1 Samuel 16:1 - Toba del Oeste

¹ 'Uo jo'me nolo', ñe'me Jaliaĝanec dojapegue' ñe'me Samuel, eetac: «¿Jach'e ga'me ua'a da'me yem da'me am totelegue, jouaĝat ñe'me Saúl? Anetouetac queda'me joote ñaqat da'me lejaliaĝanec gaa'me Israel laje'. Chane'eja oc nayi, auen najaĝaye jaga'me jiyac lepee jo'ne aceite lae't, qama'le auajoyi di'me Belén. Nach'e ena'am auec'ata ñe'me Jesé, qa'a 'uo ga'me c'oĝot jo'ne naqaeñe qauaye jaliaĝanec qomle.»

La'aqtaqa Ñim Lo'onatac 'Enauacna 2013

¹ Nache Ñim Nataxala' 'enapego' so Samuel, 'eeta': ¿Chaq laguio', qaq 'axaañi da 'araquicoxo souaxat so Saúl? Ye aỹem mashe sa saỹamaxaren somaye da queta da lta'a na Israel le'ecpi. Ña qoñisheguem qome, nache 'auỹoxogui aca huaca lcoue ca 'arcoraxanaxat aceite, nache qojec da 'anqo'ona ye lma' ñi Yesé, maye naña ye Belén, cha'aye mashe lleca'aguishec ñi 'oonolec soua llalqa da yaqto' lta'a na Israel le'ecpi.

1 Samuel 16:1 Referans Kwoze

1 Samuel 15:23

Ga'me nautena joñe'me Jaliaĝanec ena'am ga'me jo'ne napaĝaguena da'me pi'yoĝonaq, nataq'aen ga'me ja damichigui lauel ena'am ga'me jo'ne p'iya'alo gaa'me ch'e nequi'il. Qama'le da'me am, queda'me ja auoqo'cha joga'me am yamaĝalegue ñe'me Jaliaĝanec, joñe'me nach'e ena'am am yeguem da'me te'me am lejaliaĝane'j gaa'me Israel laje'pi.»

1 Samuel 15:35

Qama'le Samuel ja yitaĝa yauana ñe'me Saúl, temaq'aen da'me noyetapelegue joñe'me. Qama'le ñe'me Jaliaĝanec totelegue queda'me en ñe'me Saúl da'me en lejaliaĝane'j gaa'me Israel laje'pi.

1 Samuel 16:15

Qama'le jogaa'me lalemaĝaje'te dojedapegue' joñe'me Saúl: «Jayatenaq queda'me am yequeuogaĝatac ñe'me nepaqal ja no'en jo'ne am yanem ñe'me Dios.

1 Samuel 10:1

Qama'le Samuel yacona jaga'me lae't ga'me aceite, yecodelegue ga'me laqaic ñe'me Saúl, nec'ouoq qama'le eetac: «Ñe'me Jaliaĝanec am yachalegue nayi queda'me am lejaliaĝane'j gaa'me Israel laje'pi jo'ne mach'e c'oqo'tepi. Naqa'am anejaliaĝatelo'te nataq'aen aue'uolo'te queda'me coletapejopa gaa'me laute'upi. Da'me dojo' nach'eda yaloĝon da'me yataqatelegue queda'me yataqata eja ñe'me Jaliaĝanec en am lajoĝola't gaa'me c'oqo'tepi:

1 Samuel 15:26

Qalaĝaja Samuel 'yateguet: «Ja naq'aeta, ja am 'te jequegue, qa'a ja auoqo'cha da'me 'laqatac ñe'me Jaliaĝanec. Joñe'me nach'e ena'am am yeguem da'me te'me am lejaliaĝane'j gaa'me Israel laje'pi.»

1 Samuel 9:16

«Qom 'yoĝoñi, nach'e ena'am nayi, ñamaĝaquena ga'me jiyaĝaua chiyoĝogue ga'me 'naleua di'me Benjamín. Nach'eñe jo'ne auecodelegue ga'me aceite ga'me laqaic, da'me naqaeñe jo' qomle nejaliaĝatelegue ga'me mach'e yalaqapi jo'ne Israel laje'pi, jo'ne nach'eñe yachiyoĝotedaue queda'me gaa'me filisteopi nach'e eta't da'me nejaliaĝatetapelo'te, qa'a janem da'me yichoĝodenataĝanaĝac gaa'me mach'e yalaqapi, da'me loñiquiaĝac jayem yedaje'ma.»

1 Samuel 15:11

«Jayem totelegue da'me jen lejaliaĝane'j gaa'me Israel laje' ñe'me Saúl, qa'a jouaĝat da'me jayem ca'ae, qama'le ja ya'uo ga'me jamaĝalegue ta'le ya'uo.» Da'me domachiya da'me dojo' ñe'me Samuel, yataqachiñe jaqachigui da'me ja matelegue, qama'le yema jo'me pi'yaq nachoĝodetapecot ñe'me Jaliaĝanec.

1 Samuel 16:23

Chane'eja nale novita ñe'me nepaqal jo'ne ja no'en jo'ne yanem ñe'me Dios qaedi yequeuogaĝan ñe'me Saúl, qama'le David yacona nale jaga'me leviqui qama'le yeviquiñi. Naqaeda en machiñe q'aen nale ñe'me Saúl qama'le matelegue da'me nejiyaĝauayaĝac. Ua'a nale ñe'me nepaqal jo'ne ja no'en ca'ae ñe'me.

Zacarías 4:14

Qama'le jayem 'yateguet: «Naa'me naajo' yelo'tegueta gaa'me dos jiyaĝa'u jo'ne qoyecodelo'te ga'me aceite qaedi t'onataĝadeuo'o joñe'me Jaliaĝanec, mach'e loĝot yema jena'me aleua.»

1 Samuel 17:12

Qama'le 'uo ñe'me jiyaĝaua lenaĝat da'me Jesé, 'lachaqa' di'me Belén: ca'li jaliaĝanec ñe'me Saúl, joñe'me Jesé qa'a yataqachiñe 'yaĝaicachigui ca'li. Ñe'me uo'oe gaa'me ocho c'oqo'te, qama'le ñe'me onolec lenaĝat David.