2 Samuel 1:2 - Toba del Oeste

² Qalaĝaja yenoĝodegue jaa'me tres noloqo'ote ca'li novi' ñe'me jiyaĝaua, chiyoĝogue ga'me lomachaqa' ñe'me Saúl, jo'ne yecolaĝata'aguelo gaa'me leuo lael nataq'aen ga'me laqaic najaĝaye ga'me aleua qa'a en yelo'teguet da'me 'uo da'me layaliaĝac. Ca'li yovita ñe'me David, naĝañi chayovida'a yeda'aguet jena'me aleua qa'a en yelo'teguet da'me 'uo da'me lauategaĝa.

La'aqtaqa Ñim Lo'onatac 'Enauacna 2013

² Qalaxaye so na'a'q tres, nache nvireua'a ye Siclag so 'oonolec ỹale maye chegaqa'a ye lanataqa' so Saúl, qaq somaye ỹataqta colaqta'ape soua alogo, qataq nlaqchigui na lqaic na 'alhua souaxat da nqui'ic. Qaq co'ollaq ivireua'a so David, nache ỹa'alyiñi naua l-llecte, iviraxata'aguet naqa'en na latap na 'alhua.

2 Samuel 1:2 Referans Kwoze

1 Samuel 4:12

Nach'ejo jo'me nolo', 'uo ñe'me jiyaĝaua jo'ne chiyoĝogueta gaa'me c'oqo'tepi di'me Benjamín, chiyaqaue ga'me nalada't, naqalegoqotac da'me yovita di'me Siló. Yecolaĝata'aguelo gaa'me leuo nataq'aen da'me yecodelegue ga'me aleua ga'me laqaic, qa'a en yelo'teguet da'me 'uo da'me lajouaĝac.

2 Samuel 4:10

queda'me 'uo ca'li ga'me etapega onaĝaic ga'me 'laqataĝanaĝac, jayem nec'ata qama'le jayem 'yaĝatem queda'me Saúl joote yeleu, qama'le jen lajo'vi da'me jalat joga'me jo'ne t'aqataĝatac, ua'a di'me Siclag.

1 Samuel 25:23

Qama'le jañe'me Abigail yela'aguet ñe'me David, nenochiñe da'me netalegue ga'me ajena qama'le naĝa'ñijop joñe'me chayovida'a yeda'aguet jena'me aleua qa'a 'uo da'me lauategaĝa.

Joel 2:13

Da'me ami, ¡a'niyelaqaiyot joñe'me Jaliaĝanec mach'e Anedios! ¡Ena'te da'me jetaque ch'e auecolaĝachiya'aguelo naa'me adeuo lael, dite da'me auadalaĝachi' naa'me adequidiaqachildi'! Qa'a joñe'me Jaliaĝanec yataqata onaĝaicaloec, nataq'aen choĝodenataĝanaĝaic, nataq'aen 'uo da'me loqopich'i jo'ne jalcote; ja qaleuaĝaic joñe'me, qama'le uotaĝa naqat jo' qomle joga'me te'me en lachoĝode'j joga'me jiyaĝadipi.

Oseas 6:2

Qom yenoĝodegue dos uotaĝa tres gaa'me noloqo'ote, qama'le yitaĝa qo'mi 'niyelaĝachidijeguem, ¡qa'a qo'mi nec'alaĝatedegue qomle, qaedi nach'e eta't da'me jonaqa'tajop joñe'me!

Ester 5:1

Male yenoĝodegue tres jaa'me noloqo'ote qama'le Ester yaediñe jogaa'me leuo da'me jaliaĝana, qama'le yec'ata joga'me najom ga'me nejaliaĝaiqui jo'ne dajoya'aguet jaga'me neje'onaĝaiqui joñe'me jaliaĝanec, qama'le ñe'me yataqata ñichiñe ca'li.

Ester 4:16

«Auemata'a't qomle yemeda gaa'me judiopi jo'ne neteda'ña na'me Susa, qama'le yataqata jayem auajelaĝañilegue; cha'li ena'te auequiye nataq'aen ena'te aniyomi, aueñi nalo'taguet tres gaa'me noloqo'ote. Nach'e ena'ama naa'me yamaĝajel, chayovida'a jayem, cha'li ja jeque'yaq. Qom yem da'me dojo', male jec'ata ñe'me jaliaĝanec, mate mane'e ja qoyajen. Qama'le qom jetaque jayem qoyalat, 'noota qom naq'aeta da'me jayem qo'yetec qomle.»

2 Samuel 15:32

Da'me yovidaje'ma joga'me yataqachiñe qayaje'mec ga'me qajoĝonaĝa, jo'ne uapega nale qoya'uo nemaĝac, ca'aguet ñe'me Husai, nach'eñe chiyoĝogueta gaa'me arquita laje', ga'me lapoto qa'a yecolaĝata'ague nataq'aen yecodelegue ga'me laqaic ga'me aleua.

2 Samuel 14:4

jañe'me yauo male ec ca'li, yec'ata ñe'me jaliaĝanec qaedi dajoya'aguet. Qama'le jañe'me naĝa'ñijop ca'li chayovida'a yeda'aguet jena'me aleua jaga'me nepe, qa'a yelo'teguet da'me 'uo da'me lauategaĝa, qama'le enaac: «¡Am yejaliaĝanec, 'noota qom jayem avichoĝoden!»

1 Samuel 20:41

Ca'li joote ec ñe'me nalemaĝajet, joñe'me David male nenoĝonegue, chiyaqa'ña ga'me ue'ta da'me nañoĝochiñe, qama'le tres 'viyelaĝalegue da'me naĝa'ñijop, chayovida'a yeda'aguet ga'me aleua jaga'me nepe. Yem qama'le nec'ouaĝa't nataq'aen da'me noye'n, qalaĝaja ñe'me David yaguegue da'me noenaĝac.

1 Samuel 4:16

Ñe'me jiyaĝaua eetac da'me t'aqataĝanem: «Yemta ñovi', jachiyaqaue ga'me nalada't.» Qama'le yenat ñe'me Elí: «Am yalecolec, ¿jach'e ga'me 'uo?»

2 Samuel 1:3

David yenat joñe'me: «¿Jach'e ga'me auachiyoĝogue?» Ñe'me jiyaĝaua 'yateguet ca'li: «Jachiyoĝogue ga'me lomachaqa't gaa'me Israel laje', jachiyaqa'ña da'me jajoye.»

2 Samuel 13:19

jañe'me yecodelegue ga'me laqaic ga'me jalo, yecolaĝata'ague jaga'me neuoĝoe jo'ne onaĝae, gaa'me loua' yachedalegue ga'me laqaic, qama'le noyenegue ca'li ec.

2 Samuel 24:20

Ñe'me Arauna yelo'taguet ca'li maliaĝa qaya'aguet, ca'li yauana ñe'me jaliaĝanec choqogaa'me lalemaĝaje'te queda'me yeloteda'a joñe'me. Qama'le Arauna 'uaeñe da'me ca'agueta, qama'le naĝa'ñijop ñe'me jaliaĝanec