di'me Judá male jayem 'yadelegue qaedi jayem lejaliaĝane'j.»

Rut 1:8

Qama'le ca'li yeuo'tape, jañe'me Noemí male dojapegue'to naa'me latel, qama'le enaac: «Jamoyi, 'noota qom auajoyiyi joga'me at'achaqadi': auajoyiyilo jogaa'me adat'eldi'. 'Noota qom joñe'me Jaliaĝanec yataqachiñe ami yichoĝode'n, ami e'teque ena'am joga'me jayem aueñe'tec ca'li, da'me yataqachiñe jayem avichoĝodeñi nataq'aen da'me avichoĝodeñi' ca'li dia'me yalaqa.