1 Samuel 12:3 - Toba del Oeste

³ Naqayem male joueta'ñena nayi: ¿qo'li jecachiya ca'li joga'me uaca uotaĝa ajena jo'ne mach'e aloyi? Uotaĝa ¿qo'li 'uo joga'me ja jodinac, uotaĝa je'etec ga'me ja no'en, uotaĝa ja'uo lajo'vi ca'li qaedi jotauan joga'me? Qom naq'aeta, qama'le 'noota ta'le jayem a'uaĝachiyem nayi, nataq'aen auechoĝochiyem joñe'me Jaliaĝanec Dios choqoñe'me adejaliaĝanequi jo'ne mach'e liquiyac joñe'me, qama'le jayem jejeten nayi yema joga'me ñep'iayaĝac.»

La'aqtaqa Ñim Lo'onatac 'Enauacna 2013

³ qaq nagui soota'a ne'ena, qalaq da huo'o co'ollaxa ca secachiỹa ca lauegaxanaxala' huaca, huo'otaq 'ashena, huo'otaq da huo'o co'ollaxa ca huetaiya' ñaqa'en, huo'otaq da huo'o ca aỹem isheeten da yaqto' so'ot ca 'eetapeguec sa ỹaỹamaxañi lataxac, nache nagui qaua'axache cam ỹasouaxashet, ỹauaachigui qanqa'eñi Ñim Nataxala', qataq ñi nta'a maye lca'aguishec Ñimaye, yaqto' aỹem sesheeten qome aca ỹavigaxaiste.

1 Samuel 12:3 Referans Kwoze

1 Samuel 24:6

Qama'le enaac da'me dojapegue'to gaa'me nejoĝonaqa: «Joñe'me Jaliaĝanec nach'eñe jayem yachiyoĝotaue da'me ta'le 'uo joga'me je'etec ñe'me yejaliaĝanec. Qa'a joñe'me mach'e liquiyac ñe'me Jaliaĝanec. ¡Ja jaqanatet ta'le ñodegue jena'me youaq ta'le 'uo joga'me je'etec joñe'me!»

1 Samuel 12:5

Qama'le 'yategueta ñe'me Samuel: «Joñe'me Jaliaĝanec Dios choqoñe'me adejaliaĝanequi jo'ne liquiyac joñe'me, nach'eñaua jo'ne dechoqotaĝatec nayi queda'me qaya'te 'uo ga'me ja no'en ta'le jayem auepoliquilegue.» Jogaa'me enapega't: «¡Yataqata eja!»

1 Samuel 10:1

Qama'le Samuel yacona jaga'me lae't ga'me aceite, yecodelegue ga'me laqaic ñe'me Saúl, nec'ouoq qama'le eetac: «Ñe'me Jaliaĝanec am yachalegue nayi queda'me am lejaliaĝane'j gaa'me Israel laje'pi jo'ne mach'e c'oqo'tepi. Naqa'am anejaliaĝatelo'te nataq'aen aue'uolo'te queda'me coletapejopa gaa'me laute'upi. Da'me dojo' nach'eda yaloĝon da'me yataqatelegue queda'me yataqata eja ñe'me Jaliaĝanec en am lajoĝola't gaa'me c'oqo'tepi:

1 Samuel 2:35

Yem da'me dojo' qama'le ja'uo qomle ga'me tamenaĝaiqui lo'o jo'ne yataqatelegue nataq'aen ya'uo joga'me jepaquetapega. Nach'ega janem da'me nach'e eta't uo'oe gaa'me lolelaĝayaqa nataq'aen nach'e eta't da'me t'onataĝaneuo'o ga'me jaliaĝanec jo'ne mach'e yiquiyac.

1 Samuel 12:4

Qalaĝaja jogaa'me 'yadeteguet: «Ja jauanaĝa ta'le ja qo'mi 'te auodina'ape, uotaĝa ta'le qo'mi aualate'tape, uotaĝa ta'le qo'mi auajela'y nale.»

1 Samuel 24:7

Daa'me daajo' 'laqataqa ñe'me David en 'nemaĝadiñe jogaa'me nejoĝonaqa, qama'le ja yajeta ta'le 'uo joga'me qo'yetec ñe'me Saúl. Ca'li ñe'me Saúl yenoĝonegue, ca'e ga'me jauac, qama'le yitaĝa ec.

1 Samuel 24:11

Yataqata auec'aten, am jaliaĝanec, jena'me jenjo' yajoqot'a jo'ne mach'e lae na'me adapoto. Mach'e jayem da'me jichaĝaye, qalaĝaja ja am 'te jalat. Qaedi male auayaten queda'me qaya'te ua'a ta'le am ñautena, nataq'aen qaya'te ja no'en ta'le am je'etec. Qalaĝaja da'me am jayem auecaatac qa'a jetaque jayem aualat.

1 Samuel 26:9

Qalaĝaja David 'yateguet: «Ena'te aualat, qa'a ga'me jo'ne jetaque yalat ñe'me jaliaĝanec jo'ne liquiyac ñe'me Dios ja ch'e qoyomache'ta, maq da'me qoyanem ga'me ne'uaĝanaguec.»

1 Samuel 26:11

qama'le joñe'me ja jayem 'te yaje'tem ta'le 'uo joga'me je'etec ñe'me mach'e liquiyac. Qalaĝaja am e'tegue, auacona jaga'me nemiyoĝo, nataq'aen jaga'me yomaĝaiqui jo'ne uetañgui na'me noĝop, qama'le qolaq.»

2 Samuel 22:22

qa'a ja ch'e ta'le ñematapec joñe'me Jaliaĝanec mach'e Ñedios; yataqachiñe jeque'teguelo jogaa'me lapaĝaguenataĝanaĝaco joñe'me.

Nehemías 5:11

Nayi jenjo' nolo' ami ñachoĝodenoto qaedi a'viyelaĝachiyegueta jogaa'me mach'e 'nale'u, jogaa'me noqop'adichi jo'ne uva lichidijat nataq'aen olivo lichidijat, chayovida'alo jogaa'me mach'e 'lachaqa'te. Nach'e ena'am ena'te 'uo ga'me auaqapiaqachiyañe da'me a'viyelaĝachiyegueta qomle ga'me lae jaga'me laicaua, joga'me trigo jala, joga'me uva li'i nataq'aen joga'me olivo jala li'i.»