1 Samuel 21:7 - Toba del Oeste

⁷ Jo'me jojo' nolo' nach'e ena'am 'uo ñe'me Doeg jo'ne Edom le'ec, ue'ta ga'me qoyec'ata nale yema'a't. Nach'eñe jo'ne lajoĝola't jogaa'me 'nanaĝate nouatoqo't jo'ne lalemaĝaje'te ñe'me Saúl.

La'aqtaqa Ñim Lo'onatac 'Enauacna 2013

⁷ Qaq se'eso na'a'q hueta'a se'eso atamnaqa' maye lalamaxat Ñim Nataxala' som edomiita le'enaxat Doeg, qaq somaye nacheso so lataxala' som qagueta lo'opi maye lamaxashecpi so Saúl.

1 Samuel 21:7 Referans Kwoze

1 Samuel 22:9

Qama'le Doeg jo'ne Edom le'ec, nach'eñe jo'ne lajoĝola't gaa'me lalemaĝaje'te ñe'me Saúl, eetac: «Jayem qa'a joue'ta di'me Nob, qama'le jauana ñe'me c'oĝot ñe'me Jesé da'me dejapichiya ñe'me Ahimélec jo'ne c'oĝot ñe'me Ahitub.

Amós 8:5

ami jo'ne anenaĝachetayi jenjo': «¿Jach'e eeta qom yem joga'me neualayaĝac jo'ne taue jenjo' auoĝoic dalaĝaic, qaedi jemenaq jenjo' jo'ne trigo? ¿Jach'e eeta qom yem ga'me nolo' jo'ne omataĝaiqui, qaedi jemenaq jenjo' nana jala jo'ne onaĝaic, da'me ja yepaquichigui nale joga'me jenaq lajo'vi?

1 Samuel 14:47

Yem da'me yiyamaĝañi da'me lejaliaĝa di'me Israel, Saúl dajoya'agueta ena'uaque gaa'me laute'u jo'ne leje'gue, jo'ne Moab laje', gaa'me Amón laje', gaa'me Edom laje', ga'me lejaliaĝanec di'me Sobá choqoga'me filisteopi. Gamachaqaega ga'me ta'ya, nach'e eta't da'me domataĝan.

1 Samuel 11:5

Qanach'e jo', joote yovidauo ñe'me Saúl, chiyoĝogue ga'me 'nonaĝa nataq'aen jogaa'me yejidi jo'ne uaca, qama'le denataĝan: «¿Jach'e ga'me lajouaĝa'j gaa'me jiyaĝadipi? ¿Toqoch'e da'me noyena'at?» Gaa'me jiyaĝadipi 'yaĝadetem ga'me 'laqataĝanaĝa'j gaa'me jiyaĝa'u jo'ne chiyoĝotegue di'me Jabés.

1 Samuel 21:8

David yenat ñe'me Ahimélec: «¿Qo'li auana jaga'me miyoĝo uotaĝa daĝanaĝat? Ja ñanache ga'me yedaĝanaĝat nataq'aen 'yeuoĝonaqa'te laqaya' qa'a yataqachiñe jiyalo'ot ga'me lamajoĝonaĝac ñe'me jaliaĝanec Saúl.»

1 Samuel 22:22

Qama'le David enaac: «Joote jayaten da'me dojo', queda'me Doeg jo'ne Edom le'ec 'yaĝatem ñe'me Saúl ga'me yauana jo'me nolo', queda'me joue'ta ga'me tamenaĝaiqui. Jayem da'me jajouaĝat da'me qoyala't ga'me adet'a choqogaa'me at'achaqadiaĝa'u.

1 Samuel 22:10

Joñe'me tamenaĝaiqui lo'o Ahimélec yenat joñe'me Jaliaĝanec jouaĝat ñe'me David; ja nach'eda da'me dojo', nach'e ena'am yanema gaa'me paan nataq'aen ga'me ledaĝanaĝat di'me filisteo le'ec Goliat.»