1 Samuel 13:13 - Toba del Oeste

¹³ Qalaĝaja ñe'me Samuel 'yateguet: «¡Da'me jo'ne aua'uo yataqachiñe ja 'noota! Ta'le yataqata aua'uo da'me lamajoĝonaĝac ñe'me Jaliaĝanec mach'e Anedios jo'ne am yanem ca'li, qama'le ñe'me nale'en da'me am yanem da'me am lejaliaĝane'j gaa'me Israel laje'pi.

La'aqtaqa Ñim Lo'onatac 'Enauacna 2013

¹³ Nache so Samuel 'enapeco': «¡'Am ỹataqta huo'o da 'oic peta'a! Qamaq taxa da 'aualaxaguet da namaxasoxonaxac maye 'am ỹanem Ñim Nataxala', nache Ñimaye ipacchigui taxa da nache 'eetai' naqa'en da 'aro'onataxanaxac da 'aulotague' na netaña na Israel.

1 Samuel 13:13 Referans Kwoze

1 Samuel 15:22

Qalaĝaja Samuel 'yateguet joñe'me: «Ñe'me Jaliaĝanec yataqachiñe 'yamaqaten da'me qoyoqocha'alo gaa'me lamajoĝonaĝaco, ja en 'te p'ajaye ga'me najaqajec jo'ne qoyegoue nale. Nataq'aen da'me 'yamaqaten da'me qonaquiaĝanalo daa'me 'laqataqa, ja en 'te p'ajaye ta'le qoyanem ga'me cheta ga'me 'nanaĝate.

1 Samuel 15:28

Chane'eja Samuel eetac ga'me 'laqatac yanem ñe'me Saúl: «Naq'aeta qomle da'me dojo', ñe'me Jaliaĝanec yecolaĝat nayi da'me am lejaliaĝane'j gaa'me Israel laje'. Male doĝotaĝanec qaedi yanem joga'me jo'ne p'ajaye, ja am 'te ena'am.

1 Samuel 15:11

«Jayem totelegue da'me jen lejaliaĝane'j gaa'me Israel laje' ñe'me Saúl, qa'a jouaĝat da'me jayem ca'ae, qama'le ja ya'uo ga'me jamaĝalegue ta'le ya'uo.» Da'me domachiya da'me dojo' ñe'me Samuel, yataqachiñe jaqachigui da'me ja matelegue, qama'le yema jo'me pi'yaq nachoĝodetapecot ñe'me Jaliaĝanec.

1 Samuel 1:22

Qalaĝaja jañe'me Ana ja ec, qa'a eetac ca'li dojapegue' ñe'me loua: «Da'me jayem qa'a ja jec chayovida'a qom yaĝañi da'me lanogaĝac jena'me notolec. Yem qama'le jedo'ogue qaedi janem ñe'me Jaliaĝanec, qama'le ja yitaĝa ca'e joñe'me.»

1 Samuel 13:12

qama'le jetapega jogaa'me jayem nagueta da'me joue'ta jena'me Guilgal, ja ch'e ta'le ja'uo ga'me yenataĝanaĝac ñe'me Jaliaĝanec. Jouaĝat da'me dojo' jetapega mach'e jayem da'me je'et jegoue ga'me najaqajec.»

1 Samuel 16:1

'Uo jo'me nolo', ñe'me Jaliaĝanec dojapegue' ñe'me Samuel, eetac: «¿Jach'e ga'me ua'a da'me yem da'me am totelegue, jouaĝat ñe'me Saúl? Anetouetac queda'me joote ñaqat da'me lejaliaĝanec gaa'me Israel laje'. Chane'eja oc nayi, auen najaĝaye jaga'me jiyac lepee jo'ne aceite lae't, qama'le auajoyi di'me Belén. Nach'e ena'am auec'ata ñe'me Jesé, qa'a 'uo ga'me c'oĝot jo'ne naqaeñe qauaye jaliaĝanec qomle.»

2 Samuel 24:10

Qalaĝaja ñe'me David nomeguet da'me ja 'noota joga'me ya'uo queda'me en nedela't ga'me jiyaĝadipi, qama'le nechoĝotot ñe'me Jaliaĝanec, enaac: «Yataqachiñe let'adaic da'me yoec queda'me ja'uo da'me dojo'. Qalaĝaja am ñachoĝodenot, am Jaliaĝanec, qaedi auapalaĝat nayi ga'me yoec, jayem jo'ne mach'e adalemaĝajet, qa'a ja'uo ena'am ga'me ya'uo joga'me chiyoĝojec.»

1 Samuel 26:21

Qama'le Saúl enaac: «David, mach'e am yalec: ñatetola't queda'me ja'uo da'me ja no'en. 'Noota qom a'viyelaq: ja yitaĝa ta'le ja no'en ga'me am je'etec, queda'me 'uo da'me adauategaĝa da'me ñejiyaĝauayaĝac. Da'me jayem, ja naq'aeta da'me ja'uo: ¡jena'am ga'me chiyoĝojec! ¡Yataqachiñe t'adaic da'me yejamaĝataĝac!»