1 Samuel 5:10 - Toba del Oeste

¹⁰ Chane'eja jogaa'me filisteopi nechigaĝa't jaga'me lae't daa'me lamajoĝonaĝaco ñe'me Dios, yedota di'me Ecrón. Qalaĝaja mane'e da'me yovita di'me noic jaga'me lae't daa'me namajoĝonaĝaco, qama'le gaa'me 'lachaqa'tedi 'nalaĝadijeguem: «¡Qo'mi qoneda'alo jaga'me lae't daa'me lamajoĝonaĝaco ñe'me Nedios di'me Israel qaedi qo'mi nomachichidiñe!»

La'aqtaqa Ñim Lo'onatac 'Enauacna 2013

¹⁰ Nache som filisteopi qaltaq nquigaxata ye Ecrón aso laỹe' da naỹamaxataxac Ñim Lo'onatac 'Enauacna, qalaxaye co'ollaq ivita yemaye, nache so netaña ye Ecrón ỹa'alaqtagui, 'eeta': «¡Qomi' qanda'alo' ana laỹe' da naỹamaxataxac Ñim Natamnaxala' ye Israel le'ecpi da yaqto' qomi' nmatchiyiñi da qomi' ỹalaua't!»

1 Samuel 5:10 Referans Kwoze

Amós 1:8

Japalaĝat qomle ñe'me lejaliaĝanec di'me Asdod nataq'aen ñe'me nejaliaĝatelegue di'me Ascalón. Nataq'aen jedolegue da'me yañoqotaĝanaĝac di'me Ecrón, qama'le yema ga'me filisteopi pa'l qomle: ¡qaya'te ta'le qonec'alaĝatetaye!» Naq'aeta da'me 'laqatac ñe'me Jaliaĝanec.

1 Samuel 5:9

Qalaĝaja mane'e ca'li nechigaĝa't, ñe'me Jaliaĝanec en najaqachiguilo da'me loqolanaqa't jogaa'me 'lachaqa'tedi, qama'le uo'oe jogaa'me e'n nenoĝodijeguem jo'ne yédidiñe jogaa'me 'yaĝayaqa choqoga'me ñoqolqapi.

1 Samuel 5:11

Qama'le qoyiyaĝanalo jogaa'me najoĝola'te qama'le qodojapegue'to: «Auachiyi jaga'me lae't daa'me namajoĝonaĝaco: a'viyelaĝachiyigue ga'me chiyaqa'ña, qaedi ja qo'mi 'te qonomachichidiñe.» Qa'a ena'uaque gaa'me Ecrón laje'pi jalcote da'me loqolanaqa't da'me leleuaqa't, jouaĝat joñe'me Dios da'me yachetalo'te da'me lalemataic.

2 Samuel 7:9

Nach'e eta't da'me am ñaequetapegue' ga'me jo'ne jetaque auajoyi, qama'le jen nimichidiñe ena'uaque jogaa'me adaute'upi nale analatetapegue'to. Nataq'aen am janem da'me adi'yoĝodic, jo'ne ena'ama jogaa'me jiyaĝa'u jo'ne p'ajodaye jena'me aleua.

1 Samuel 6:1

Yenoĝodegue siete gaa'me auoĝoyaqa ca'li jaga'me lae't daa'me lamajoĝonaĝaco ñe'me Jaliaĝanec netauelo jogaa'me filisteopi.

1 Samuel 17:52

Qama'le jogaa'me Israel laje' choqogaa'me Judá laje' male 'nalaĝadijeguem da'me tade'ga ga'me c'ama'ague qa'a yecalo'te jogaa'me filisteo laje': da'me ja yaĝadiñe da'me yecana'ape chayovida'a ga'me najom di'me Ecrón. Chiyoĝochi'ña di'me noic Saaraim, yemeda gaa'me naq'aico jo'ne yelo'talo ga'me noic jo'ne Gat nataq'aen di'me Ecrón, jo'ne ueda'ña gaa'me joote qoyala't gaa'me coico laje' jo'ne filisteopi.

Amós 6:2

Auec'achiya nayi di'me noic jo'ne Calné, qama'le yataqata auec'achiñe; yem qama'le auec'achiya jodi'me Hamat jo'ne yataqata let'adaic; yem qama'le auec'achiya di'me Gat jo'ne filisteopi loĝot. ¿Qo'li aueñetapega anapaquiyalo'te naa'me naajo' noyaqa? Jena'me jenjo' a'naleuai, ¿qo'li aueñetapega yataqata p'ajaye?