1 Samuel 1:11 - Toba del Oeste

¹¹ Qama'le ya'uo da'me 'naĝataĝac: «Am Jaliaĝanec jo'ne anapacalegue ena'uac: qom jetaque auec'aten da'me yachoĝodec, mach'e jayem adalemaĝajete, qama'le jayem anetouetac nataq'aen jayem auanem ga'me yalec, qama'le am janem qomle da'me nejiyaĝauayaĝac. Qama'le qom 'uo da'me dojo', ja ch'e qonojotec ga'me layoĝot, da'me jen yelo'teguet da'me auen ñeme.»

La'aqtaqa Ñim Lo'onatac 'Enauacna 2013

¹¹ nache ỹanot da la'aqtac, 'eeta': «'Am Nataxala' maye Qaica ca 'Auqalanapec, qom 'aula'a da lta'araic lhuogoxo ana'ana 'aramaxashe, qataq da aỹem 'auennata'a, nache 'auauo'o qome ca ỹalec. Nache camaye 'am sanot qome, da yaqto' 'enauaque naua na'axa'te da 'am do'onataxaatacot. Qataq 'Am sanot da ỹa'aqtac, da saishet qome da qanpetec na laue camaye.»

1 Samuel 1:11 Referans Kwoze

1 Samuel 1:19

Nete' laqaya ca'li eque' da'me 'nalañi, qama'le yem da'me 'nonaĝachedigui ñe'me Jaliaĝanec, qama'le 'viyelaĝategue ga'me 'lachaqa't jo'ne Ramá. Yoĝo'yi da'me dojo' Elcaná leuaua jañe'me loua Ana, qama'le ñe'me Jaliaĝanec netouena ga'me netamenaĝac ca'li jañe'me.

2 Samuel 16:12

Uotaĝa ñe'me Jaliaĝanec yauana da'me yachoĝodec, qama'le jayem 'yetec da'me onaĝaic, qama'le ja yepaquichigui ga'me nejouenaĝanaĝac jo'ne jomachiya nayi.»

1 Samuel 1:10

Ana noyetac ca'li, nataq'aen lichigui ga'me lauel, qama'le netamenot ca'li ñe'me Jaliaĝanec.

1 Samuel 1:12

Jañe'me Ana cop'a da'me netametapecot ñe'me Jaliaĝanec, qama'le Elí yec'aten da'me nedegaĝat.

1 Samuel 1:22

Qalaĝaja jañe'me Ana ja ec, qa'a eetac ca'li dojapegue' ñe'me loua: «Da'me jayem qa'a ja jec chayovida'a qom yaĝañi da'me lanogaĝac jena'me notolec. Yem qama'le jedo'ogue qaedi janem ñe'me Jaliaĝanec, qama'le ja yitaĝa ca'e joñe'me.»

1 Samuel 1:27

Ñachoĝodenot ca'li ñe'me Jaliaĝanec qaedi jayem yanem jena'me jenjo' yalec, qama'le jayem yanem.

1 Samuel 1:28

Qama'le da'me jayem, janem ñe'me Jaliaĝanec, qom cha'li uetalegue jena'me aleua nach'e eta't da'me t'onataĝaneuo'o joñe'me.» Qama'le Elí yataqata yeda'aguet jena'me aleua da'me naĝañi, qama'le 'nonaĝachigui ñe'me Jaliaĝanec.

1 Samuel 2:20

Qama'le ñe'me Elí netamelo'te ñe'me Elcaná chaqañe'me loua, eetac: «'Noota qom ñe'me Jaliaĝanec am yanem ga'me adajo'vi, am yanema ga'me ac'oqo'te jada'me jadojo' yauo, jouaĝat ga'me notolec jo'ne yanem jañe'me.» Yem da'me dojo' qama'le 'viyelaĝategue ga'me 'lachaqa't.