1 Samuel 6:9 - Toba del Oeste

⁹ Qalaĝaja yataqata auec'achiñe da'me dojo': qom jaga'me yelo'tegue di'me Bet-semes, jo'ne mach'e 'naleua di'me Israel, male jayatenaq da'me nach'eñe joñe'me Nedios di'me Israel da'me ya'uo joga'me qo'mi 'yeteque jo'ne ja 'noota. Qalaĝaja qom ja yepaquichigui da'me dojo', male jayatenaq da'me ja naqaeñe ta'le qo'mi yaloĝonalo da'me lalemataic, dite da'me mach'e qadachoĝodec jo'ne ja jauanaĝaguet.»

La'aqtaqa Ñim Lo'onatac 'Enauacna 2013

⁹ Qalaxaye qauloita'ague qome aca'aca naigona mañaxasaco' qom taigue da pa'aỹa'ague ye Bet Semes, ye maiche lalamaxat lma', qache nacheñi Ñim Natamnaxala' ye Israel le'ecpi Ñim chegoqo'ot de'era qauem maye qomi' huetaleguete. Qaq da huo'otaq saishet da 'eetec de'era, nache saỹatenaq qome da saishet da nacheñi Ñimaye Ñim qomi' iuaxa'n, maye chochaq maiche qarque'emaxa damaye.

1 Samuel 6:9 Referans Kwoze

2 Samuel 1:6

Joñe'me jiyaĝaua 'yateguet: «Naloja'a da'me joue'ta ga'me qajoĝonaĝa di'me Guilboa, qama'le jauana ñe'me Saúl uajelta'añgui jaga'me nemiyoĝo, nataq'aen gaa'me laute'upi jo'ne netañguilo gaa'me cadeetal nataq'aen gaa'me netalo'te gaa'me pe'ga naditedapega joñe'me.

1 Samuel 6:3

Jogaa'me 'ya't: «Qom a'viyelaĝachi jaga'me lae't daa'me lamajoĝonaĝaco ñe'me Nedios di'me Israel, ja ch'e auamaqai, dite da'me nach'e ena'am auamaqai ga'me adajaqajequi, qaedi auejechiñe joga'me ja no'en a'vichiyec joñe'me Jaliaĝanec. Qom naq'aeta da'me auauoyi qomle, qama'le yitaĝa ademiyegue, nataq'aen auayachiñe da'me toqoch'e ñe'me Jaliaĝanec ja qo'mi 'te yaĝadiñe da'me qo'mi yachetalo'te da'me lalemataic.»

Amós 3:6

Nale qodomachiya jaga'me najeede qama'le joga'me jiyaĝadipi male jalilegue. Qom 'uo joga'me ja no'en jo'ne ualegue joga'me noic, qama'le yajouaĝat da'me nach'eñe ñe'me Jaliaĝanec ya'uo jena'me jenjo'.

1 Samuel 6:10

Jogaa'me jiyaĝa'u naq'aeta da'me yauote: yaconalo gaa'me dojole uaca jo'ne yemta uo'oe gaa'me c'oqo'te, qama'le yem da'me yapadena'ualo gaa'me c'oqo'te, yecoñidedeuo jaga'me cadeeta.

1 Samuel 6:12

Jogaa'me uaca male eque', yelotede'egue di'me Bet-semes, noyenelo nataq'aen da'me chimaqatedegue yelotede'egue ga'me naq'aic, ja ch'e ta'le colaĝadeta. Jogaa'me filisteopi lajoĝola'te quetedapegue' chayovida'a yauaqa'a di'me Bet-semes.