1 Samuel 20:5 - Toba del Oeste

⁵ Qama'le David enaac: «Qom 'yoĝoñi qonetonec ga'me auoĝoic dalaĝaic, da'me jalchi'ena qoya'uo nale ga'me neualayaĝac, qama'le qoyouetaque ta'le jayem ñeuanaĝaua da'me deque'e ñe'me adet'a jo'ne jaliaĝanec. Qalaĝaja, jayem auaje'tem da'me ñañoĝochiñe, joue'ta ga'me 'nonaĝa, chayovida'a ga'me javit qom 'yoĝoñi laqaya.

La'aqtaqa Ñim Lo'onatac 'Enauacna 2013

⁵ Nache so David 'enapeco': Qonte' qaltaq qaỹo'ot ca nquia'axac da qaique'elec ñi dalaxaic ca'agoxoic, qaq aỹem saqỹet naxa da iquia'axaua ñi nta'a. Qalaxaye 'am ñachoxonnot da aỹem 'auasheetem qome da ñeqañoxooñi, sauga na no'onaxa, nache ivitta'a ca avit ca lỹa na'a'q da sootauga.

1 Samuel 20:5 Referans Kwoze

1 Samuel 19:2

yamaĝa ga'me 'laqatac, t'aqataĝanem joñe'me David: «Ñe'me taĝadena' jetaque am yalat. 'Noota qom anetelela't: qom 'yoĝoñi qama'le anañoĝochiñe, oue'ta ga'me 'nonaĝa jo'ne ja di'yaqa'a ta'le oue'ta.

1 Samuel 20:19

Chane'eja a'viyelaĝa ga'me oue'ta ca'li yemta da'me anañoĝochiñe, jo'me nolo' ca'li male am yejauaĝat ñe'me yet'a. Qama'le yitaĝa anañoĝochiñe, oue'ta ga'me qa' jo'ne ua'a di'me Ézel. Qama'le qom 'yoĝoñi laqaya, auatetaque ga'me 'yaqataĝanaĝac.

1 Samuel 20:6

Qom ñe'me adet'a jayem nataĝanaque, qama'le a'uaĝatem queda'me am jojapegue' qaedi jayem auajeta da'me jajoyi di'me Belén, jo'ne mach'e 'yachaqa', qa'a gaa'me 'yachaqadiaĝa'u yauote ga'me lajaqaje'j jo'ne jalchi'ena yauote nale.

1 Samuel 20:4

Qama'le Jonatán 'yateguet joñe'me: «Jayem a'uaĝatem jach'e ga'me jetaque am je'etem, qama'le ja'uo.»

1 Samuel 20:18

Qama'le yitaĝa enaac: «Qom 'yoĝoñi qa'a niqui'yaĝac da'me qonetonec ga'me auoĝoic dalaĝaic, qama'le qom qoyauana da'me qaya'te na'ña joga'me onapi'ña, qama'le am qoyaqataq.

1 Samuel 20:24

Qama'le David yec'ate'ga ga'me 'nonaĝa da'me nañoĝochiñe. Da'me yovita ga'me niqui'yaĝac jo'ne qonetonec ga'me auoĝoic dalaĝaic, ñe'me jaliaĝanec Saúl ñiiñe, dajoyalegue ga'me niqui'yaĝala' da'me deque'e.

1 Samuel 20:27

Nete' laqaya ca'li, nach'ega jo'ne neualayaĝac jo'ne qonetonec ga'me auoĝoic dalaĝaic, ga'me napi'ña ñe'me David queta da'me qaya'te na'ña. Qama'le ñe'me Saúl male yenat ñe'me Jonatán: «¿Toqoch'e jo'me c'oĝot ñe'me Jesé ja novita ga'me qadiqui'yaĝac jaa'me dos noloqo'ote?»

Amós 8:5

ami jo'ne anenaĝachetayi jenjo': «¿Jach'e eeta qom yem joga'me neualayaĝac jo'ne taue jenjo' auoĝoic dalaĝaic, qaedi jemenaq jenjo' jo'ne trigo? ¿Jach'e eeta qom yem ga'me nolo' jo'ne omataĝaiqui, qaedi jemenaq jenjo' nana jala jo'ne onaĝaic, da'me ja yepaquichigui nale joga'me jenaq lajo'vi?