1 Samuel 13:5 - Toba del Oeste

⁵ Jogaa'me filisteopi nach'e ena'am yema'a't qa'a jetaque deloi'ye'to jogaa'me Israel laje'pi. Nalo'taguet treinta mil gaa'me cadeeta jo'ne yelotede'eguet ga'me nalada't, seis mil gaa'me coicopi netalo'te gaa'me pe'ga, nataq'aen jogaa'me coicopi jo'ne petedañe yataqachiñe ja qoyaqanatet ta'le qonaloqoten, ena'am ga'me pogaĝanaĝa jo'ne ua'ña ga'me ñache lae. Qama'le dajotegue di'me Micmás, qama'le ueda'a da'me yauote ga'me lomachaqa't, jo'ne yauaqa'a di'me Bet-avén da'me ua'ague ga'me nayapije'ma jañe'me ajeua.

La'aqtaqa Ñim Lo'onatac 'Enauacna 2013

⁵ Qaq so filisteopi qalaq laỹona't co'ollaxa da delogui' so Israel le'ecpi. Nache ivi' treinta mil aso nnaigonapi maye nalaataxaqui, qataq seis mil so nalleppi maye netalec so caipi qataq ỹataqta qalota so petañepi, 'eeta'am na lsoche na 'alhua maye huangui aso auaxai. Nache somayepi nqo'ona ye Micmas, nache ỹanaña yemaye so lanataqa' maye pa'aỹa'ague da nala' lliguisheguem ye Bet Avén.

1 Samuel 13:5 Referans Kwoze

1 Samuel 14:23

Jo'me nalada't yataqachiñe jalcochiñe, chayovida'a di'me Bet-avén, qama'le ñe'me Jaliaĝanec naq'aeta da'me de'uolo'te gaa'me Israel laje'pi jo'me jojo' nolo'.

Oseas 10:5

Jogaa'me Samaria laje'pi yataqachiñe deda'y nataq'aen noye'tape, yajouaĝat da'me male qoyajaĝañe ga'me uaca lequi'i jo'ne qonetametapecot nale di'me noic Bet-avén. Nach'e ena'ama gaa'me tamenaĝaiqui lo'olpi jo'ne neteleta nale yataqachiñe noyetedapelegue, qa'a joda'me 'lonaĝac male qaya.

Oseas 5:8

¡Auajediiyelo naa'me adajeedeldi'! ¡A'uaqataĝañiyema yemeda jogaa'me ueteda'a di'me Guibeá choqodi'me Ramá nataq'aen di'me Bet-avén! ¡'Noota qom niyamaĝateta'ajalo jogaa'me ueteda'a di'me Benjamín!

Oseas 4:15

»Ami Israel lec'oqo'tepi, qom maliaĝa auep'iiya'alo gaa'me qop'iyapegalo, qama'le 'noota ta'le ja ena'ama gaa'me c'oqo'tepi di'me Judá. Male aĝañiñi da'me auec'achiya di'me Guilgal choqodi'me Bet-avén: ¡ena'te auauoyi adajaqajequi nale, uotaĝa ta'le jayem a'naĝachiyot!

1 Samuel 7:13

Gaa'me filisteopi male qonoma't, qama'le ja yitaĝa yeloiquiaĝa'tape joga'me 'naleua gaa'me Israel laje'pi. Da'me cha'li nec'aletaye ñe'me Samuel, ñe'me Jaliaĝanec nach'e eta't da'me nautenalo gaa'me filisteopi.

1 Samuel 13:2

yauo'oe tres mil coico laje' jo'ne Israel laje'pi. Dos mil gaa'me ueteda'ajop joñe'me, ueteda'a di'me noic Micmás nataq'aen gaa'me qajoĝona'a di'me aleua lae jo'ne Betel. Gaa'me laqaya' mil qamqa'me ueteda'ajop ñe'me Jonatán, mach'e c'oĝot ñe'me Saúl, ueteda'a di'me noic jo'ne Guibeá, 'naleua di'me Benjamín. Gaa'me jiyaĝa'u laqaya', ñe'me Saúl e'n 'viyelaĝalo gaa'me 'lachaqa'te.

1 Samuel 13:11

Qalaĝaja ñe'me Samuel enapega, eetac ga'me 'laqatac: «¿Toqoch'e aua'uo da'me dojo'?» Ñe'me Saúl 'yateguet: «Mane'e da'me jauanalo gaa'me ñecoicopi, onolqa'tape da'me quedeuo, nataq'aen da'me am ja yepaquichigui da'me anovi' jo'me te'me adaloqo', nataq'aen jogaa'me filisteopi niyamaĝatetapega't, ueteda'a di'me Micmás,

1 Samuel 17:1

Gaa'me filisteopi yitaĝa yapetena't jogaa'me coicopi di'me Socó, noic jo'ne mach'e 'naleua di'me Judá, qama'le e'n lomachaqa't di'me Efes-damim, jo'ne laeñi gaa'me noyaqa Socó nataq'aen di'me Azecá.

2 Samuel 17:11

Da'me am jaqatec, qa'a 'noota qom auemata'a't ena'uaque jogaa'me Israel laje'pi chiyoqochi'ña di'me Dan chayovida'a di'me Beerseba, qa'a yataqachiñe jalcote jogaa'me eda'am ga'me pogaĝanaĝa jo'ne ua'a lae ga'me ñache, qama'le nach'e am da'me am qodajoya'ye da'me auec'ata ga'me nalada't.

1 Samuel 14:52

Da'me cha'li jaliaĝanec ñe'me Saúl, nach'e eta't da'me 'uo ga'me nalada't, gaa'me laute'u jo'ne filisteopi. Jouaĝat da'me dojo', ñe'me Saúl yacone'ualo gaa'me jiyaĝa'u jo'ne nalada't lo'o jo'ne yataqachiñe 'uañaĝayaqa.