1 Samuel 15:9 - Toba del Oeste

⁹ Ja nach'edata da'me dojo', ñe'me Saúl choqoga'me coicopi ja yala't gaa'me yejidi jo'ne 'noe'n: ga'me 'nanaĝatelpi, ga'me uacapi choqogaa'me uaca c'oqo'te jo'ne 'yaĝadayaqa. Nataq'aen ja yolaĝachiguilo ga'me 'uo da'me lajo'viyaĝac; joga'me qaya'te lajo'viyaĝac qamqa'me yolaĝachiguilo.

La'aqtaqa Ñim Lo'onatac 'Enauacna 2013

⁹ Qalaxaye so Saúl qataq so nalleppi, nache nca'alaxattauec co'ollaxa so Agag, qataq saishet da ỹalauat aso ỹataqta 'onaxai qaguetapi, qataq so huacapi, qataq so chaxaraic huaca llalaqpi, qataq qagueta lhuaraicpi, qataq saishet da ilaxachigui so ỹataqta no'on nogoxoshetpi, ndotec so qaica ca naigui, qataq qaica ca la'amaqchec da ilaxachigui.

1 Samuel 15:9 Referans Kwoze

1 Samuel 15:15

Qama'le Saúl 'yateguet: «Naajo' yejidi qoyachiyoĝoteda'ague di'me Amalec. Gaa'me jiyaĝadipi ja yala't gaa'me jo'ne 'noe'n 'nanaĝatelpi choqoga'me uacapi, qa'a jetaque yegouelo, yate'm ñe'me Jaliaĝanec mach'e Anedios. Qalaĝaja joote qoyolaĝachigui ena'uac ga'me lae ga'me yauata jogaa'me.»

1 Samuel 15:19

Qama'le, ¿toqoch'e ja aua'uo ga'me jo'ne am yamaĝalegue ñe'me Jaliaĝanec, maq joda'me anachi ga'me adeuodanaĝat chiyaqauelo gaa'me adaute'upi? Qama'le aualoĝona ga'me ja 'noota ñe'me Jaliaĝanec.»

1 Samuel 15:3

Chane'eja auec'atalo qama'le anomachichidiñe gaa'me Amalec laje'. Ena'te avichoĝode'n gaa'me jiyaĝadipi, gaa'me yauodipi, gaa'me ñoqolqapi, chayovida'alo gaa'me yemta 'niyidiñe, nataq'aen gaa'me uacapi, gaa'me 'nanaĝatelpi, gaa'me camello choqogaa'me ajenadi nataq'aen ena'uac ga'me yauata.”»

2 Samuel 6:13

Ca'li gaa'me yachitedac jaga'me lae't daa'me namajoĝonaĝaco joote seis naa'me laqaua' da'me eque', ñe'me David ya'uo ga'me lajaqajec uaca t'adaic choqoga'me 'nanaĝate penaq jo'ne 'yaĝadaic.

1 Samuel 15:10

Chane'eja ñe'me Jaliaĝanec dojapegue' ñe'me Samuel, qama'le eetac:

1 Samuel 28:18

Queda'me ja auoqo'cha da'me 'laqatac ñe'me Jaliaĝanec, nataq'aen ja aua'uo da'me lamajoĝonaĝac ta'le anomachichidiñe jogaa'me Amalec laje', ñe'me Jaliaĝanec am 'yetec nayi da'me dojo'.