1 Samuel 27:8 - Toba del Oeste

⁸ David choqogaa'me jiyaĝa'u jo'ne lauegaqataqa nach'e eta't da'me quetapiñguilo jogaa'me 'lachaqa't di'me Guesur, di'me Guézer nataq'aen gaa'me Amalec laje' jo'ne jalchi'ena neta'ñalo naa'me naajo' ale'u. Naa'me naajo' ale'u nichiquetedaye tateda'a di'me aleua jo'ne Sur chayovida'a di'me Egipto.

La'aqtaqa Ñim Lo'onatac 'Enauacna 2013

⁸ Nache somaye lỹatac naxa so nalleppi da taỹa da iloquiaxan so Gesur le'ecpi, gezriitapi qataq so amaleciitapi, maye salcoshe'ego' da netalec se'eso 'alhua, maye chegoqchiguiña yem pa'aỹa'ague da la'añaxa nache ivitta'a ye Egipto.

1 Samuel 27:8 Referans Kwoze

2 Samuel 15:8

Ca'li joue'tague di'me Guesur, mach'e 'naleua di'me Siria, qama'le 'ñaĝatot ñe'me Jaliaĝanec queda'me qom jayem 'niyelaĝata jena'me Jerusalén, qama'le 'ñonaĝachigui.»

2 Samuel 14:32

Qama'le ñe'me Absalón 'yateguet joñe'me: «Am jamajoĝona qaedi anec'atequena qa'a jetaque am jamaĝa ñe'me jaliaĝanec qaedi auojapegue' da'me ¿toqoch'e da'me en jeca'ae di'me Guesur, queda'me ja jayem 'te yaje'tem qaedi jejapichiya? Yataqata p'ajaye 'noota ta'le nach'e joue'tague jodi'me. Jetaque jauana ñe'me jaliaĝanec, qalaĝaja qom 'uo ga'me yaviyaĝajet, 'noota qom jayem yalat.»

2 Samuel 14:23

Ñe'me Joab ja nayaloĝoden paja'a dajoyi di'me Guesur qaedi male 'yiyelaĝategue di'me Jerusalén ñe'me Absalón.

1 Samuel 30:1

Jaa'me tres noloqo'ote da'me leuoĝo'j, David choqogaa'me nejoĝonaqa yovideta di'me Siclag, qama'le yauanalo jogaa'me Amalec laje' da'me quetedapiñgui di'me Négueb, nataq'aen da'me nolaĝachidiñe di'me Siclag nataq'aen yeguedoue.

1 Samuel 29:6

Qama'le Aquís yiyaĝana ñe'me David: «Eja 'ñaĝatot ñe'me Jaliaĝanec queda'me yataqachiñe jateton da'me am yataqatelegue. Am 'noto'ue da'me anec'ata ga'me nomachaqa' nataq'aen da'me oca'e qaya'te am yequeuogaĝatac, nataq'aen qaya'te ta'le ja am 'te ja'amaqatenec, chiyoqo'teguet ca'li yemta jayem a'uonataĝaneuo'o. Qalaĝaja qaya'te 'lamaqatenataĝanaĝa'j jogaa'me najoĝola'te.

2 Samuel 3:3

ñe'me Quilab, lep'ayaĝaua joñe'me, mach'e c'oĝot jañe'me Abigail, nach'añe loua ca'li di'me Nabal, jo'ne Carmel le'ec; ñe'me Absalón, mach'e c'oĝot jañe'me Maacá, nach'añe c'oqote ñe'me Talmai, lejaliaĝanec di'me Guesur;

2 Samuel 3:22

Ñe'me Abner da'me yem da'me dejapichiya ñe'me David machiñe q'aen, da'me ca'e di'me Hebrón. Qanach'e Joab choqogaa'me nejoĝonaqa ñe'me David male yovi't, chiyoĝotegue ga'me nalada't, jalcote ga'me li'ya'j jo'ne leuodaĝanaĝa't chiyaqauelo gaa'me laute'upi.

2 Samuel 8:12

gaa'me yachiyoĝoteda'ña di'me Edom, di'me Moab, di'me Amón nataq'aen ga'me yachiyoĝotauelo gaa'me filisteo laje' nataq'aen gaa'me Amalec laje', nataq'aen ga'me jo'ne leuodaĝanaĝat ca'li nala'te' di'me Hadad-ézer, jo'ne c'oĝot di'me Rehob, lejaliaĝanec di'me Sobá.