1 Samuel 26:10 - Toba del Oeste

¹⁰ Nach'e ena'am enaac: «Eja da'me 'ñaĝatot ñe'me Jaliaĝanec queda'me, qom ñe'me ja yalat, uotaĝa jona'li yovita ga'me laloqo' da'me yeleu, uotaĝa ja yeleu qom 'uo ga'me nalada't,

La'aqtaqa Ñim Lo'onatac 'Enauacna 2013

¹⁰ Qataq 'enapeco': Cha'aye ỹoqta 'eesa da Ñim Nataxala' nca'altauec, qaq nacheñi qome ñi ique'emaqchet yemaye, qom ivita ca laloqo', huo'otaq qom huaigui ca loquiaxac nache ileu.

1 Samuel 26:10 Referans Kwoze

1 Samuel 31:6

Qama'le naq'aeta jo'me nolo' ca'li yele'u ñe'me Saúl choqogaa'me c'oqo'te, choqoga'me necochoqo't nataq'aen ena'uaque jogaa'me coicopi.

1 Samuel 25:38

Yenoĝodegue jaa'me diez noloqo'ote, ñe'me Jaliaĝanec yitaĝa ya'uo ga'me lapite'nayaĝac, qama'le Nabal yeleu.

1 Samuel 25:26

Am yejaliaĝanec, eja 'ñaĝatot ñe'me Jaliaĝanec Dios, nach'e ena'am da'me am 'ñaĝatot, queda'me jen eja joñe'me Jaliaĝanec queda'me ja lelnataĝac ta'le auelagaĝat jaga'me netauo', nataq'aen queda'me ja aua'uo 'te adovi'. 'Noota qom ena'uaque gaa'me adaute'upi, nach'e ena'am ñe'me Nabal, qoyanema qomle da'me ne'uaĝanague'j.

1 Samuel 24:15

Joñe'me Jaliaĝanec nach'eñe jo'ne qo'mi naloqote'n da'me qo'mi dos. ¡'Noota qom mach'eñe joñe'me yec'aten ga'me mach'e 'yonatac, qama'le am dajoya'aguet jouaĝat jayem.»

1 Samuel 24:12

Joñe'me Jaliaĝanec nach'eñe qo'mi naloqote'n da'me qo'mi dos, nataq'aen da'me mach'eñe joñe'me 'uo joga'me am 'yetec, jouaĝat da'me ja no'en jo'ne jayem a'uetec. Qalaĝaja jayem ja ch'e ta'le ñodegue jena'me youaq qaedi 'uo ga'me am je'etec.

1 Samuel 25:39

Da'me noma'a ñe'me David queda'me Nabal joote yeleu, 'nonaĝachigui ñe'me Jaliaĝanec qama'le enaac: «'Ñonaĝachigui ñe'me Dios, queda'me 'yiyelaĝateguet ga'me ja no'en jo'ne jayem 'yetec di'me Nabal, qama'le jayem yachiyoĝotaue ga'me ja 'noota jo'ne loec qama'le mach'e 'yiyelaĝatec jodi'me.» Da'me yem, yamaĝategue gaa'me lamaĝa's qaedi t'aqataĝatem jañe'me Abigail queda'me jetaque en loua.

1 Samuel 31:4

qama'le dojapegue' ñe'me necochoqo't, enaac: «Anaqat na'me adedaĝanaĝat qama'le jayem aualat, qaedi ja jayem 'te yala't jonaa'me naajo' laute'u joñe'me Jaliaĝanec, qa'a natequena qaedi jayem ye'ue'n.» Qalaĝaja joga'me necochoqo't ja ya'uo da'me dojo', jouaĝat da'me yataqachiñe jaqachigui da'me loqolanaĝa. Qama'le ñe'me Saúl mach'e naqat ga'me ledaĝanaĝat, qama'le naqapaĝa'añiguet.