1 Samuel 3:10 - Toba del Oeste

¹⁰ Qama'le male yovita joñe'me Jaliaĝanec, nelochi'ña ñe'me, qama'le yitaĝa yiyaĝatapega, ena'am joga'me 'uaechiñe: «¡Samuel! ¡Samuel!» Samuel 'yateguet, enaac: «Auoje, jayem mach'e anejoĝonec, am ñaquiaĝana.»

La'aqtaqa Ñim Lo'onatac 'Enauacna 2013

¹⁰ Huaña nache Ñim Nataxala' qaltaq nvita somaye, nache qaltaq iỹaxana, 'eeta': ¡Samuel! ¡Samuel! Nache so Samuel 'enapeco': Ña 'autaqa, cha'aye na 'aramaxashec 'am hua'aqtega.

1 Samuel 3:10 Referans Kwoze

1 Samuel 3:8

Qama'le ñe'me Jaliaĝanec yitaĝa da'me 'viyelaĝalegue da'me yiyaĝana, qama'le Samuel yitaĝa ñejeguem, yec'ata joñe'me Elí qama'le yitaĝa enaac: «¿Toqoch'e jayem aviyaĝataque?» Elí male yetaden queda'me naqaeñe joñe'me Dios jo'ne yiyaĝatapega joñe'me nejoqolec,

1 Samuel 3:9

qama'le yitaĝa dojapegue', enaac: «Jamo, yitaĝa oviiñe. Qom yitaĝa am yiyaĝatapega joñe'me Jaliaĝanec, qama'le a'uateguet: “Auoje, jayem mach'e anejoĝonec, am ñaquiaĝana”.» Qama'le ñe'me Samuel yitaĝa 'viyelaĝa joga'me mach'e uetapegoue qama'le viiñe.

1 Samuel 3:11

Joñe'me Jaliaĝanec male 'uo joga'me 'yaĝatem: «Di'me Israel, 'uo jo' qomle joga'me ja'uo, qama'le jogaa'me jo'ne domachita da'me dojo', chayovida'a yema yec'o'n jogaa'me lequetela laco.

1 Samuel 3:15

Qama'le yem da'me dojo', Samuel male viiñe chayovida'aguet nete'. Qama'le neloye, ñejeguem, 'youatedegue jogaa'me jo'mi joga'me tamenaĝaiqui jo'ne 'lachaqa' ñe'me Jaliaĝanec. Qama'le ñe'me Samuel t'oiyapega ta'le 'yaĝatem ñe'me Elí da'me dojo' jo'ne qoyaloĝona nataq'aen domachiya.

1 Samuel 3:21

Qama'le joñe'me Jaliaĝanec yitaĝa naloĝoneguet ca'li ua'a di'me Siló, ca'li da'me daja' jo'ne yaloĝona nale ñe'me Samuel joga'me 'laqataĝanaĝac.

1 Samuel 12:2

Chane'eja, nach'ena jena'me jenjo' adejaliaĝanequi jo'ne adajoĝola' nayi. Da'me jayem, joote nayi jayem 'yaĝaicachigui nataq'aen male yapagaq jena'me yayoĝot, nataq'aen jogaa'me yalaqa joote ami uetauelo. Chiyoqo'teguet da'me jayem nejoqolec chayovida'a nayi, nach'e jayem jo'ne auajoyita'ye.