1 Samuel 5:8 - Toba del Oeste

⁸ Qama'le qoyiyaĝanalo jogaa'me lajoĝola'te jogaa'me filisteopi qama'le qoyenatouelo: «¿Jach'e jogamaĝa je'etaĝac jaga'me lae't daa'me lamajoĝonaĝaco ñe'me Nedios di'me Israel?» Qama'le 'ya't jogaa'me: «Auedoyigue di'me noic jo'ne Gat.» Chane'eja jogaa'me filisteopi yedota jodi'me.

La'aqtaqa Ñim Lo'onatac 'Enauacna 2013

⁸ Qaq ỹoqo'oye somayepi damaxasoxona 'enauac so nataxala'pi filisteopi da laỹona't, nache dataiguet somayepi, nache inato' somayepi, 'eeta': ¿Chaq shenaqtec añim laỹe' da naỹamaxataxac Ñim Natamnaxala' ye Israel le'ecpi? Nache somayepi 'enapeco': Qomye qanquigaxachiỹa ye huaqta'a't nỹecpi ye Gat. Nache so filisteopi ỹache asomaye, nache nquigaxata yemaye.

1 Samuel 5:8 Referans Kwoze

Zacarías 12:3

»Qom yovita ga'me nolo', qama'le di'me Jerusalén yataqata jen ena'am da'me qa' jo'ne yataqata dajali. Yema naa'me noyaqa laqaya', je'n yédidiñe gamachaqaega ga'me jo'ne jetaque 'nedijeguem, qama'le yemeda gaa'me noyaqa uaĝaya'ajalo jouaĝat di'me Jerusalén.

Amós 6:2

Auec'achiya nayi di'me noic jo'ne Calné, qama'le yataqata auec'achiñe; yem qama'le auec'achiya jodi'me Hamat jo'ne yataqata let'adaic; yem qama'le auec'achiya di'me Gat jo'ne filisteopi loĝot. ¿Qo'li aueñetapega anapaquiyalo'te naa'me naajo' noyaqa? Jena'me jenjo' a'naleuai, ¿qo'li aueñetapega yataqata p'ajaye?

1 Samuel 17:4

Gaa'me nalada't lo'olpi jo'ne filisteopi noqoiquichiñe, qama'le chiyaqauelo ñe'me nalada't lo'o lenaĝat Goliat jo'ne yataqachiñe loguedaic, nalo'taguet gaa'me tres metros, jo'ne 'lachaqa' di'me Gat.

1 Samuel 5:11

Qama'le qoyiyaĝanalo jogaa'me najoĝola'te qama'le qodojapegue'to: «Auachiyi jaga'me lae't daa'me namajoĝonaĝaco: a'viyelaĝachiyigue ga'me chiyaqa'ña, qaedi ja qo'mi 'te qonomachichidiñe.» Qa'a ena'uaque gaa'me Ecrón laje'pi jalcote da'me loqolanaqa't da'me leleuaqa't, jouaĝat joñe'me Dios da'me yachetalo'te da'me lalemataic.

1 Samuel 5:7

Ca'li yauata jogaa'me 'lachaqa't di'me Asdod da'me dojo' qama'le enapega't: «Jaga'me lae't daa'me lamajoĝonaĝaco ñe'me Nedios di'me Israel laje'pi, 'noota ta'le ja queta da'me qo'mi netauelo, qa'a joñe'me Dios yataqata qo'mi yachalo'te da'me lalemataic, choqoñe'me Dagón mach'e Qanedios.»

1 Samuel 29:6

Qama'le Aquís yiyaĝana ñe'me David: «Eja 'ñaĝatot ñe'me Jaliaĝanec queda'me yataqachiñe jateton da'me am yataqatelegue. Am 'noto'ue da'me anec'ata ga'me nomachaqa' nataq'aen da'me oca'e qaya'te am yequeuogaĝatac, nataq'aen qaya'te ta'le ja am 'te ja'amaqatenec, chiyoqo'teguet ca'li yemta jayem a'uonataĝaneuo'o. Qalaĝaja qaya'te 'lamaqatenataĝanaĝa'j jogaa'me najoĝola'te.

1 Samuel 6:2

Qama'le jogaa'me filisteopi yiyaĝanalo jogaa'me lo'ol gaa'me netamenaĝaiqui' choqogaa'me uanaĝanaĝayaqa, qama'le yena't: «¿Jach'e jogamaĝa je'etaĝac jaga'me lae't daa'me lamajoĝonaĝaco ñe'me Jaliaĝanec? ¿Jach'e jogamaĝa jenaqa'tec da'me qa'viyelaĝata joga'me chiyaqa'ña?»

1 Samuel 17:52

Qama'le jogaa'me Israel laje' choqogaa'me Judá laje' male 'nalaĝadijeguem da'me tade'ga ga'me c'ama'ague qa'a yecalo'te jogaa'me filisteo laje': da'me ja yaĝadiñe da'me yecana'ape chayovida'a ga'me najom di'me Ecrón. Chiyoĝochi'ña di'me noic Saaraim, yemeda gaa'me naq'aico jo'ne yelo'talo ga'me noic jo'ne Gat nataq'aen di'me Ecrón, jo'ne ueda'ña gaa'me joote qoyala't gaa'me coico laje' jo'ne filisteopi.