1 Samuel 15:3 - Toba del Oeste

³ Chane'eja auec'atalo qama'le anomachichidiñe gaa'me Amalec laje'. Ena'te avichoĝode'n gaa'me jiyaĝadipi, gaa'me yauodipi, gaa'me ñoqolqapi, chayovida'alo gaa'me yemta 'niyidiñe, nataq'aen gaa'me uacapi, gaa'me 'nanaĝatelpi, gaa'me camello choqogaa'me ajenadi nataq'aen ena'uac ga'me yauata.”»

La'aqtaqa Ñim Lo'onatac 'Enauacna 2013

³ Qaq ỹoqo'oye nagui 'anqo'ona yemayepi, nache saishet da 'auchoxoreetac da 'auloquiaxan, nache ỹataqta 'anmatchiguiñi qome da 'aualauat 'enauac ye ỹalleppi, 'alpi, ñaqpiolec, qataq na cheta'ague da ñiguiñi, qataq aye huacapi, qaguetapi, cameellopi qataq 'ashenapi.»

1 Samuel 15:3 Referans Kwoze

1 Samuel 22:19

Yem qama'le taue di'me noic jo'ne Nob, jo'ne neda'ña ca'li gaa'me dia'me tamenaĝaiqui lo'ol, qama'le yala't gaa'me jiyaĝa'u, gaa'me yauodipi nataq'aen gaa'me ñoqolqapi jo'ne yemta 'niyidiñe. Nach'e ena'am yala't gaa'me uacapi nataq'aen gaa'me ajenapi nataq'aen 'nanaĝatelpi. Ena'uaque yala't jogaa'me.

1 Samuel 14:48

Yemata'a't ca'li gaa'me coicopi, qama'le noma't gaa'me Amalec laje', qama'le naq'aeta da'me nec'alaĝatedegue gaa'me Israel laje' jogaa'me jo'ne nach'e eta't da'me neuode'tape.

1 Samuel 15:9

Ja nach'edata da'me dojo', ñe'me Saúl choqoga'me coicopi ja yala't gaa'me yejidi jo'ne 'noe'n: ga'me 'nanaĝatelpi, ga'me uacapi choqogaa'me uaca c'oqo'te jo'ne 'yaĝadayaqa. Nataq'aen ja yolaĝachiguilo ga'me 'uo da'me lajo'viyaĝac; joga'me qaya'te lajo'viyaĝac qamqa'me yolaĝachiguilo.

1 Samuel 15:18

Qama'le ja copaja'a, ñe'me Jaliaĝanec am yamaĝalegue, da'me am dojapegue', eetac: “Auec'atalo jogaa'me Amalec laje' qama'le auolaĝachiguilo ena'uaque jogaa'me. Aueloi'ye'to chayovida'a anomachichidiñe jogaa'me.”

1 Samuel 27:9

David nolaĝachidiñe naa'me naajo' noyaqa nataq'aen qaya'te ta'le nec'alaĝatetaye gaa'me jiyaĝa'u nataq'aen gaa'me yauodipi; nataq'aen yaconalo gaa'me 'nanaĝatelpi, gaa'me uacapi, gaa'me ajenadi, nataq'aen ga'me jiyac jo'ne camello, chayovida'alo gaa'me neuo lael. Da'me yem, yitaĝa 'viyelaĝague ñe'me Aquís.

1 Samuel 30:17

Queda'me qaya'te levitaqa', David 'notetalo'te, qama'le nalachidiñe jo'me nolo' chayovida'a jo'me javit. Qaya'te ta'le nec'alaĝatetedaye, yejamache jogaa'me nejo' jo'ne cuatrocientos queda'me dajodegue, nalo'te jogaa'me camello.

2 Samuel 1:8

Qama'le jayem yachimaĝata jach'e ga'me jachiyoĝogue, qama'le ja'aĝatem da'me jayem Amalec le'ec.