2 Samuel 11:1 - Toba del Oeste

¹ Ca'li yovita jo'me uo'e dalaĝaic, jo'ne ua'a nale gaa'me jaliaĝanaqa yeuo'tape jouaĝat da'me nalada't, ñe'me David yamaq ñe'me Joab choqogaa'me lejaliaĝanaqa gaa'me nalada't lo'ol, nataq'aen ena'uaque gaa'me nalada't lo'olpi jo'ne Israel laje', qama'le nomachichidiñe jogaa'me Amón laje' nataq'aen coleedejop di'me noic jo'ne Rabá qaedi quidiñgui. Qalaĝaja ñe'me David ue'tedi ca'li, ue'ta di'me Jerusalén.

La'aqtaqa Ñim Lo'onatac 'Enauacna 2013

¹ Qaq co'ollaq nvi' so nauoxo, maye huetoiguilo naxa da so nta'alpi huenoxonec da nalat, nache so David ỹamaq so Joab qataq so ltauapi nta'alpi, qataq so nalleppi Israel le'ecpi. Nache somayepi loxonec co'ollaxa so Amón le'ecpi, qataq coleesop so huaqta'a't nỹecpi ye Rabá. Qaq so David qalaq nache hueta'a co'ollaxa ye Jerusalén.

2 Samuel 11:1 Referans Kwoze

Zacarías 14:3

Qalaĝaja qom 'uo da'me dojo', joñe'me Jaliaĝanec male deloi'ye'to qomle naajo' noyaqa, ena'am ga'me nolo' jo'ne 'uo nale nalada't.

1 Samuel 18:30

Qama'le nach'e eta't nale dajoya't jogaa'me lajoĝola'te jogaa'me filisteopi, dajoya'agueta gaa'me Israel laje'pi, joñe'me David nach'e eta't yaguegue da'me lomataĝanaĝac, napacalo'te yemeda jogaa'me lajoĝola'te gaa'me coicopi jo'ne lalemaĝaje'te ñe'me Saúl, qama'le da'me niyamaĝadenataguec ñe'me David yataqachiñe nichiquetaye.

2 Samuel 10:14

Ca'li gaa'me Amón laje' yauanalo queda'me dajodegue gaa'me Siria laje', nach'e ena'ama dajode'guem ñe'me Abisai qama'le yapiyedoue di'me noic. Chane'eja Joab yaĝañi da'me deloi'ye'to jogaa'me Amón laje' qama'le 'viyelaĝague di'me Jerusalén.

Amós 1:14

Chane'eja jegouelo qomle gaa'me lequepaĝanaqa'te di'me noic jo'ne Rabá, nataq'aen jen yavi'j gaa'me lejaliaĝaiqui'. Yataqata 'uo qomle ga'me nalimaĝa, da'me 'uo ga'me nalada't, nataq'aen 'uo ga'me 'loĝoyaĝac, jojo' nolo' jo'ne 'uo da'me noqolanaĝa.