1 Samuel 2:10 - Toba del Oeste

¹⁰ Ñe'me Jaliaĝanec yolaĝachiguilo jogaa'me laute'upi: chiyoĝogue di'me piyem joda'me ne'uaĝa'ñalo jogaa'me. Ñe'me Jaliaĝanec naloqoten yema joga'me aleua laje'pi; yanem da'me lañoqotaĝanaĝac joga'me jaliaĝanec jo'ne mach'e liquiyac nataq'aen en nichiquetaye da'me lañoqotaĝanaĝac.»

La'aqtaqa Ñim Lo'onatac 'Enauacna 2013

¹⁰ Ñim Nataxala' ilaxachigui qome na mpa'aguenaxauapi, nache chegoqo'ot naqa'en na piguem na nqashelgaxa da talec naqa'en namayepi. Ñim Nataxala' nmit qome 'enauac nam huetalec ana 'alhua, qataq ỹanem da la'añaxac ca nta'a maye lca'aguishec, qataq nquictasheguem naqa'en da la'añaxac.»

1 Samuel 2:10 Referans Kwoze

1 Samuel 7:10

mane'e ca'li ñe'me Samuel yauotaque ga'me lajaqajec, gaa'me filisteopi yec'adeta qaedi yepelaĝa't da'me quiiñguilo. Qama'le ñe'me Jaliaĝanec degueja da'me ne'uaĝa'ñalo jogaa'me, qama'le en najaqachiguilo da'me loqolanaqa't. Chane'eja ca'li jogaa'me Israel laje'pi male noma't jogaa'me.

2 Samuel 22:14

»Qampaja'a da'me daja' piyem, qodomachiya ga'me yemetapiye lajamaĝa, ena'am ga'me 'loĝoyaĝac: nach'eda lajamaĝa ñe'me Jaliaĝanec jo'ne Yataqata P'ajaye.

2 Samuel 7:13

Nach'ega qomle 'noĝojeguem ga'me mach'e 'yemec, qama'le jachimaĝachiñi da'me lejaliaĝa qaedi ja yitaĝa 'uo ga'me loiquiaqa'.

2 Samuel 7:8

Chane'eja nach'e ena'am a'uaĝatem ñe'me yalemaĝajet David queda'me jayem jo'ne Jaliaĝanec jo'ne ñapacalegue ena'uac, jenaac: “Da'me jayem am jachiyoĝota'ña ga'me auaqapiijat, ca'li jen oca'ae gaa'me 'nanaĝatel jo'ne adetelalo, qaedi naqa'am jo'ne am lajoĝola't jogaa'me mach'e yalaqapi jo'ne Israel laje'pi.

1 Samuel 16:1

'Uo jo'me nolo', ñe'me Jaliaĝanec dojapegue' ñe'me Samuel, eetac: «¿Jach'e ga'me ua'a da'me yem da'me am totelegue, jouaĝat ñe'me Saúl? Anetouetac queda'me joote ñaqat da'me lejaliaĝanec gaa'me Israel laje'. Chane'eja oc nayi, auen najaĝaye jaga'me jiyac lepee jo'ne aceite lae't, qama'le auajoyi di'me Belén. Nach'e ena'am auec'ata ñe'me Jesé, qa'a 'uo ga'me c'oĝot jo'ne naqaeñe qauaye jaliaĝanec qomle.»

1 Samuel 15:28

Chane'eja Samuel eetac ga'me 'laqatac yanem ñe'me Saúl: «Naq'aeta qomle da'me dojo', ñe'me Jaliaĝanec yecolaĝat nayi da'me am lejaliaĝane'j gaa'me Israel laje'. Male doĝotaĝanec qaedi yanem joga'me jo'ne p'ajaye, ja am 'te ena'am.

1 Samuel 12:18

Qampaja'a Samuel yiyaĝanot ñe'me Jaliaĝanec, qama'le joñe'me paja'a da'me en ne'uanaĝañe ga'me qajoĝonaĝa nataq'aen ga'me uotep, qama'le gaa'me jiyaĝadipi yataqachiñe jalcote da'me loqolanaqa', t'oita ñe'me Dios choqoñe'me Samuel.

1 Samuel 12:13

Chane'eja da'me dojo' jiyaĝaua mach'e adejaliaĝanequi jo'ne adiquiyaqui, qa'a ñe'me Jaliaĝanec Dios joote ami yanema ga'me adejaliaĝanequi jo'ne aviyaĝañitaque.

1 Samuel 12:3

Naqayem male joueta'ñena nayi: ¿qo'li jecachiya ca'li joga'me uaca uotaĝa ajena jo'ne mach'e aloyi? Uotaĝa ¿qo'li 'uo joga'me ja jodinac, uotaĝa je'etec ga'me ja no'en, uotaĝa ja'uo lajo'vi ca'li qaedi jotauan joga'me? Qom naq'aeta, qama'le 'noota ta'le jayem a'uaĝachiyem nayi, nataq'aen auechoĝochiyem joñe'me Jaliaĝanec Dios choqoñe'me adejaliaĝanequi jo'ne mach'e liquiyac joñe'me, qama'le jayem jejeten nayi yema joga'me ñep'iayaĝac.»

1 Samuel 12:17

Qa'a nayi queda'me yovita da'me laloqo' da'me naqataĝanaĝac male qonapoc ga'me trigo, qama'le ja uotep. ¿Qo'li ja naq'aeta? Qalaĝaja cha'li ñachoĝodenot ñe'me Jaliaĝanec qaedi namaĝaquena da'me ne'uanaĝañe ga'me qajoĝonaĝa choqoga'me uotep. Chane'eja male auayachiñe queda'me ja no'en ga'me ami yec'ateneque ñe'me Jaliaĝanec, ca'li aviyaĝañiyaque ga'me adejaliaĝanequi.»