1 Samuel 18:3 - Toba del Oeste

³ Qama'le ñe'me Jonatán choqoñe'me David male yauote ga'me 'naĝataĝa'j da'me yataqachiñe jaigaĝa'u, qa'a joñe'me Jonatán yataqachiñe noqopita joñe'me, ena'am da'me mach'e noqopitela't.

La'aqtaqa Ñim Lo'onatac 'Enauacna 2013

³ Qaq huaña nache so Jonatán naỹamaxate' so David, da nache 'eetai' da auochaxau', cha'aye da lauoche somaye 'eeta'am da maiche nachaalataxac.

1 Samuel 18:3 Referans Kwoze

1 Samuel 20:42

Qama'le Jonatán eetac da'me dojapegue' ñe'me David: «Jamo, oc. Ena'te 'uo ga'me anedaqataque. Anetouetac queda'me qauajoya'aguet ñe'me Jaliaĝanec Dios da'me qa'naĝatot da'me yataqachiñe qo'mi jaigaĝa'u. Joñe'me Jaliaĝanec nach'eñe yayaten joga'me jauoqotaque, nach'e ena'ama jogaa'me mach'e qadolelaĝayaqa.» Yem qama'le David ñejeguem da'me chiyaqaue ga'me aleua qama'le ec. Joñe'me Jonatán 'viyelaĝague di'me noic.

2 Samuel 21:7

Ñe'me David yichoĝoden ca'li ñe'me Mefi-bóset, jo'ne c'oĝot di'me Jonatán nataq'aen mach'e laual di'me Saúl, jouaĝat ga'me 'naĝataĝa'j ca'li yauote joñe'me David choqoñe'me Jonatán.

1 Samuel 23:18

Chane'eja joñaa'me dos da'me yem da'me 'naĝadetot joñe'me Jaliaĝanec Dios, ñe'me David nach'e ue'ta di'me Hores qama'le ñe'me Jonatán 'viyelaĝague di'me 'lachaqa'.

1 Samuel 20:41

Ca'li joote ec ñe'me nalemaĝajet, joñe'me David male nenoĝonegue, chiyaqa'ña ga'me ue'ta da'me nañoĝochiñe, qama'le tres 'viyelaĝalegue da'me naĝa'ñijop, chayovida'a yeda'aguet ga'me aleua jaga'me nepe. Yem qama'le nec'ouaĝa't nataq'aen da'me noye'n, qalaĝaja ñe'me David yaguegue da'me noenaĝac.

1 Samuel 22:8

¿Toqoch'e jayem anaucheñiya? ¿Toqoch'e qaya'te ta'le jayem 'yaĝatem ñe'me yalec Jonatán queda'me necochiguet ñe'me c'oĝot ñe'me Jesé? ¡Ami qa'a ja jayem 'te avichoĝodeñi! ¡Auajeñe'tem ñe'me yalec da'me en jayem nautena ñe'me yalemaĝajet David, qama'le nayi David jetaque 'uo ga'me jayem 'yetec!»

1 Samuel 19:1

'Uo jo'me nolo', Saúl yiyaĝana ñe'me c'oĝot Jonatán nataq'aen ena'uaque jogaa'me nejoĝonaqa, qama'le damajoĝolegue ñe'me David qaedi qoyalat. Qalaĝaja ñe'me Jonatán jo'ne yataqachiñe noqopita joñe'me,