1 Samuel 27:1 - Toba del Oeste

¹ Qalaĝaja David 'uo ga'me lelnataĝac. Qama'le uenate'ta: «'Uo ga'me nolo' qomle, Saúl jayem yalat. Ga'me yataqachiñe 'noota ta'le ja'uo dojo' japiyenegue ga'me 'naleua' gaa'me filisteo laje', qaedi Saúl jayem yapalaĝate'ta, qama'le yaĝañi da'me quetaye ena'uac ga'me 'naleua di'me Israel da'me jayem yecaatac, nataq'aen qaedi jec'alegue.»

La'aqtaqa Ñim Lo'onatac 'Enauacna 2013

¹ Qaq so David deuennataxaataco', nache, 'eeta': «Yo'oqta da huo'o ca huaña ne'enaua na'axa'te, da so Saúl aỹem ỹalauat. Qaq ỹoqo'oye nagui no'on da ñeqo'ona da sonaña ye lma' ye filisteopi, yaqto' so Saúl aỹem ỹaxaañi qome da aỹem nmittaique ne'ena na'alhua na Israel le'ecpi, nache aỹem she'emaqtac qome.»

1 Samuel 27:1 Referans Kwoze

1 Samuel 23:17

Qama'le enaac: «Ena'te ado'e, David, qa'a ñe'me taĝadena' ja yovita qomle da'me 'uo ga'me am 'yetec. Da'me jayem qa'a yataqachiñe jayaten queda'me am qomle da'me am lejaliaĝanec jena'me Israel, qama'le da'me jayem ja jayem 'te p'ajaye jo'ne ja am 'te jena'am. Da'me dojo', chayovida'a ñe'me taĝadena' yataqachiñe yayaten.»

1 Samuel 29:2

Gaa'me lajoĝola'te gaa'me filisteo laje' da'me yec'ate'n gaa'me mach'e yelolo'te jo'ne cien, uo'oe gaa'me yelolo'te ga'me mil jo'ne nalada't lo'olpi, qama'le yauata ñe'me David choqogaa'me mach'e nejoĝonaqa dajoteda'ye ñe'me Aquís.

1 Samuel 25:30

Am, jo'ne yejaliaĝanec, am lajoĝola' qomle gaa'me Israel laje', qa'a joñe'me Jaliaĝanec mach'e Qanedios en yepaquichigui ena'uaque gaa'me joote am 'yaĝatema.

1 Samuel 22:5

Qalaĝaja ñe'me Dios 'laqatanaĝanaĝanec Gad dojapegue' ca'li ñe'me David, enaac: «Joote laloqo' da'me oca'e na'me anañoĝotaqa' qama'le auec'ata di'me 'naleua di'me Judá.» Chane'eja David ec, qama'le yovita ga'me viaq di'me Héret.

1 Samuel 16:13

Chane'eja Samuel yacona ga'me jiyac lepee jo'ne aceite lae't 'me yachitac, qama'le yecodelegue joñe'me David queda'me naqaeñe jaliaĝanec qomle; gaa'me laqaya' yataqachiñe yauatadelegue. Qama'le chiyaqa'ña jo'me nolo' da'me Dios lañoqotaĝanaĝac nach'e eta't ue'tajop ñe'me. Yem da'me dojo' ca'li, ñe'me Samuel 'viyelaĝague di'me Ramá.

1 Samuel 16:1

'Uo jo'me nolo', ñe'me Jaliaĝanec dojapegue' ñe'me Samuel, eetac: «¿Jach'e ga'me ua'a da'me yem da'me am totelegue, jouaĝat ñe'me Saúl? Anetouetac queda'me joote ñaqat da'me lejaliaĝanec gaa'me Israel laje'. Chane'eja oc nayi, auen najaĝaye jaga'me jiyac lepee jo'ne aceite lae't, qama'le auajoyi di'me Belén. Nach'e ena'am auec'ata ñe'me Jesé, qa'a 'uo ga'me c'oĝot jo'ne naqaeñe qauaye jaliaĝanec qomle.»

1 Samuel 26:19

Am ñachoĝodenot, am yejaliaĝanec, qaedi jayem anaquiaĝana: qom naqaeñe ñe'me Jaliaĝanec en jayem anautena, uotaĝa ñe'me yaconeguet ga'me yajaqajec. Qalaĝaja qom ch'e uo'oe gaa'me jiyaĝa'u yauote jena'me jenjo', 'noota qom ñe'me Jaliaĝanec mach'eñe yachalo'te da'me lalemataic jogaa'me. Qa'a jayem yamaĝadegue e'n jeca'e jena'me jenjo' aleua jo'ne qo'mi yanema ñe'me Jaliaĝanec, nataq'aen jetaque e'n 'ñonaĝachiguilo jogaa'me qop'iyapegalo laqaya'.

1 Samuel 29:3

Qama'le jogaa'me lajoĝola'te gaa'me filisteo laje' enapega't: «Naa'me naajo' hebreo laje', ¿jach'e ga'me yauote da'me uetede'ena?» Ñe'me Aquís 'yategueta: «Dojo' naqaeda da'me David, mach'e lalemaĝajet ca'li ñe'me Saúl. Yataqachiñe qaya'te lajamataĝac da'me jayem t'onataĝaneuo'o, chiyoqo'teguet ca'li yemta nataq'aen yemeda naa'me naajo' noloqo'ote: ja jauana ta'le ja 'noota ga'me jec'atenec.»

1 Samuel 20:3

Qalaĝaja David ja yaĝañi da'me yitaĝa enaac: «Ñe'me adet'a qa'a yataqachiñe yayaten queda'me nach'e eta't 'uo da'me adiyamaĝadenataĝanaĝac joda'me jayem. Chane'eja uenata queda'me ja 'noota ta'le am totelegue da'me ta'le auayaten joga'me jetaque ya'uo. Qalaĝaja, 'ñaĝatot ñe'me Jaliaĝanec Dios, nach'e ena'am da'me am, queda'me jayem ue'tajop da'me yamta'le jeleu.»