2 Samuel 2:4 - Toba del Oeste

⁴ Yem da'me dojo', male yovididi't jogaa'me jiyaĝadipi jo'ne 'lachaqa't di'me Judá, qama'le 'yadelegue ñe'me David qaedi lejaliaĝanec di'me Judá. Ca'li David qo'yaĝatema gaa'me 'lachaqa't di'me Jabés jo'ne 'naleua di'me Galaad da'me nach'egaua yejediñe ca'li ga'me lapat di'me Saúl,

La'aqtaqa Ñim Lo'onatac 'Enauacna 2013

⁴ Qaq co'ollaq qaỹata'ague de'era, nache nvireua'a somaye so Judá le'ecpi, qaq nache huaña yemaye da qaicorelec so David, da yaqto' nta'a ye Judá. Qaq nataqa'en qaỹa'aqtaxanem co'ollaxa somaye, da so lma' ye Jabés yem huaigui ye Galaad, nachesopi som ilayiñi co'ollaxa so Saúl,

2 Samuel 2:4 Referans Kwoze

2 Samuel 5:5

da'me neta'ña di'me Hebrón nejaliaĝatelegue di'me Judá jaa'me siete 'uoidi nataq'aen seis jaa'me auoĝoyaqa, qama'le da'me na'ña di'me Jerusalén male lejaliaĝanec ena'uac ga'me Israel laje'pi nataq'aen di'me Judá jaa'me treinta y tres 'uoidi.

2 Samuel 5:3

Qama'le naq'aeta, jogaa'me 'yaĝaicachidi Israel laje' dajotegue di'me Hebrón da'me jetaque dojedapegue' joñe'me jaliaĝanec David. Chane'eja joñe'me male ya'uo joga'me 'naĝataĝac jo'ne yanema ga'me jiyaĝadipi, da'me dajoyeda'aguet joñe'me Jaliaĝanec Dios. Yem da'me dojo', qama'le jogaa'me najoĝola'te male 'yadelegue ñe'me David da'me lejaliaĝanec di'me Israel.

1 Samuel 16:13

Chane'eja Samuel yacona ga'me jiyac lepee jo'ne aceite lae't 'me yachitac, qama'le yecodelegue joñe'me David queda'me naqaeñe jaliaĝanec qomle; gaa'me laqaya' yataqachiñe yauatadelegue. Qama'le chiyaqa'ña jo'me nolo' da'me Dios lañoqotaĝanaĝac nach'e eta't ue'tajop ñe'me. Yem da'me dojo' ca'li, ñe'me Samuel 'viyelaĝague di'me Ramá.

2 Samuel 19:42

Chane'eja ena'uaque jogaa'me Judá laje' 'yategueta jogaa'me Israel laje': «Qa'a joñe'me jaliaĝanec mach'e yataqachiñe qadaqayeja. Qalaĝaja qaya'te yelo'teguet ta'le aualemataitac. ¿Qo'li aueñetapega qaneuanaĝaua ñe'me jaliaĝanec, uotaĝa 'uo ga'me qo'mi yanema?»

2 Samuel 19:11

Da'me dojo' 'laqata'j jogaa'me Israel laje' yovida'uo ga'me 'lachaqa' ñe'me jaliaĝanec David. Chane'eja yamaĝaguelo ga'me 'laqatac ñaa'me tamenaĝaiqui lo'ol jo'ne Sadoc nataq'aen Abiatar, jo'ne enaac: «Auojiyapegue'to jogaa'me 'yaĝaicachidi di'me Judá nataq'aen auenachi' da'me toqoch'e ja teguenaĝayaqa ta'le jayem 'yiyelaĝadeta ga'me yejaliaĝaiqui;

2 Samuel 5:17

Ca'li gaa'me filisteo laje' nomeda'a queda'me David qo'yalegue da'me jaliaĝanec di'me Israel, qama'le yapotena't gaa'me nalada't lo'ol qaedi quidiñgui ñe'me; qalaĝaja David ca'li nometelegue da'me dojo', qama'le yenoĝoneuo'o ga'me noic.

2 Samuel 2:11

Chane'eja David nach'edi di'me Judá da'me lejaliaĝanec jaa'me siete 'uoidi nataq'aen seis jaa'me auoĝoyaqa, di'me na'ña da'me lejaliaĝa nach'edi di'me Hebrón.

2 Samuel 2:7

Qalaĝaja nayi 'noota qom auacoñiyeguet da'me at'añaĝaqui, qa'a temaq'aen da'me yeleu di'me Saúl jo'ne mach'e adejaliaĝanequi, gaa'me c'oqo'tepi di'me Judá male jayem 'yadelegue qaedi jayem lejaliaĝane'j.»

2 Samuel 21:11

Ca'li qot'aqataĝanem ñe'me David da'me dojo' ya'uo jañe'me Rispá, jo'ne loua laqaya ca'li di'me Saúl,

2 Samuel 21:12

dajoyi qama'le yaconalo gaa'me p'inaqa jodia'me Saúl choqodi'me c'oĝot Jonatán, jo'ne ueda'a ca'li gaa'me 'lachaqa't di'me Jabés, mach'e 'naleua di'me Galaad. Gaa'me Galaad laje' yachiyoĝoteda'ña ga'me uapega ga'me jiyaĝadipi di'me Bet-sán, da'me decachiyalo gaa'me lapa'che jodia'me ca'li yecoñededajeguem jogaa'me filisteo laje', jo'me nolo' ca'li noma't di'me Saúl choqodi'me Jonatán jo'ne ua'a di'me Guilboa.